호흡부호 보기
강세부호 보기
장단부호 보기
작은 Iota 보기
모든 부호 보기
παραλαβὼν δὲ ὁ Μεγαβάτησ τόν τε Ἀρισταγόρεα ἐκ τῆσ Μιλήτου καὶ τὴν Ιἄδα στρατιὴν καὶ τοὺσ Ναξίουσ ἔπλεε πρόφασιν ἐπ’ Ἑλλησπόντου, ἐπείτε δὲ ἐγένετο ἐν Χίῳ, ἔσχε τὰσ νέασ ἐσ Καύκασα, ὡσ ἐνθεῦτεν βορέῃ ἀνέμῳ ἐσ τὴν Νάξον διαβάλοι. καὶ οὐ γὰρ ἔδεε τούτῳ τῷ στόλῳ Ναξίουσ ἀπολέσθαι, πρῆγμα τοιόνδε συνηνείχθη γενέσθαι.
περιιόντοσ Μεγαβάτεω τὰσ ἐπὶ τῶν νεῶν φυλακάσ, ἐπὶ νεὸσ Μυνδίησ ἔτυχε οὐδεὶσ φυλάσσων· ὁ δὲ δεινόν τι ποιησάμενοσ ἐκέλευσε τοὺσ δορυφόρουσ ἐξευρόντασ τὸν ἄρχοντα ταύτησ τῆσ νεόσ, τῷ οὔνομα ἦν Σκύλαξ, τοῦτον δῆσαι διὰ θαλαμίησ διελόντασ τῆσ νεὸσ κατὰ τοῦτο, ἔξω μὲν κεφαλὴν ποιεῦντασ ἔσω δὲ τὸ σῶμα. δεθέντοσ δὲ τοῦ Σκύλακοσ, ἐξαγγέλλει τισ τῷ Ἀρισταγόρῃ ὅτι τὸν ξεῖνόν οἱ τὸν Μύνδιον Μεγαβάτησ δήσασ λυμαίνοιτο.
ὃ δ’ ἐλθὼν παραιτέετο τὸν Πέρσην, τυγχάνων δὲ οὐδενὸσ τῶν ἐδέετο, αὐτὸσ ἐλθὼν ἔλυσε. πυθόμενοσ δὲ κάρτα δεινὸν ἐποιήσατο ὁ Μεγαβάτησ καὶ ἐσπέρχετο τῷ Ἀρισταγόρῃ, ὁ δὲ εἶπε "σοὶ δὲ καὶ τούτοισι τοῖσι πρήγμασι τί ἐστι; οὐ σὲ ἀπέστειλε Ἀρταφρένησ ἐμέο πείθεσθαι καὶ πλέειν τῇ ἂν ἐγὼ κελεύω;
τί πολλὰ πρήσσεισ; ταῦτα εἶπε ὁ Ἀρισταγόρησ. ὁ δὲ θυμωθεὶσ τούτοισι, ὡσ νὺξ ἐγένετο, ἔπεμπε ἐσ Νάξον πλοίῳ ἄνδρασ φράσοντασ τοῖσι Ναξίοισι πάντα τὰ παρεόντα σφι πρήγματα.
호흡부호 보기
강세부호 보기
장단부호 보기
작은 Iota 보기
모든 부호 보기