Herodotus, The Histories, book 5, chapter 30

(헤로도토스, The Histories, book 5, chapter 30)

Πάριοι μέν νυν Μιλησίουσ οὕτω κατήρτισαν. τότε δὲ ἐκ τουτέων τῶν πολίων ὧδε ἤρχετο κακὰ γίνεσθαι τῇ Ιὠνίῃ. ἐκ Νάξου ἔφυγον ἄνδρεσ τῶν παχέων ὑπὸ τοῦ δήμου, φυγόντεσ δὲ ἀπίκοντο ἐσ Μίλητον. τῆσ δὲ Μιλήτου ἐτύγχανε ἐπίτροποσ ἐὼν Ἀρισταγόρησ ὁ Μολπαγόρεω, γαμβρόσ τε ἐὼν καὶ ἀνεψιὸσ Ἱστιαίου τοῦ Λυσαγόρεω, τὸν ὁ Δαρεῖοσ ἐν Σούσοισι κατεῖχε·

ὁ γὰρ Ἱστιαῖοσ τύραννοσ ἦν Μιλήτου καὶ ἐτύγχανε τοῦτον τὸν χρόνον ἐὼν ἐν Σούσοισι, ὅτε οἱ Νάξιοι ἦλθον ξεῖνοι πρὶν ἐόντεσ τῷ Ἱστιαίῳ. ἀπικόμενοι δὲ οἱ Νάξιοι ἐσ τὴν Μίλητον ἐδέοντο τοῦ Ἀρισταγόρεω, εἴ κωσ αὐτοῖσι παράσχοι δύναμίν τινα καὶ κατέλθοιεν ἐσ τὴν ἑωυτῶν.

ὁ δὲ ἐπιλεξάμενοσ ὡσ ἢν δι’ αὐτοῦ κατέλθωσι ἐσ τὴν πόλιν, ἄρξει τῆσ Νάξου, σκῆψιν δὲ ποιεύμενοσ τὴν ξεινίην τὴν Ἱστιαίου, τόνδε σφι λόγον προσέφερε. "αὐτὸσ μὲν ὑμῖν οὐ φερέγγυόσ εἰμι δύναμιν παρασχεῖν τοσαύτην ὥστε κατάγειν ἀεκόντων τῶν τὴν πόλιν ἐχόντων Ναξίων·

πυνθάνομαι γὰρ ὀκτακισχιλίην ἀσπίδα Ναξίοισι εἶναι καὶ πλοῖα μακρὰ πολλά· μηχανήσομαι δὲ πᾶσαν σπουδὴν ποιεύμενοσ. ἐπινοέω δὲ τῇδε.

Ἀρταφρένησ μοι τυγχάνει ἐὼν φίλοσ· ὁ δὲ Ἀρταφρένησ ὑμῖν Ὑστάσπεοσ μὲν ἐστὶ παῖσ, Δαρείου δὲ τοῦ βασιλέοσ ἀδελφεόσ, τῶν δ’ ἐπιθαλασσίων τῶν ἐν τῇ Ἀσίῇ ἄρχει πάντων, ἔχων στρατιήν τε πολλὴν καὶ πολλὰσ νέασ. τοῦτον ὦν δοκέω τὸν ἄνδρα ποιήσειν τῶν ἂν χρηίζωμεν. ταῦτα ἀκούσαντεσ οἱ Νάξιοι προσέθεσαν τῷ Ἀρισταγόρῃ πρήσσειν τῇ δύναιτο ἄριστα, καὶ ὑπίσχεσθαι δῶρα ἐκέλευον καὶ δαπάνην τῇ στρατιῇ ὡσ αὐτοὶ διαλύσοντεσ, ἐλπίδασ πολλὰσ ἔχοντεσ, ὅταν ἐπιφανέωσι ἐσ τὴν Νάξον, πάντα ποιήσειν τοὺσ Ναξίουσ τὰ ἂν αὐτοὶ κελεύωσι, ὣσ δὲ καὶ τοὺσ ἄλλουσ νησιώτασ.

τῶν γὰρ νήσων τουτέων τῶν Κυκλάδων οὐδεμία κω ἦν ὑπὸ Δαρείῳ.

상위

The Histories

목록

일치하는 문장이 없습니다.

SEARCH

MENU NAVIGATION