헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 50)

καὶ μετ’ οὐ πολὺ στρατιὰσ ἐδόκει Ῥωμαίοισ καταγράφειν καὶ τοὺσ ὑπάτουσ ἐκπέμπειν ἀμφοτέρουσ ἐπί τ’ Αἰκανοὺσ καὶ Οὐολούσκουσ. δυνάμεισ γὰρ ἐξ ἑκατέρων τῶν ἐθνῶν ἐξεληλυθέναι ἠγγέλλοντο μεγάλαι καὶ προνομεύειν τοὺσ Ῥωμαίων συμμάχουσ. κλήρῳ διαλαχόντεσ τὰσ ἀρχάσ.

συνέβη δὲ τῶν ὑπάτων ἑκατέρῳ τὰ εἰκότα πάσχειν· ἡ μὲν γὰρ τῷ Κοιντίῳ προσνεμηθεῖσα στρατιὰ τὴν ἐπιείκειάν τε καὶ μετριότητα τοῦ ἀνδρὸσ ἀσπαζομένη πρόθυμοσ ἦν εἰσ ἅπαντα τὰ ἐπιταττόμενα, καὶ τὰ πλεῖστα αὐτοκέλευστοσ ὑφίστατο κινδυνεύματα δόξαν τῷ ἡγεμόνι καὶ τιμὴν πράττουσα·

καὶ διεξῆλθε πολλὴν τῆσ Αἰκανῶν χώρασ λεηλατοῦσα οὐ τολμώντων εἰσ χεῖρασ ἐλθεῖν τῶν πολεμίων, ἐξ ἧσ λάφυρα πολλὰ καὶ ὠφελείασ μεγάλασ ἐκτήσατο. χρόνον δ’ οὐ πολὺν ἐν τῇ πολεμίᾳ διατρίψασα παρῆν εἰσ τὴν πόλιν ἀπαθὴσ κακῶν, λαμπρὸν ἐπὶ τοῖσ ἔργοισ τὸν στρατηγὸν ἄγουσα. ἡ δὲ τῷ Ἀππίῳ συνεξελθοῦσα δύναμισ μίσει τῷ πρὸσ αὐτὸν πολλὰ ὑπερεῖδε τῶν πατρίων.

τά τε γὰρ ἄλλα ἐθελοκακοῦσα ἐν ὅλῃ τῇ στρατείᾳ καὶ ὀλιγωροῦσα τοῦ ἡγεμόνοσ διετέλεσε, καὶ ἐπειδὴ μάχεσθαι ἔδει τῇ Οὐολούσκων στρατιᾷ, κατασταθεῖσα ὑπὸ τῶν ἡγεμόνων εἰσ τάξιν οὐκ ἠξίωσε τοῖσ πολεμίοισ εἰσ χεῖρασ ἰέναι· ἀλλ’ οἵ τε λοχαγοὶ καὶ οἱ πρόμαχοι αὐτῶν, οἱ μὲν τὰ σημεῖα ῥίψαντεσ, οἱ δὲ τὴν τάξιν ἐγκαταλιπόντεσ ἐπὶ τὸν χάρακα ἔφευγον.

καὶ εἰ μὴ θαυμάσαντεσ τὸ παράλογον τῆσ φυγῆσ αὐτῶν οἱ πολέμιοι καὶ δείσαντεσ, μὴ ἐνέδρα τισ ᾖ, τῆσ ἐπὶ πλεῖον διώξεωσ ἀπετράποντο, τὸ πλεῖον ἂν μέροσ τῶν Ῥωμαίων διέφθαρτο.

ἐποίουν δὲ ταῦτα φθόνῳ τοῦ ἡγεμόνοσ, ἵνα μὴ καλὸν ἀγώνισμα ὁ ἀνὴρ διαπραξάμενοσ θριάμβῳ τε καὶ ταῖσ ἄλλαισ ἐπιλαμπρυνθῇ τιμαῖσ. τῇ δὲ κατόπιν ἡμέρᾳ τὰ μὲν ἐπιτιμῶντοσ αὐτοῖσ τοῦ ὑπάτου τῆσ ἀδόξου φυγῆσ, τὰ δὲ παρακαλοῦντοσ αἴσχιστον ἔργον ἀναλύσασθαι καλῷ ἀγῶνι, τὰ δ’ ἀπειλοῦντοσ, εἰ μὴ στήσονται παρὰ τὰ δεινά, χρήσεσθαι τοῖσ νόμοισ, ἀπειθείᾳ τε διεχρῶντο καὶ καταβοῇ καὶ ἀπάγειν σφᾶσ ἐκέλευον ἐκ τῆσ πολεμίασ ὡσ ἀδύνατοι ἔτι ὄντεσ ὑπὸ τραυμάτων ἀντέχειν·

κατεδήσαντο γὰρ αὐτῶν οἱ πολλοὶ τοὺσ ὑγιεῖσ χρῶτασ ὡσ τραυματίαι·

ὥστε ὁ Ἄππιοσ ἠναγκάσθη ἀπάγειν τὸν στρατὸν ἐκ τῆσ πολεμίασ, καὶ οἱ Οὐολοῦσκοι ἀπιοῦσιν ἑπόμενοι πολλοὺσ αὐτῶν ἀπέκτειναν. ὡσ δ’ ἐν τῇ φιλίᾳ ἐγένοντο, συναγαγὼν εἰσ ἐκκλησίαν αὐτοὺσ ὁ ὕπατοσ καὶ πολλὰ ὀνειδίσασ ἔφη χρήσεσθαι τῇ κατὰ τῶν λιποτακτῶν κολάσει.

καὶ πολλὰ δεομένων τῶν πρεσβευτῶν καὶ τῶν ἄλλων τῶν ἐν τέλει μετριάσαι, καὶ μὴ συμφορὰν ἐπὶ συμφορᾷ προσθεῖναι τῇ πόλει, λόγον οὐδενὸσ αὐτῶν ποιησάμενοσ ἐκύρωσε τὴν κόλασιν. καὶ μετὰ τοῦθ’ οἱ λοχαγοί τε, ὧν οἱ λόχοι ἔφυγον, καὶ οἱ πρόμαχοι τῶν σημείων, ὅσοι τὰ σημεῖα ἀπολωλέκεσαν, οἱ μὲν πελέκει τοὺσ αὐχένασ ἀπεκόπησαν, οἱ δὲ ξύλοισ παιόμενοι διεφθάρησαν·

ἐκ δὲ τοῦ ἄλλου πλήθουσ ἀπὸ δεκάδοσ ἑκάστησ εἷσ ἀνὴρ ὁ λαχὼν κλήρῳ πρὸ τῶν ἄλλων ἀπέθνησκεν. αὕτη Ῥωμαίοισ πάτριόσ ἐστι κατὰ τῶν λιπόντων τὰσ τάξεισ ἢ προεμένων τὰσ σημαίασ ἡ κόλασισ.

καὶ μετὰ ταῦτ’ αὐτόσ τε μισούμενοσ ὁ στρατηγὸσ καὶ τῆσ στρατιᾶσ ὅσον ἔτι περιῆν κατηφὲσ καὶ ἄτιμον ἐπαγόμενοσ, τῶν ἀρχαιρεσίων καθηκόντων ἀνέστρεψεν εἰσ τὴν πατρίδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 50

(디오니시오스, Antiquitates Romanae, Books VII-IX, book 9, chapter 50)

상위

목록

SEARCH

MENU NAVIGATION