헬라어 문장 검색 - ΗεροδόΤηεΗιστ́5́108́

(헤로도토스, The Histories, book 5, chapter 101)

τὸ δὲ μὴ λεηλατῆσαι ἑλόντασ σφέασ τὴν πόλιν ἔσχε τόδε. ἦσαν ἐν τῇσι Σάρδισι οἰκίαι αἱ μὲν πλεῦνεσ καλάμιναι, ὅσαι δ’ αὐτέων καὶ πλίνθιναι ἦσαν, καλάμου εἶχον τὰσ ὀροφάσ· τουτέων δὴ μίαν τῶν τισ στρατιωτέων ὡσ ἐνέπρησε, αὐτίκα ἀπ’ οἰκίησ ἐπ’ οἰκίην ἰὸν τὸ πῦρ ἐπενέμετο τὸ ἄστυ πᾶν. καιομένου δὲ τοῦ ἄστεοσ οἱ Λυδοί τε καὶ ὅσοι Περσέων ἐνῆσαν ἐν τῇ πόλι, ἀπολαμφθέντεσ πάντοθεν ὥστε τὰ περιέσχατα νεμομένου τοῦ πυρόσ, καὶ οὐκ ἔχοντεσ ἐξήλυσιν ἐκ τοῦ ἄστεοσ, συνέρρεον ἔσ τε τὴν ἀγορὴν καὶ ἐπὶ τὸν Πακτωλὸν ποταμόν, ὅσ σφι ψῆγμα χρυσοῦ καταφορέων ἐκ τοῦ Τμώλου διὰ μέσησ τῆσ ἀγορῆσ ῥέει καὶ ἔπειτα ἐσ τὸν Ἕρμον ποταμὸν ἐκδιδοῖ, ὁ δὲ ἐσ θάλασσαν·

ἐπὶ τοῦτον δὴ τὸν Πακτωλὸν καὶ ἐσ τὴν ἀγορὴν ἀθροιζόμενοι οἵ τε Λυδοὶ καὶ οἱ Πέρσαι ἠναγκάζοντο ἀμύνεσθαι. οἱ δὲ Ιὤνεσ ὁρέοντεσ τοὺσ μὲν ἀμυνομένουσ τῶν πολεμίων τοὺσ δὲ σὺν πλήθεϊ πολλῷ προσφερομένουσ, ἐξανεχώρησαν δείσαντεσ πρὸσ τὸ ὄροσ τὸν Τμῶλον καλεόμενον, ἐνθεῦτεν δὲ ὑπὸ νύκτα ἀπαλλάσσοντο ἐπὶ τὰσ νέασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 5, chapter 101

(헤로도토스, The Histories, book 5, chapter 101)

상위

목록

SEARCH

MENU NAVIGATION