Herodotus, The Histories, book 5, chapter 39

(헤로도토스, The Histories, book 5, chapter 39)

τῆσ δὲ Σπάρτησ Ἀναξανδρίδησ μὲν ὁ Λέοντοσ οὐκέτι περιεὼν ἐβασίλευε ἀλλὰ ἐτετελευτήκεε, Κλεομένησ δὲ ὁ Ἀναξανδρίδεω εἶχε τὴν βασιληίην, οὐ κατ’ ἀνδραγαθίην σχὼν ἀλλὰ κατὰ γένοσ. Ἀναξανδρίδῃ γὰρ ἔχοντι γυναῖκα ἀδελφεῆσ ἑωυτοῦ θυγατέρα, καὶ ἐούσησ ταύτησ οἱ καταθυμίησ, παῖδεσ οὐκ ἐγίνοντο. τούτου δὲ τοιούτου ἐόντοσ, οἱ ἔφοροι εἶπαν ἐπικαλεσάμενοι αὐτὸν "εἴ τοι σὺ σεωυτοῦ μὴ προορᾷσ, ἀλλ’ ἡμῖν τοῦτ’ ἐστὶ οὐ περιοπτέον, γένοσ τὸ Εὐρυσθένεοσ γενέσθαι ἐξίτηλον.

σύ νυν τὴν μὲν ἔχεισ γυναῖκα, ἐπείτε τοι οὐ τίκτει, ἔξεο, ἄλλην δὲ γῆμον· καὶ ποιέων ταῦτα Σπαρτιήτῃσι ἁδήσεισ. " ὃ δ’ ἀμείβετο φὰσ τούτων οὐδέτερα ποιήσειν, ἐκείνουσ τε οὐ καλῶσ συμβουλεύειν παραινέοντασ, τὴν ἔχει γυναῖκα ἐοῦσαν ἀναμάρτητον ἑωυτῷ, ταύτην ἀπέντα ἄλλην ἐσαγαγέσθαι· οὐδέ σφι πείσεσθαι.

상위

The Histories

목록

일치하는 문장이 없습니다.

SEARCH

MENU NAVIGATION