헬라어 텍스트

Herodotus, The Histories, book 5, chapter 18

(헤로도토스, The Histories, book 5, chapter 18)

οἱ ὦν Πέρσαι οἱ πεμφθέντεσ οὗτοι παρὰ τὸν Ἀμύντην ὡσ ἀπίκοντο, αἴτεον ἐλθόντεσ ἐσ ὄψιν τὴν Ἀμύντεω Δαρείῳ βασιλέι γῆν τε καὶ ὕδωρ. ὁ δὲ ταῦτά τε ἐδίδου καὶ σφεασ ἐπὶ ξείνια καλέει, παρασκευασάμενοσ δὲ δεῖπνον μεγαλοπρεπὲσ ἐδέκετο τοὺσ Πέρσασ φιλοφρόνωσ. ὡσ δὲ ἀπὸ δείπνου ἐγένοντο, διαπίνοντεσ εἶπαν οἱ Πέρσαι τάδε.

"ξεῖνε Μακεδών, ἡμῖν νόμοσ ἐστὶ τοῖσι Πέρσῃσι, ἐπεὰν δεῖπνον προτιθώμεθα μέγα, τότε καὶ τὰσ παλλακὰσ καὶ τὰσ κουριδίασ γυναῖκασ ἐσάγεσθαι παρέδρουσ. σύ νυν, ἐπεί περ προθύμωσ μὲν ἐδέξαο μεγάλωσ δὲ ξεινίζεισ, διδοῖσ δὲ βασιλέι Δαρείῳ γῆν τε καὶ ὕδωρ, ἕπεο νόμῳ τῷ ἡμετέρῳ. εἶπε πρὸσ ταῦτα Ἀμύντησ "ὦ Πέρσαι, νόμοσ μὲν ἡμῖν γε ἐστὶ οὐκ οὗτοσ, ἀλλὰ κεχωρίσθαι ἄνδρασ γυναικῶν·

ἐπείτε δὲ ὑμεῖσ ἐόντεσ δεσπόται προσχρηίζετε τούτων, παρέσται ὑμῖν καὶ ταῦτα. " εἴπασ τοσαῦτα ὁ Ἀμύντησ μετεπέμπετο τὰσ γυναῖκασ· αἳ δ’ ἐπείτε καλεόμεναι ἦλθον, ἐπεξῆσ ἀντίαι ἵζοντο τοῖσι Πέρσῃσι. ἐνθαῦτα οἱ Πέρσαι ἰδόμενοι γυναῖκασ εὐμόρφουσ ἔλεγον πρὸσ Ἀμύντην φάμενοι τὸ ποιηθὲν τοῦτο οὐδὲν εἶναι σοφόν·

κρέσσον γὰρ εἶναι ἀρχῆθεν μὴ ἐλθεῖν τὰσ γυναῖκασ ἢ ἐλθούσασ καὶ μὴ παριζομένασ ἀντίασ ἵζεσθαι ἀλγηδόνασ σφίσι ὀφθαλμῶν. ἀναγκαζόμενοσ δὲ ὁ Ἀμύντησ ἐκέλευε παρίζειν·

πειθομενέων δὲ τῶν γυναικῶν αὐτίκα οἱ Πέρσαι μαστῶν τε ἅπτοντο οἱᾶ πλεόνωσ οἰνωμένοι, καί κού τισ καὶ φιλέειν ἐπειρᾶτο.