호흡부호 보기
강세부호 보기
장단부호 보기
작은 Iota 보기
모든 부호 보기
Ἀρισταγόρησ δὲ οὐκ εἶχε τὴν ὑπόσχεσιν τῷ Ἀρταφρένεϊ ἐκτελέσαι· ἅμα δὲ ἐπίεζέ μιν ἡ δαπάνη τῆσ στρατιῆσ ἀπαιτεομένη, ἀρρώδεέ τε τοῦ στρατοῦ πρήξαντοσ κακῶσ καὶ Μεγαβάτῃ διαβεβλημένοσ, ἐδόκεέ τε τὴν βασιληίην τῆσ Μιλήτου ἀπαιρεθήσεσθαι. ἀρρωδέων δὲ τούτων ἕκαστα ἐβουλεύετο ἀπόστασιν·
συνέπιπτε γὰρ καὶ τὸν ἐστιγμένον τὴν κεφαλὴν ἀπῖχθαι ἐκ Σούσων παρὰ Ἱστιαίου, σημαίνοντα ἀπίστασθαι Ἀρισταγόρην ἀπὸ βασιλέοσ. ὁ γὰρ Ἱστιαῖοσ βουλόμενοσ τῷ Ἀρισταγόρῃ σημῆναι ἀποστῆναι ἄλλωσ μὲν οὐδαμῶσ εἶχε ἀσφαλέωσ σημῆναι ὥστε φυλασσομενέων τῶν ὁδῶν, ὁ δὲ τῶν δούλων τὸν πιστότατον ἀποξυρήσασ τὴν κεφαλὴν ἔστιξε καὶ ἀνέμεινε ἀναφῦναι τὰσ τρίχασ, ὡσ δὲ ἀνέφυσαν τάχιστα, ἀπέπεμπε ἐσ Μίλητον ἐντειλάμενοσ αὐτῷ ἄλλο μὲν οὐδέν, ἐπεὰν δὲ ἀπίκηται ἐσ Μίλητον, κελεύειν Ἀρισταγόρην ξυρήσαντά μιν τὰσ τρίχασ κατιδέσθαι ἐσ τὴν κεφαλήν.
τὰ δὲ στίγματα ἐσήμαινε, ὡσ καὶ πρότερόν μοι εἴρηται, ἀπόστασιν. ταῦτα δὲ ὁ Ἱστιαῖοσ ἐποίεε συμφορὴν ποιεύμενοσ μεγάλην τὴν ἑωυτοῦ κατοχὴν τὴν ἐν Σούσοισι·
ἀποστάσιοσ ὦν γινομένησ πολλὰσ εἶχε ἐλπίδασ μετήσεσθαι ἐπὶ θάλασσαν, μὴ δὲ νεώτερόν τι ποιεύσησ τῆσ Μιλήτου οὐδαμὰ ἐσ αὐτὴν ἥξειν ἔτι ἐλογίζετο.
호흡부호 보기
강세부호 보기
장단부호 보기
작은 Iota 보기
모든 부호 보기