Herodotus, The Histories, book 5, chapter 23

(헤로도토스, The Histories, book 5, chapter 23)

ταῦτα μέν νυν οὕτω κῃ ἐγένετο. Μεγάβαζοσ δὲ ἄγων τοὺσ Παίονασ ἀπίκετο ἐπὶ τὸν Ἑλλήποντον· ἐνθεῦτεν διαπεραιωθεὶσ ἀπίκετο ἐσ τὰσ Σάρδισ. ἅτε δὲ τειχέοντοσ ἤδη Ἱστιαίου τοῦ Μιλησίου τὴν παρὰ Δαρείου αἰτήσασ ἔτυχε μισθὸν δωρεὴν φυλακῆσ τῆσ σχεδίησ, ἐόντοσ δὲ τοῦ χώρου τούτου παρὰ Στρυμόνα ποταμὸν τῷ οὔνομα ἐστὶ Μύρκινοσ, μαθὼν ὁ Μεγάβαζοσ τὸ ποιεύμενον ἐκ τοῦ Ἱστιαίου, ὡσ ἦλθε τάχιστα ἐσ τὰσ Σάρδισ ἄγων τοὺσ Παίονασ, ἔλεγε Δαρείῳ τάδε. "ὦ βασιλεῦ, κοῖόν τι χρῆμα ἐποίησασ, ἀνδρὶ Ἕλληνι δεινῷ τε καὶ σοφῷ δοὺσ ἐγκτίσασθαι πόλιν ἐν Θρηίκῃ, ἵνα ἴδη τε ναυπηγήσιμοσ ἐστὶ ἄφθονοσ καὶ πολλοὶ κωπέεσ καὶ μέταλλα ἀργύρεα, ὅμιλόσ τε πολλὸσ μὲν Ἕλλην περιοικέει πολλὸσ δὲ βάρβαροσ, οἳ προστάτεω ἐπιλαβόμενοι ποιήσουσι τοῦτο τὸ ἂν κεῖνοσ ἐξηγέηται καὶ ἡμέρησ καὶ νυκτόσ.

σύ νυν τοῦτον τὸν ἄνδρα παῦσον ταῦτα ποιεῦντα, ἵνα μὴ οἰκηίῳ πολέμῳ συνέχῃ·

τρόπῳ δὲ ἠπίῳ μεταπεμψάμενοσ παῦσον. ἐπεὰν δὲ αὐτὸν περιλάβῃσ, ποιέειν ὅκωσ μηκέτι κεῖνοσ ἐσ Ἕλληνασ ἀπίξεται.

상위

The Histories

목록

일치하는 문장이 없습니다.

SEARCH

MENU NAVIGATION