Herodotus, The Histories, book 5, chapter 49

(헤로도토스, The Histories, book 5, chapter 49)

ἀπικνέεται δὲ ὦν ὁ Ἀρισταγόρησ ὁ Μιλήτου τύραννοσ ἐσ τὴν Σπάρτην Κλεομένεοσ ἔχοντοσ τὴν ἀρχήν· τῷ δὴ ἐσ λόγουσ ἠιέ, ὡσ Λακεδαιμόνιοι λέγουσι, ἔχων χάλκεον πίνακα ἐν τῷ γῆσ ἁπάσησ περίοδοσ ἐνετέτμητο καὶ θάλασσά τε πᾶσα καὶ ποταμοὶ πάντεσ. ἀπικνεόμενοσ δὲ ἐσ λόγουσ ὁ Ἀρισταγόρησ ἔλεγε πρὸσ αὐτὸν τάδε.

"Κλεόμενεσ, σπουδὴν μὲν τὴν ἐμὴν μὴ θωμάσῃσ τῆσ ἐνθαῦτα ἀπίξιοσ· τὰ γὰρ κατήκοντα ἐστὶ τοιαῦτα· Ιὤνων παῖδασ δούλουσ εἶναι ἀντ’ ἐλευθέρων ὄνειδοσ καὶ ἄλγοσ μέγιστον μὲν αὐτοῖσι ἡμῖν, ἔτι δὲ τῶν λοιπῶν ὑμῖν, ὅσῳ προέστατε τῆσ Ἑλλάδοσ. νῦν ὦν πρὸσ θεῶν τῶν Ἑλληνίων ῥύσασθε Ιὤνασ ἐκ δουλοσύνησ ἄνδρασ ὁμαίμονασ.

εὐπετέωσ δὲ ὑμῖν ταῦτα οἱᾶ́ τε χωρέειν ἐστί· οὔτε γὰρ οἱ βάρβαροι ἄλκιμοι εἰσί, ὑμεῖσ τε τὰ ἐσ τὸν πόλεμον ἐσ τὰ μέγιστα ἀνήκετε ἀρετῆσ πέρι, ἥ τε μάχη αὐτῶν ἐστὶ τοιήδε, τόξα καὶ αἰχμὴ βραχέα· ἀναξυρίδασ δὲ ἔχοντεσ ἔρχονται ἐσ τὰσ μάχασ καὶ κυρβασίασ ἐπὶ τῇσι κεφαλῇσι. οὕτω εὐπετέεσ χειρωθῆναι εἰσί.

ἔστι δὲ καὶ ἀγαθὰ τοῖσι τὴν ἤπειρον ἐκείνην νεμομένοισι ὅσα οὐδὲ τοῖσι συνάπασι ἄλλοισι, ἀπὸ χρυσοῦ ἀρξαμένοισι, ἄργυροσ καὶ χαλκὸσ καὶ ἐσθὴσ ποικίλη καὶ ὑποζύγιά τε καὶ ἀνδράποδα· τὰ θυμῷ βουλόμενοι αὐτοὶ ἂν ἔχοιτε. κατοίκηνται δὲ ἀλλήλων ἐχόμενοι ὡσ ἐγὼ φράσω, Ιὤνων μὲν τῶνδε οἵδε Λυδοί, οἰκέοντέσ τε χώρην ἀγαθὴν καὶ πολυαργυρώτατοι ἐόντεσ.

" δεικνὺσ δὲ ἔλεγε ταῦτα ἐσ τῆσ γῆσ τὴν περίοδον, τὴν ἐφέρετο ἐν τῷ πίνακι ἐντετμημένην. "Λυδῶν δέ" ἔφη λέγων ὁ Ἀρισταγόρησ "οἵδε ἔχονται Φρύγεσ οἱ πρὸσ τὴν ἠῶ, πολυπροβατώτατοί τε ἐόντεσ πάντων τῶν ἐγὼ οἶδα καὶ πολυκαρπότατοι. Φρυγῶν δὲ ἔχονται Καππαδόκαι, τοὺσ ἡμεῖσ Συρίουσ καλέομεν.

τούτοισι δὲ πρόσουροι Κίλικεσ, κατήκοντεσ ἐπὶ θάλασσαν τήνδε, ἐν τῇ ἥδε Κύπροσ νῆσοσ κέεται· οἳ πεντακόσια τάλαντα βασιλέι τὸν ἐπέτειον φόρον ἐπιτελεῦσι. Κιλίκων δὲ τῶνδε ἔχονται Ἀρμένιοι οἵδε, καὶ οὗτοι ἐόντεσ πολυπρόβατοι, Ἀρμενίων δὲ Ματιηνοὶ χώρην τήνδε ἔχοντεσ. ἔχεται δὲ τούτων γῆ ἥδε Κισσίη, ἐν τῇ δὴ παρὰ ποταμὸν τόνδε Χοάσπην κείμενα ἐστὶ τὰ Σοῦσα ταῦτα, ἔνθα βασιλεύσ τε μέγασ δίαιταν ποιέεται, καὶ τῶν χρημάτων οἱ θησαυροὶ ἐνθαῦτα εἰσί·

ἑλόντεσ δὲ ταύτην τὴν πόλιν θαρσέοντεσ ἤδη τῷ Διὶ πλούτου πέρι ἐρίζετε. ἀλλὰ περὶ μὲν χώρησ ἄρα οὐ πολλῆσ οὐδὲ οὕτω χρηστῆσ καὶ οὔρων σμικρῶν χρεόν ἐστι ὑμέασ μάχασ ἀναβάλλεσθαι πρόσ τε Μεσσηνίουσ ἐόντασ ἰσοπαλέασ καὶ Ἀρκάδασ τε καὶ Ἀργείουσ, τοῖσι οὔτε χρυσοῦ ἐχόμενον ἐστι οὐδὲν οὔτε ἀργύρου, τῶν πέρι καί τινα ἐνάγει προθυμίη μαχόμενον ἀποθνήσκειν·

παρέχον δὲ τῆσ Ἀσίησ πάσησ ἄρχειν εὐπετέωσ, ἄλλο τι αἱρήσεσθε; Ἀρισταγόρησ μὲν ταῦτα ἔλεξε, Κλεομένησ δὲ ἀμείβετο τοῖσιδε.

"ὦ ξεῖνε Μιλήσιε, ἀναβάλλομαί τοι ἐσ τρίτην ἡμέρην ὑποκρινέεσθαι.

상위

The Histories

목록

일치하는 문장이 없습니다.

SEARCH

MENU NAVIGATION