헬라어 텍스트

Herodotus, The Histories, book 5, chapter 92G

(헤로도토스, The Histories, book 5, chapter 92G)

Περίανδροσ δὲ συνιεὶσ τὸ ποιηθὲν καὶ νόῳ ἴσχων ὥσ οἱ ὑπετίθετο Θρασύβουλοσ τοὺσ ὑπειρόχουσ τῶν ἀστῶν φονεύειν, ἐνθαῦτα δὴ πᾶσαν κακότητα ἐξέφαινε ἐσ τοὺσ πολιήτασ. ὅσα γὰρ Κύψελοσ ἀπέλιπε κτείνων τε καὶ διώκων, Περίανδροσ σφέα ἀπετέλεσε, μιῇ δὲ ἡμέρῃ ἀπέδυσε πάσασ τὰσ Κορινθίων γυναῖκασ διὰ τὴν ἑωυτοῦ γυναῖκα Μέλισσαν. πέμψαντι γάρ οἱ ἐσ Θεσπρωτοὺσ ἐπ’ Ἀχέροντα ποταμὸν ἀγγέλουσ ἐπὶ τὸ νεκυομαντήιον παρακαταθήκησ πέρι ξεινικῆσ οὔτε σημανέειν ἔφη ἡ Μέλισσα ἐπιφανεῖσα οὔτε κατερέειν ἐν τῷ κέεται χώρῳ ἡ παρακαταθήκη·

ῥιγοῦν τε γὰρ καὶ εἶναι γυμνή· τῶν γάρ οἱ συγκατέθαψε ἱματίων ὄφελοσ εἶναι οὐδὲν οὐ κατακαυθέντων· μαρτύριον δέ οἱ εἶναι ὡσ ἀληθέα ταῦτα λέγει, ὅτι ἐπὶ ψυχρὸν τὸν ἰπνὸν Περίανδροσ τοὺσ ἄρτουσ ἐπέβαλε. ταῦτα δὲ ὡσ ὀπίσω ἀπηγγέλθη τῷ Περιάνδρῳ, πιστὸν γάρ οἱ ἦν τὸ συμβόλαιον ὃσ νεκρῷ ἐούσῃ Μελίσσῃ ἐμίγη, ἰθέωσ δὴ μετὰ τὴν ἀγγελίην κήρυγμα ἐποιήσατο ἐσ τὸ Ἥραιον ἐξιέναι πάσασ τὰσ Κορινθίων γυναῖκασ.

αἳ μὲν δὴ ὡσ ἐσ ὁρτὴν ἠίσαν κόσμῳ τῷ καλλίστῳ χρεώμεναι, ὃ δ’ ὑποστήσασ τοὺσ δορυφόρουσ ἀπέδυσε σφέασ πάσασ ὁμοίωσ, τάσ τε ἐλευθέρασ καὶ τὰσ ἀμφιπόλουσ, συμφορήσασ δὲ ἐσ ὄρυγμα Μελίσσῃ ἐπευχόμενοσ κατέκαιε. ταῦτα δέ οἱ ποιήσαντι καὶ τὸ δεύτερον πέμψαντι ἔφρασε τὸ εἴδωλον τὸ Μελίσσησ ἐσ τὸν κατέθηκε χῶρον τοῦ ξείνου τὴν παρακαταθήκην.

τοιοῦτο μὲν ὑμῖν ἐστὶ ἡ τυραννίσ, ὦ Λακεδαιμόνιοι, καὶ τοιούτων ἔργων.

ἡμέασ δὲ τοὺσ Κορινθίουσ τότε αὐτίκα θῶμα μέγα εἶχε ὅτε ὑμέασ εἴδομεν μεταπεμπομένουσ Ἱππίην, νῦν τε δὴ καὶ μεζόνωσ θωμάζομεν λέγοντασ ταῦτα, ἐπιμαρτυρόμεθά τε ἐπικαλεόμενοι ὑμῖν θεοὺσ τοὺσ Ἑλληνίουσ μὴ κατιστάναι τυραννίδασ ἐσ τὰσ πόλισ.

οὔκων παύσεσθε ἀλλὰ πειρήσεσθε παρὰ τὸ δίκαιον κατάγοντεσ Ἱππίην· ἴστε ὑμῖν Κορινθίουσ γε οὐ συναινέοντασ.