헬라어 문장 검색 - Πλυταρ́Δεξομμύ46́

(플루타르코스, De communibus notitiis adversus Stoicos, section 45)

ἐν δὲ τῇ ψυχῇ τί παθόντεσ ἤ τίνασ πάλιν ἄλλασ ὑποθέσεισ κοσμοῦντεσ ἐνδημιουργοῦσι σωμάτων διαφορὰσ καὶ ἰδέασ ὀλίγου δέω εἰπεῖν ἀπείρουσ τὸ πλῆθοσ, οὐκ ἂν ἔχοι τισ εἰπεῖν· ἀλλ’ ὅτι τὰσ κοινὰσ καὶ συνήθεισ ἐξοικίζοντεσ ἐννοίασ, μᾶλλον δ’ ὅλωσ ἀναιροῦντεσ καὶ διαφθείροντεσ, ἑτέρασ ἐπεισάγουσιν ἀλλοκότουσ καὶ ξένασ. καὶ πάθη καὶ ὁρμὰσ καὶ συγκαταθέσεισ σώματα ποιουμένουσ ἐν μηδενὶ φάναι κεῖσθαι μηδ’ ὑπάρχειν τόπον τούτοισ, ἕνα δὲ τὸν ἐν τῇ καρδίᾳ πόρον στιγμιαῖον ἀπολιπεῖν, ὅπου τὸ ἡγεμονικὸν συστέλλουσι τῆσ ψυχῆσ, ὑπὸ τοσούτων σωμάτων κατεχόμενον, ὅσων τοὺσ πάνυ δοκοῦντασ ἀφορίζειν καὶ ἀποκρίνειν ἕτερον ἑτέρου πολὺ πλῆθοσ διαπέφευγε.

τὸ δὲ μὴ μόνον σώματα ταῦτα ποιεῖν, ἀλλὰ καὶ ζῷα λογικὰ καὶ ζῴων τοσούτων σμῆνοσ οὐ φίλιον οὐδ’ ἥμερον, ἀλλ’ ὄχλον ἀντιστάτην κακίαισ καὶ πολέμιον νοῦν ἔχοντασ, ἀποφαίνειν ἕκαστον ἡμῶν παράδεισον ἢ μάνδραν ἢ δούρειον ἵππον τί ἄν τισ ἃ πλάττουσιν οὗτοι διανοηθείη καὶ προσαγορεύσειεν;

̓ ὑπερβολὴ τίσ ἐστιν ὀλιγωρίασ καὶ παρανομίασ εἰσ τὴν ἐνάργειαν καὶ τὴν συνήθειαν.

οἱ δ’ οὐ μόνον τὰσ ἀρετὰσ καὶ τὰσ κακίασ ζῷα εἶναι λέγουσιν οὐδὲ τὰ πάθη μόνον ὀργὰσ καὶ φθόνουσ καὶ λύπασ καὶ ἐπιχαιρεκακίασ, οὐδὲ καταλήψεισ καὶ φαντασίασ καὶ ἀγνοίασ οὐδὲ τὰσ τέχνασ ζῷα, τὴν σκυτοτομικὴν τὴν χαλκοτυπικήν· ἀλλὰ πρὸσ τούτοισ ἔτι καὶ τὰσ ἐνεργείασ σώματα καὶ ζῷα ποιοῦσι, τὸν περίπατον ζῷον τὴν ὄρχησιν τὴν ὑπόδεσιν τὴν προσαγόρευσιν τὴν λοιδορίαν ἕπεται δὲ τούτοισ καὶ γέλωτα ζῷον εἶναι καὶ κλαυθμόν·

εἰ δὲ ταῦτα, καὶ βῆχα καὶ πταρμὸν καὶ στεναγμὸν πτύσιν τε πάντωσ καὶ ἀπόμυξιν καὶ τὰ λοιπά·

ἔνδηλα γάρ ἐστι. "οὐχ ἡ μὲν νὺξ σῶμ’ ἐστίν, ἡ δ’ ἑσπέρα καὶ ὁ ὄρθροσ καὶ τὸ μέσον τῆσ νυκτὸσ σώματ’ οὔκ ἐστιν·

"οὐδ’ ἡ μὲν ἡμέρα σῶμ’ ἐστὶν οὐχὶ δὲ καὶ ἡ νουμηνία σῶμα καὶ ἡ δεκάτη καὶ πεντεκαιδεκάτη καὶ ἡ τριακὰσ καὶ ὁ μὴν σῶμ’ ἐστὶ καὶ τὸ θέροσ καὶ τὸ φθινόπωρον καὶ ὁ ἐνιαυτόσ" ἀλλὰ ταῦτα μὲν παρὰ τὰσ κοινὰσ βιάζονται προλήψεισ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De communibus notitiis adversus Stoicos, section 45

(플루타르코스, De communibus notitiis adversus Stoicos, section 45)

상위

목록

SEARCH

MENU NAVIGATION