Herodotus, The Histories, book 5, chapter 68

(헤로도토스, The Histories, book 5, chapter 68)

ταῦτα μὲν ἐσ Ἄδρηστόν οἱ ἐπεποίητο, φυλὰσ δὲ τὰσ Δωριέων, ἵνα δὴ μὴ αἱ αὐταὶ ἐώσι τοῖσι Σικυωνίοισι καὶ τοῖσι Ἀργείοισι, μετέβαλε ἐσ ἄλλα οὐνόματα. ἔνθα καὶ πλεῖστον κατεγέλασε τῶν Σικυωνίων· ἐπὶ γὰρ ὑόσ τε καὶ ὄνου τὰσ ἐπωνυμίασ μετατιθεὶσ αὐτὰ τὰ τελευταῖα ἐπέθηκε, πλὴν τῆσ ἑωυτοῦ φυλῆσ· ταύτῃ δὲ τὸ οὔνομα ἀπὸ τῆσ ἑωυτοῦ ἀρχῆσ ἔθετο. οὗτοι μὲν δὴ Ἀρχέλαοι ἐκαλέοντο, ἕτεροι δὲ Υἇται, ἄλλοι δὲ Ὀνεᾶται, ἕτεροι δὲ Χοιρεᾶται. τούτοισι τοῖσι οὐνόμασι τῶν φυλέων ἐχρέωντο οἱ Σικυώνιοι καὶ ἐπὶ Κλεισθένεοσ ἄρχοντοσ καὶ ἐκείνου τεθνεῶτοσ ἔτι ἐπ’ ἔτεα ἑξήκοντα·

μετέπειτα μέντοι λόγον σφίσι δόντεσ μετέβαλον ἐσ τοὺσ Ὑλλέασ καὶ Παμφύλουσ καὶ Δυμανάτασ, τετάρτουσ δὲ αὐτοῖσι προσέθεντο ἐπὶ τοῦ Ἀδρήστου παιδὸσ Αἰγιαλέοσ τὴν ἐπωνυμίην ποιεύμενοι κεκλῆσθαι Αἰγιαλέασ.

상위

The Histories

목록

일치하는 문장이 없습니다.

SEARCH

MENU NAVIGATION