호흡부호 보기
강세부호 보기
장단부호 보기
작은 Iota 보기
모든 부호 보기
πυθόμενοι δὲ οἱ Παίονεσ τοὺσ Πέρσασ ἐπὶ σφέασ ἰέναι, ἁλισθέντεσ ἐξεστρατεύσαντο πρὸσ θαλάσσησ, δοκέοντεσ ταύτῃ ἐπιχειρήσειν τοὺσ Πέρσασ ἐμβάλλοντασ. οἱ μὲν δὴ Παίονεσ ἦσαν ἕτοιμοι τὸν Μεγαβάζου στρατὸν ἐπιόντα ἐρύκειν·
οἱ δὲ Πέρσαι πυθόμενοι συναλίσθαι τοὺσ Παίονασ καὶ τὴν πρὸσ θαλάσσησ ἐσβολὴν φυλάσσοντασ, ἔχοντεσ ἡγεμόνασ τὴν ἄνω ὁδὸν τρέπονται, λαθόντεσ δὲ τοὺσ Παίονασ ἐσπίπτουσι ἐσ τὰσ πόλιασ αὐτῶν ἐούσασ ἀνδρῶν ἐρήμουσ· οἱᾶ δὲ κεινῇσι ἐπιπεσόντεσ εὐπετέωσ κατέσχον. οἱ δὲ Παίονεσ ὡσ ἐπύθοντο ἐχομένασ τὰσ πόλιασ, αὐτίκα διασκεδασθέντεσ κατ’ ἑωυτοὺσ ἕκαστοι ἐτράποντο καὶ παρεδίδοσαν σφέασ αὐτοὺσ τοῖσι Πέρσῃσι.
οὕτω δὴ Παιόνων Σιριοπαίονέσ τε καὶ Παιόπλαι καὶ οἱ μέχρι τῆσ Πρασιάδοσ λίμνησ ἐξ ἠθέων ἐξαναστάντεσ ἤγοντο ἐσ τὴν Ἀσίην.
호흡부호 보기
강세부호 보기
장단부호 보기
작은 Iota 보기
모든 부호 보기