호흡부호 보기
강세부호 보기
장단부호 보기
작은 Iota 보기
모든 부호 보기
ἤλαυνε δὲ ἵππον ὁ Ἀρτύβιοσ δεδιδαγμένον πρὸσ ὁπλίτην ἵστασθαι ὀρθόν. πυθόμενοσ ὦν ταῦτα ὁ Ὀνήσιλοσ, ἦν γάρ οἱ ὑπασπιστὴσ γένοσ μὲν Κὰρ τὰ δὲ πολέμια κάρτα δόκιμοσ καὶ ἄλλωσ λήματοσ πλέοσ, εἶπε πρὸσ τοῦτον "πυνθάνομαι τὸν Ἀρτυβίου ἵππον ἱστάμενον ὀρθὸν καὶ ποσὶ καὶ στόματι κατεργάζεσθαι πρὸσ τὸν ἂν προσενειχθῇ· σὺ ὦν βουλευσάμενοσ εἰπὲ αὐτίκα ὁκότερον βούλεαι φυλάξασ πλῆξαι, εἴτε τὸν ἵππον εἴτε αὐτὸν Ἀρτύβιον.
εἶπε πρὸσ ταῦτα ὁ ὀπάων αὐτοῦ "ὦ βασιλεῦ, ἕτοιμοσ μὲν ἐγώ εἰμι ποιέειν καὶ ἀμφότερα καὶ τὸ ἕτερον αὐτῶν, καὶ πάντωσ τὸ ἂν σὺ ἐπιτάσσῃσ·
ὡσ μέντοι ἔμοιγε δοκέει εἶναι τοῖσι σοῖσι πρήγμασι προσφερέστερον, φράσω. βασιλέα μὲν καὶ στρατηγὸν χρεὸν εἶναι φημὶ βασιλέι τε καὶ στρατηγῷ προσφέρεσθαι.
ἤν τε γὰρ κατέλῃσ ἄνδρα στρατηγόν, μέγα τοι γίνεται, καὶ δεύτερα, ἢν σὲ ἐκεῖνοσ, τὸ μὴ γένοιτο, ὑπὸ ἀξιοχρέου καὶ ἀποθανεῖν ἡμίσεα συμφορή· ἡμέασ δὲ τοὺσ ὑπηρέτασ ἑτέροισί τε ὑπηρέτῃσι προσφέρεσθαι καὶ πρὸσ ἵππον· τοῦ σὺ τὰσ μηχανὰσ μηδὲν φοβηθῇσ· ἐγὼ γάρ τοι ὑποδέκομαι μή μιν ἀνδρὸσ ἔτι γε μηδενὸσ στήσεσθαι ἐναντίον.
호흡부호 보기
강세부호 보기
장단부호 보기
작은 Iota 보기
모든 부호 보기