호흡부호 보기
강세부호 보기
장단부호 보기
작은 Iota 보기
모든 부호 보기
τοῦτον δ’ ἔτι τὸν χρόνον καὶ πρὸ τοῦ Αἰγινῆται Ἐπιδαυρίων ἤκουον τά τε ἄλλα καὶ δίκασ διαβαίνοντεσ ἐσ Ἐπίδαυρον ἐδίδοσάν τε καὶ ἐλάμβανον παρ’ ἀλλήλων οἱ Αἰγινῆται· τὸ δὲ ἀπὸ τοῦδε νέασ τε πηξάμενοι καὶ ἀγνωμοσύνῃ χρησάμενοι ἀπέστησαν ἀπὸ τῶν Ἐπιδαυρίων. ἅτε δὲ ἐόντεσ διάφοροι ἐδηλέοντο αὐτούσ, ὥστε θαλασσοκράτορεσ ἐόντεσ, καὶ δὴ καὶ τὰ ἀγάλματα ταῦτα τῆσ τε Δαμίησ καὶ τῆσ Αὐξησίησ ὑπαιρέονται αὐτῶν, καί σφεα ἐκόμισάν τε καὶ ἱδρύσαντο τῆσ σφετέρησ χώρησ ἐσ τὴν μεσόγαιαν, τῇ Οἰή μὲν ἐστὶ οὔνομα, στάδια δὲ μάλιστά κῃ ἀπὸ τῆσ πόλιοσ ὡσ εἴκοσι ἀπέχει.
ἱδρυσάμενοι δὲ ἐν τούτῳ τῷ χώρῳ θυσίῃσί τε σφέα καὶ χοροῖσι γυναικηίοισι κερτομίοισι ἱλάσκοντο, χορηγῶν ἀποδεικνυμένων ἑκατέρῃ τῶν δαιμόνων δέκα ἀνδρῶν·
κακῶσ δὲ ἠγόρευον οἱ χοροὶ ἄνδρα μὲν οὐδένα, τὰσ δὲ ἐπιχωρίασ γυναῖκασ. ἦσαν δὲ καὶ τοῖσι Ἐπιδαυρίοισι αἱ αὐταὶ ἱροεργίαι· εἰσὶ δέ σφι καὶ ἄρρητοι ἱρουργίαι.
호흡부호 보기
강세부호 보기
장단부호 보기
작은 Iota 보기
모든 부호 보기