헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 7)

ταῦτα παρὰ τῶν μάντεων οἱ Τυρρηνοὶ ἀκούσαντεσ μέρει τινὶ τῆσ ἑαυτῶν στρατιᾶσ τὴν ἐρημωθεῖσαν ὑπὸ τῶν Ῥωμαίων καταλαμβάνονται στρατοπεδείαν ὡσ ἐπιτείχισμα ποιησόμενοι τῆσ ἑτέρασ· ἦν δὲ πάνυ ἐχυρὸν τὸ χωρίον καὶ τοῖσ ἀπὸ Ῥώμησ ἐπὶ τὸ στρατόπεδον ἰοῦσι κωλύσεωσ ἐν καλῷ κείμενον.

πραγματευσάμενοι δὲ καὶ τἆλλα, ἐξ ὧν πλεονεκτήσειν τοὺσ πολεμίουσ ἔμελλον, ἐξῆγον εἰσ τὸ πεδίον τὰσ δυνάμεισ. μενόντων δὲ τῶν Ῥωμαίων ἐφ’ ἡσυχίασ προσιππεύοντεσ ἐξ αὐτῶν οἱ τολμηρότατοι καὶ πλησίον τοῦ χάρακοσ ἱστάμενοι, γυναῖκάσ τ’ ἀπεκάλουν ἅπαντασ καὶ τοὺσ ἡγεμόνασ αὐτῶν τοῖσ δειλοτάτοισ τῶν ζώων ἐοικέναι λέγοντεσ ἐκάκιζον, καὶ δυεῖν θάτερον ἠξίουν·

εἰ μὲν ἀντιποιοῦνται τῆσ περὶ τὰ πολέμια ἀρετῆσ, καταβάντασ εἰσ τὸ πεδίον μιᾷ τὸν ἀγῶνα κρῖναι μάχῃ, εἰ δ’ ὁμολογοῦσιν εἶναι κακοί, παραδόντασ τὰ ὅπλα τοῖσ κρείττοσι καὶ δίκασ ὑποσχόντασ, ὧν ἔδρασαν, μηδενὸσ ἔτι τῶν μεγάλων ἑαυτοὺσ ἀξιοῦν. τοῦτ’ ἐποίουν ὁσημέραι καὶ ἐπεὶ οὐδὲν ἐπέραινον, ἀποτειχίζειν αὐτοὺσ ἔγνωσαν ὡσ λιμῷ προσαναγκάσοντεσ παραστῆναι.

οἱ δ’ ὕπατοι περιεώρων τὰ γινόμενα μέχρι πολλοῦ, δι’ ἀνανδρίαν μὲν ἢ μαλακίαν οὐδεμίαν ‐ ἀμφότεροι γὰρ εὔψυχοί τε καὶ φιλοπόλεμοι ἦσαν ‐ τὸ δὲ τῶν στρατιωτῶν ἐθελόκακόν τε καὶ ἀπρόθυμον, διαμένον ἐν τοῖσ δημοτικοῖσ, ἐξ οὗ περὶ τῆσ κληρουχίασ διεστασίασαν, ὑφορώμενοι·

ἔτι γὰρ αὐτοῖσ ἔναυλα καὶ πρὸ ὀμμάτων ἦν, ἃ τῷ παρελθόντι ἐνιαυτῷ κατὰ τὸ ἔγκοτον τῆσ πρὸσ τὸν ὕπατον τιμῆσ αἰσχρὰ καὶ ἀνάξια τῆσ πόλεωσ εἰργάσαντο, παραχωρήσαντεσ τῆσ νίκησ τοῖσ ἡττηθεῖσι καὶ φυγῆσ ὄνειδοσ οὐκ ἀληθὲσ ὑπομείναντεσ, ἵνα μὴ καταγάγῃ τὸν ἐπινίκιον θρίαμβον ὁ ἀνήρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 7

(디오니시오스, Antiquitates Romanae, Books VII-IX, book 9, chapter 7)

상위

목록

SEARCH

MENU NAVIGATION