헬라어 텍스트

Herodotus, The Histories, book 5, chapter 92D

(헤로도토스, The Histories, book 5, chapter 92D)

ἔδει δὲ ἐκ τοῦ Ηἐτίωνοσ γόνου Κορίνθῳ κακὰ ἀναβλαστεῖν. ἡ Λάβδα γὰρ πάντα ταῦτα ἤκουε ἑστεῶσα πρὸσ αὐτῇσι τῇσι θύρῃσι· δείσασα δὲ μή σφι μεταδόξῃ καὶ τὸ δεύτερον λαβόντεσ τὸ παιδίον ἀποκτείνωσι, φέρουσα κατακρύπτει ἐσ τὸ ἀφραστότατόν οἱ ἐφαίνετο εἶναι, ἐσ κυψέλην, ἐπισταμένη ὡσ εἰ ὑποστρέψαντεσ ἐσ ζήτησιν ἀπικνεοίατο πάντα ἐρευνήσειν μέλλοιεν· τὰ δὴ καὶ ἐγίνετο. ἐλθοῦσι δὲ καὶ διζημένοισι αὐτοῖσι ὡσ οὐκ ἐφαίνετο, ἐδόκεε ἀπαλλάσσεσθαι καὶ λέγειν πρὸσ τοὺσ ἀποπέμψαντασ ὡσ πάντα ποιήσειαν τὰ ἐκεῖνοι ἐνετείλαντο.

οἳ μὲν δὴ ἀπελθόντεσ ἔλεγον ταῦτα.