헬라어 텍스트

Herodotus, The Histories, book 5, chapter 52

(헤로도토스, The Histories, book 5, chapter 52)

ἔχει γὰρ ἀμφὶ τῇ ὁδῷ ταύτῃ ὧδε· σταθμοί τε πανταχῇ εἰσι βασιλήιοι καὶ καταλύσιεσ κάλλισται, διὰ οἰκεομένησ τε ἡ ὁδὸσ ἅπασα καὶ ἀσφαλέοσ. διὰ μέν γε Λυδίησ καὶ Φρυγίησ σταθμοὶ τείνοντεσ εἴκοσι εἰσί, παρασάγγαι δὲ τέσσερεσ καὶ ἐνενήκοντα καὶ ἥμισυ. ἐκδέκεται δὲ ἐκ τῆσ Φρυγίησ ὁ Ἅλυσ ποταμόσ, ἐπ’ ᾧ πύλαι τε ἔπεισι, τὰσ διεξελάσαι πᾶσα ἀνάγκη καὶ οὕτω διεκπερᾶν τὸν ποταμόν, καὶ φυλακτήριον μέγα ἐπ’ αὐτῷ.

διαβάντι δὲ ἐσ τὴν Καππαδοκίην καὶ ταύτῃ πορευομένῳ μέχρι οὔρων τῶν Κιλικίων σταθμοὶ δυῶν δέοντεσ εἰσὶ τριήκοντα, παρασάγγαι δὲ τέσσερεσ καὶ ἑκατόν. ἐπὶ δὲ τοῖσι τούτων οὔροισι διξάσ τε πύλασ διεξελᾷσ καὶ διξὰ φυλακτήρια παραμείψεαι. ταῦτα δὲ διεξελάσαντι καὶ διὰ τῆσ Κιλικίησ ὁδὸν ποιευμένῳ τρεῖσ εἱσι σταθμοί, παρασάγγαι δὲ πεντεκαίδεκα καὶ ἥμισυ.

οὖροσ δὲ Κιλικίησ καὶ τῆσ Ἀρμενίησ ἐστὶ ποταμὸσ νηυσιπέρητοσ, τῷ οὔνομα Εὐφρήτησ. ἐν δὲ τῇ Ἀρμενίῃ σταθμοὶ μὲν εἰσὶ καταγωγέων πεντεκαίδεκα, παρασάγγαι δὲ ἓξ καὶ πεντήκοντα καὶ ἥμισυ, καὶ φυλακτήριον ἐν αὐτοῖσι. ἐκ δὲ ταύτησ τῆσ Ἀρμενίησ ἐσ βάλλοντι ἐσ τὴν Ματιηνὴν γῆν σταθμοί εἰσι τέσσερεσ καὶ τριήκοντα, παρασάγγαι δὲ ἑπτὰ καὶ τριήκοντα καὶ ἑκατόν.

ποταμοὶ δὲ νηυσιπέρητοι τέσσερεσ διὰ ταύτησ ῥέουσι, τοὺσ πᾶσα ἀνάγκη διαπορθμεῦσαι ἐστί, πρῶτοσ μὲν Τίγρησ, μετὰ δὲ δεύτερόσ τε καὶ τρίτοσ ὡυτὸσ ὀνομαζόμενοσ, οὐκ ὡυτὸσ ἐὼν ποταμὸσ οὐδὲ ἐκ τοῦ αὐτοῦ ῥέων· ὁ μὲν γὰρ πρότερον αὐτῶν καταλεχθεὶσ ἐξ Ἀρμενίων ῥέει, ὁ δ’ ὕστερον ἐκ Ματιηνῶν· ὁ δὲ τέταρτοσ τῶν ποταμῶν οὔνομα ἔχει Γύνδησ, τὸν Κῦροσ διέλαβε κοτὲ ἐσ διώρυχασ ἑξήκοντα καὶ τριηκοσίασ.

ἐκ δὲ ταύτησ ἐσ τὴν Κισσίην χώρην μεταβαίνοντι ἕνδεκα σταθμοί, παρασάγγαι δὲ δύο καὶ τεσσεράκοντα καὶ ἥμισυ ἐστὶ ἐπὶ ποταμὸν Χοάσπην, ἐόντα καὶ τοῦτον νηυσιπέρητον·

ἐπ’ ᾧ Σοῦσα πόλισ πεπόλισται.