호흡부호 보기
강세부호 보기
장단부호 보기
작은 Iota 보기
모든 부호 보기
ταῦτα λέγων ὁ Μεγάβαζοσ εὐπετέωσ ἔπειθε Δαρεῖον ὡσ εὖ προορῶν τὸ μέλλον γίνεσθαι. μετὰ δὲ πέμψασ ἄγγελον ἐσ τὴν Μύρκινον ὁ Δαρεῖοσ ἔλεγε τάδε. "Ἱστιαῖε, βασιλεὺσ Δαρεῖοσ τάδε λέγει. ἐγὼ φροντίζων εὑρίσκω ἐμοί τε καὶ τοῖσι ἐμοῖσι πρήγμασι εἶναι οὐδένα σεῦ ἄνδρα εὐνοέστερον· τοῦτο δὲ οὐ λόγοισι ἀλλ’ ἔργοισι οἶδα μαθών. νῦν ὦν, ἐπινοέω γὰρ πρήγματα μεγάλα κατεργάσασθαι, ἀπίκεό μοι πάντωσ, ἵνα τοι αὐτὰ ὑπερθέωμαι.
" τούτοισι τοῖσι ἔπεσι πιστεύσασ ὁ Ἱστιαῖοσ, καὶ ἅμα μέγα ποιεύμενοσ βασιλέοσ σύμβουλοσ γενέσθαι, ἀπίκετο ἐσ τὰσ Σάρδισ· ἀπικομένῳ δέ οἱ ἔλεγε Δαρεῖοσ τάδε.
"Ἱστιαῖε, ἐγώ σε μετεπεμψάμην τῶνδε εἵνεκεν. ἐπείτε τάχιστα ἐνόστησα ἀπὸ Σκυθέων καὶ σύ μοι ἐγένεο ἐξ ὀφθαλμῶν, οὐδέν κω ἄλλο χρῆμα οὕτω ἐν βραχέι ἐπεζήτησα ὡσ σὲ ἰδεῖν τε καὶ ἐσ λόγουσ μοι ἀπικέσθαι, ἐγνωκὼσ ὅτι κτημάτων πάντων ἐστὶ τιμιώτατον ἀνὴρ φίλοσ συνετόσ τε καὶ εὔνοοσ, τά τοι ἐγὼ καὶ ἀμφότερα συνειδὼσ ἔχω μαρτυρέειν ἐσ πρήγματα τὰ ἐμά. νῦν ὦν, εὖ γὰρ ἐποίησασ ἀπικόμενοσ, τάδε τοι ἐγὼ προτείνομαι·
Μίλητον μὲν ἐά καὶ τὴν νεόκτιστον ἐν Θρηίκῃ πόλιν, σὺ δέ μοι ἑπόμενοσ ἐσ Σοῦσα ἔχε τά περ ἂν ἐγὼ ἔχω, ἐμόσ τε σύσσιτοσ ἐὼν καὶ σύμβουλοσ.
호흡부호 보기
강세부호 보기
장단부호 보기
작은 Iota 보기
모든 부호 보기