헬라어 문장 검색 - Διοδορ́Βιβλιοτ́5́73́

(디오도로스 시켈로스, Bibliotheca Historica, book 5, chapter 72)

καταδειχθῆναι δὲ καὶ θυσίασ αὐτῷ συντελεῖν ὑπὲρ τοὺσ ἄλλουσ ἅπαντασ, καὶ μετὰ τὴν ἐκ γῆσ μετάστασιν εἰσ τὸν οὐρανὸν ἐγγενέσθαι δόξασ δικαίουσ ἐν ταῖσ τῶν εὖ πεπονθότων ψυχαῖσ, ὡσ ἁπάντων τῶν γινομένων κατ’ οὐρανὸν οὗτοσ εἰή κύριοσ, λέγω δ’ ὄμβρων τε καὶ βροντῶν καὶ κεραυνῶν καὶ τῶν ἄλλων τῶν τοιούτων. διόπερ αὐτὸν προσαγορευθῆναι Ζῆνα μὲν ἀπὸ τοῦ δοκεῖν τοῖσ ἀνθρώποισ αἴτιον εἶναι τοῦ ζῆν, ταῖσ ἐκ τοῦ περιέχοντοσ εὐκρασίαισ τοὺσ καρποὺσ ἀνάγοντα πρὸσ τέλοσ, πατέρα δὲ διὰ τὴν φροντίδα καὶ τὴν εὔνοιαν τὴν εἰσ ἅπαντασ, ἔτι δὲ καὶ τὸ δοκεῖν ὥσπερ ἀρχηγὸν εἶναι τοῦ γένουσ τῶν ἀνθρώπων, ὕπατον δὲ καὶ βασιλέα διὰ τὴν τῆσ ἀρχῆσ ὑπεροχήν, εὐβουλέα δὲ καὶ μητιέτην διὰ τὴν ἐν τῷ βουλεύεσθαι καλῶσ σύνεσιν.

μυθολογοῦσι δὲ καὶ τὴν Ἀθηνᾶν κατὰ τὴν Κρήτην ἐκ Διὸσ ἐν ταῖσ πηγαῖσ τοῦ Τρίτωνοσ ποταμοῦ γεννηθῆναι·

διὸ καὶ Τριτογένειαν ὀνομασθῆναι. ἔστι δὲ καὶ νῦν ἔτι περὶ τὰσ πηγὰσ ταύτασ ἱερὸν ἅγιον τῆσ θεοῦ ταύτησ, ἐν ᾧ τόπῳ τὴν γένεσιν αὐτῆσ ὑπάρξαι μυθολογοῦσι. λέγουσι δὲ καὶ τοὺσ γάμουσ τοῦ τε Διὸσ καὶ τῆσ Ἥρασ ἐν τῇ Κνωσίων χώρᾳ γενέσθαι κατά τινα τόπον πλησίον τοῦ Θήρηνοσ ποταμοῦ, καθ’ ὃν νῦν ἱερόν ἐστιν, ἐν ᾧ θυσίασ κατ’ ἐνιαυτὸν ἁγίουσ ὑπὸ τῶν ἐγχωρίων συντελεῖσθαι, καὶ τοὺσ γάμουσ ἀπομιμεῖσθαι, καθάπερ ἐξ ἀρχῆσ γενέσθαι παρεδόθησαν.

τοῦ δὲ Διὸσ ἐκγόνουσ φασὶ γενέσθαι θεὰσ μὲν Ἀφροδίτην καὶ Χάριτασ, πρὸσ δὲ ταύταισ Εἰλείθυιαν καὶ τὴν ταύτησ συνεργὸν Ἄρτεμιν, καὶ τὰσ προσαγορευομένασ Ὥρασ, Εὐνομίαν τε καὶ Δίκην, ἔτι δ’ Εἰρήνην καὶ Ἀθηνᾶν καὶ Μοῦσασ, θεοὺσ δὲ Ἥφαιστον καὶ Ἄρην καὶ Ἀπόλλωνα, πρὸσ δὲ τούτοισ Ἑρμῆν καὶ Διόνυσον καὶ Ἡρακλέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 72

(디오도로스 시켈로스, Bibliotheca Historica, book 5, chapter 72)

상위

목록

SEARCH

MENU NAVIGATION