호흡부호 보기
강세부호 보기
장단부호 보기
작은 Iota 보기
모든 부호 보기
"ἦ δὴ ὅ τε οὐρανὸσ ἔνερθε ἔσται τῆσ γῆσ καὶ ἡ γῆ μετέωροσ ὑπὲρ τοῦ οὐρανοῦ, καὶ ἄνθρωποι νομὸν ἐν θαλάσσῃ ἕξουσι καὶ ἰχθύεσ τὸν πρότερον ἄνθρωποι, ὅτε γε ὑμεῖσ ὦ Λακεδαιμόνιοι ἰσοκρατίασ καταλύοντεσ τυραννίδασ ἐσ τὰσ πόλισ κατάγειν παρασκευάζεσθε, τοῦ οὔτε ἀδικώτερον ἐστὶ οὐδὲν κατ’ ἀνθρώπουσ οὔτε μιαιφονώτερον. εἰ γὰρ δὴ τοῦτό γε δοκέει ὑμῖν εἶναι χρηστὸν ὥστε τυραννεύεσθαι τὰσ πόλισ, αὐτοὶ πρῶτοι τύραννον καταστησάμενοι παρὰ σφίσι αὐτοῖσι οὕτω καὶ τοῖσι ἄλλοισι δίζησθε κατιστάναι·
νῦν δὲ αὐτοὶ τυράννων ἄπειροι ἐόντεσ, καὶ φυλάσσοντεσ τοῦτο δεινότατα ἐν τῇ Σπάρτῃ μὴ γενέσθαι, παραχρᾶσθε ἐσ τοὺσ συμμάχουσ. εἰ δὲ αὐτοῦ ἔμπειροι ἐάτε κατά περ ἡμεῖσ, εἴχετε ἂν περὶ αὐτοῦ γνώμασ ἀμείνονασ συμβαλέσθαι ἤ περ νῦν.
호흡부호 보기
강세부호 보기
장단부호 보기
작은 Iota 보기
모든 부호 보기