Plutarch, De communibus notitiis adversus Stoicos, section 39

(플루타르코스, De communibus notitiis adversus Stoicos, section 39)

"τῆσ πυραμίδοσ ἐκ τριγώνων συνισταμένησ τὰσ πλευρὰσ κατὰ τὴν συναφὴν ἐγκεκλιμένασ ἀνίσουσ μὲν εἶναι, μὴ ὑπερέχον δ’ ᾗ μείζονέσ εἰσιν" οὕτωσ ἐτήρει τὰσ ἐννοίασ. εἰ γὰρ ἔστι τι μεῖζον καὶ μὴ ὑπερέχον, ἔσται τι μικρότερον καὶ μὴ ἐλλεῖπον·

ὥστε καὶ ἄνισον μήθ’ ὑπερέχον μήτ’ ἐλλεῖπον, τουτέστιν ἴσον τὸ ἄνισον καὶ οὐ μεῖζον τὸ μεῖζον οὐδὲ μικρότερον τὸ μικρότερον. ἔτι τοίνυν ὁρ́α τίνα τρόπον ἀπήντησε Δημοκρίτῳ, διαποροῦντι φυσικῶσ καὶ ἐπιτυχῶσ, εἰ κῶνοσ τέμνοιτο παρὰ τὴν βάσιν ἐπιπέδῳ, τί χρὴ διανοεῖσθαι τὰσ τῶν τμημάτων ἐπιφανείασ, ἴσασ ἢ ἀνίσουσ γιγνομένασ.

ἄνισοι μὲν γὰρ οὖσαι τὸν κῶνον ἀνώμαλον παρέξουσι, πολλὰσ ἀποχαράξεισ λαμβάνοντα βαθμοειδεῖσ;

καὶ τραχύτητασ· ἴσων δ’ οὐσῶν, ἴσα τμήματα ἔσται καὶ φανεῖται τὸ τοῦ κυλίνδρου πεπονθὼσ ὁ κῶνοσ, ἐξ ἴσων συγκείμενοσ καὶ οὐκ ἀνίσων κύκλων, ὅπερ ἐστὶν ἀτοπώτατον. "μήτ’ ἴσασ εἶναι μήτ’ ἀνίσουσ, ἄνισα δὲ τὰ σώματα τῷ μήτ’ ἴσασ εἶναι μήτ’ ἀνίσουσ τὰσ ἐπιφανείασ.

τὸ μὲν δὴ νομοθετεῖν τῶν ἐπιφανειῶν μήτ’ ἴσων μήτ’ ἀνίσων οὐσῶν τὰ σώματα συμβαίνειν ἄνισα εἶναι θαυμαστὴν ἐξουσίαν αὑτῷ τοῦ γράφειν ὅ τι ἂν ἐπίῃ διδόντοσ ἐστί.

δίδωσι τῶν ἀνίσων σωμάτων ἀνίσουσ εἶναι τὰσ ἐπιφανείασ, καὶ μείζονα τὴν τοῦ μείζονα·

εἴ γε μὴ μέλλει τὴν ὑπεροχήν, μεῖζόν ἐστιν, ἐστερημένην ἐπιφανείασ ἕξειν.

εἰ γὰρ οὐχ ὑπερβάλλουσι τὰσ τῶν ἐλαττόνων ἐπιφανείασ αἱ τῶν μειζόνων ἀλλὰ προαπολείπουσιν, ἔσται σώματοσ; πέρασ ἔχοντοσ μέροσ ἄνευ πέρατοσ καὶ ἀπεράτωτον. εἰ γὰρ λέγει, ὅτι βιαζόμενοσ οὕτω ἃσ γὰρ ὑφορᾶται περὶ τὸν κῶνον ἀναχαράξεισ, ἡ τῶν σωμάτων ἀνισότησ δήπουθεν οὐχ ἡ τῶν ἐπιφανειῶν ἀπεργάζεται. γελοῖον οὖν τὸ τὰσ ἐπιφανείασ ὑπεξαιρούμενον ἐν τοῖσ σώμασιν ἐλεγχομένην ἀπολιπεῖν ἀνωμαλίαν.

ἀλλ’ ἂν μένωμεν ἐπὶ τῆσ ὑποθέσεωσ, τί μᾶλλόν ἐστι παρὰ τὴν ἔννοιαν ἢ τὰ τοιαῦτα πλάττειν;

εἰ γὰρ ἐπιφάνειαν ἐπιφανείᾳ θήσομεν μήτ’ ἴσην εἶναι μήτ’ ἄνισον, καὶ τὸ μέγεθοσ ἔσται μεγέθει φάναι καὶ ἀριθμὸν ἀριθμῷμήτ’ ἴσον εἶναι μήτ’ ἄνισον καὶ ταῦτ’ ἴσου καὶ ἀνίσου καὶ ἀνίσου μέσον, ὃ μηδέτερόν ἐστιν, οὐκ ἔχοντασ εἰπεῖν οὐδὲ νοῆσαι δυναμένουσ.

ἔτι δ’ οὐσῶν ἐπιφανειῶν μήτ’ ἴσων μήτ’ ἀνίσων, τί κωλύει καὶ κύκλουσ νοεῖσθαι μήτ’ ἴσουσ μήτ’ ἀνίσουσ;

αὐταὶ γὰρ δήπουθεν αἱ τῶν κωνικῶν τμημάτων ἐπιφάνειαι κύκλοι εἰσίν· εἰ δὲ κύκλουσ, καὶ διαμέτρουσ κύκλων θετέον μήτ’ ἴσουσ μήτ’ ἀνίσουσ εἰ δὲ τοῦτο, καὶ γωνίασ καὶ τρίγωνα καὶ παραλληλόγραμμα καὶ παραλληλεπίπεδα καὶ σώματα.

καὶ γὰρ εἰ μήκη ἐστὶ μήτ’ ἴσα μήτ’ ἄνισα ἀλλήλοισ, καὶ βάροσ ἔσται καὶ πληγὴ καὶ σώματα.

εἶτα πῶσ τολμῶσιν ἐπιτιμᾶν τοῖσ τὰσ κενότητασ εἰσάγουσι καὶ ἀμερῆ τινα καὶ μαχόμενον μήτε κινεῖσθαι μήτε μένειν ὑποτιθεμένοισ, αὐτοὶ τὰ τοιαῦτα ἀξιώματα ψευδῆ λέγοντεσ εἶναι; "εἴ τινα μή ἐστιν ἴσα ἀλλήλοισ, ἐκεῖνα ἄνισὰ ἐστιν ἀλλήλοισ·

"οὐκ ἔστι μὲν ἴσα ταῦτ’ ἀλλήλοισ, οὐκ ἄνισα δ’ ἐστὶ ταῦτ’ ἀλλήλοισ. ἐπεὶ δέ φησιν εἶναί τι μεῖζον οὐ μὴν ὑπερέχον ἄξιον ἀπορῆσαι πότερον ταῦτ’ ἐφαρμόσει ἀλλήλοισ. εἰ μὲν γὰρ ἐφαρμόσει, πῶσ μεῖζόν ἐστι θάτερον;

εἰ δ’ οὐκ ἐφαρμόσει, πῶσ οὐκ ἀνάγκη τὸ μὲν ὑπερέχειν τὸ δ’ ἐλλείπειν; τῷ δὲ μηδέτερον ὑπάρχειν καὶ οὐκ ἐφαρμόσει τῷ μεῖζον εἶναι καὶ ἐφαρμόσει τῷ μὴ μεῖζον εἶναι θάτερον. ἀνάγκη γὰρ ἐν·

τοιαύταισ ἀπορίαισ γίγνεσθαι τοὺσ τὰσ κοινὰσ ἐννοίασ μὴ φυλάττοντασ.

일치하는 문장이 없습니다.

SEARCH

MENU NAVIGATION