헬라어 문장 검색 - Πλυταρ́Δεξομμύ26́

(플루타르코스, De communibus notitiis adversus Stoicos, section 26)

παρὰ τὴν ἔννοιάν ἐστι· πράττομεν, ἐφ’ ἕν τι γίγνεσθαι τὴν ἀναφορὰν ἔτι δὲ μᾶλλόν ἐστι παρὰ τὴν ἔννοιαν ἄλλο μὲν εἶναι τέλοσ, ἐπ’ ἄλλο δὲ τῶν πραττομένων ἕκαστον ἀναφέρεσθαι τούτων δ’ αὐτοὺσ ὑπομένειν ἀνάγκη θάτερον.

εἰ γὰρ αὐτὰ μὲν τὰ πρῶτα κατὰ φύσιν ἀγαθὰ μή ἐστιν, ἡ δ’ εὐλόγιστοσ ἐκλογὴ καὶ λῆψισ αὐτῶν καὶ τὸ πάντα τὰ παρ’ ἑαυτὸν ποιεῖν ἕκαστον ἕνεκα τοῦ τυγχάνειν τῶν πρώτων κατὰ φύσιν, ἐπ’ ἐκεῖνο δεῖ πάντα ἔχειν τὰ πραττόμενα τὴν ἀναφοράν, τὸ τυγχάνειν τῶν πρώτων κατὰ φύσιν.

εἴπερ γὰρ οἰόνται μὴ στοχαζομένουσ μηδ’ ἐφιεμένουσ τοῦ τυχεῖν ἐκείνων τὸ τέλοσ ἔχειν, ἀλλ’ οὗ δεῖ ἐκεῖνα ἀναφέρεσθαι, τὴν τούτων ἐκλογὴν καὶ μὴ ταῦτα·

τέλοσ μὲν γὰρ τὸ ἐκλέγεσθαι καὶ λαμβάνειν ἐκεῖνα φρονίμωσ·

ἐκεῖνα δ’ αὐτὰ καὶ τὸ τυγχάνειν αὐτῶν οὐ τέλοσ, ἀλλ’ ὥσπερ ὕλη τισ ὑπόκειται τὴν ἐκλεκτικὴν ἀξίαν ἔχουσα· τοῦτο γὰρ οἶμαι καὶ τοὔνομα λέγειν καὶ γράφειν αὐτούσ, ἐνδεικνυμένουσ τὴν διαφοράν. λαμπρ Ἀνδρικῶσ; μὲν ἀπομεμνημόνευκασ καὶ ὃ λέγουσι καὶ ὡσ λέγουσι. διαδουμ.

σκόπει δ’ ὅτι ταὐτὸ πάσχουσι τοῖσ τὴν σκιὰν ὑπεράλλεσθαι τὴν ἑαυτῶν ἐφιεμένοισ· οὐ γὰρ ἀπολείπουσιν ἀλλὰ συμμεταφέρουσι τὴν ἀτοπίαν τῷ λόγῳ, πορρωτάτω τῶν ἐννοιῶν ἀφισταμένην. μᾶλλον δ’ ἐκεῖνοσ εἰωθόσ τι καὶ νενομισμένον ἀλλάττει καὶ ταράττει τὴν τάξιν·

"οὐ σπουδάζομεν εὐκαίρωσ περιπατεῖν ἕνεκα τοῦ πέττειν τὴν τροφὴν ἀλλὰ πέττειν τὴν τροφὴν ἕνεκα τοῦ περιπατεῖν εὐκαίρωσ" ἦπου καὶ τὴν ὑγίειαν ἡ φύσισ τοῦ ἐλλεβόρου χάριν πεποίηκεν, οὐ τῆσ ·

ὑγιείασ τὸν ἐλλέβορον.

τί γὰρ ἄλλο καταλείπεται αὐτοῖσ εἰσ ὑπερβολὴν παραδοξολογίασ ἢ τοιαῦτα ληρεῖν; γεγονέναι τὴν ὑγίειαν τῶν φαρμάκων ἕνεκα, μὴ τὰ φάρμακα τῆσ ὑγιείασ, ὁ τὴν ἐκλογὴν τὴν περὶ τὰ φάρμακα καὶ σύνθεσιν καὶ·

χρῆσιν αὐτῶν αἱρετωτέραν ποιῶν τῆσ ὑγιείασ μᾶλλον τὴν μὲν οὐδ’ ὅλωσ αἱρετὸν ἡγούμενοσ, ἐν δὲ τῇ περὶ ἐκεῖνα πραγματείᾳ τὸ τέλοσ τιθέμενοσ καὶ ἔφεσιν ἀποφαίνων τέλοσ τῆσ τεύξεωσ, οὐ τῆσ ἐφέσεωσ τὴν τεῦξιν;

πάνυ μὲν οὖν, φήσομεν, ἂν ὡσ πρὸσ τέλοσ ὁρᾷ τὴν τεῦξιν ὧν διώκει καὶ τὴν κτῆσιν εἰ μή, τὸ εὐλόγιστον αὐτῆσ;

πάντα ποιούσησ ἕνεκα τσῦ τυχεῖν, οὗ τυχεῖν οὐ σεμνὸν οὐδὲ μακάριόν ἐστι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De communibus notitiis adversus Stoicos, section 26

(플루타르코스, De communibus notitiis adversus Stoicos, section 26)

상위

목록

SEARCH

MENU NAVIGATION