헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 14)

ἑλομένησ δὲ τῆσ βουλῆσ μεσοβασιλεῖσ τῶν ἀρχαιρεσίων ἕνεκα, καὶ τοῦ δευτέρου μεσοβασιλέωσ συγκαλέσαντοσ εἰσ τὸ πεδίον τοὺσ λόχουσ, ἀποδείκνυται Καίσων Φάβιοσ ὁ τὰ ἀριστεῖα λαβὼν ἐκ τῆσ μάχησ, ἀδελφὸσ δὲ τοῦ τὴν ἀρχὴν ἀποθεμένου, τὸ τρίτον ὕπατοσ καὶ σὺν αὐτῷ Τῖτοσ Οὐεργίνιοσ. οὗτοι διαλαχόντεσ τὰσ δυνάμεισ ἐξῄεσαν εἰσ τὴν ὕπαιθρον· Φάβιοσ μὲν Αἰκανοῖσ πολεμήσων προνομεύουσι τοὺσ Λατίνων ἀγρούσ, Οὐεργίνιοσ δὲ Οὐιεντανοῖσ.

Αἰκανοὶ μὲν οὖν ἐπειδὴ στρατὸν ἐλευσόμενον ἐπ’ αὐτοὺσ ἔγνωσαν, ἀναστάντεσ ἐκ τῆσ πολεμίασ διὰ τάχουσ ἀπῆλθον εἰσ τὰσ ἑαυτῶν πόλεισ· καὶ μετὰ ταῦτα λεηλατουμένησ τῆσ σφετέρασ γῆσ ἠνείχοντο, ὥστε πολλῶν κρατῆσαι χρημάτων τὸν ὕπατον καὶ σωμάτων καὶ τῆσ ἄλλησ λείασ ἐξ ἐφόδου. Οὐιεντανοὶ δὲ κατ’ ἀρχὰσ ἐντὸσ τείχουσ μένοντεσ, ἐπειδὴ καιρὸν ἔχειν ἔδοξαν ἐπιτήδειον, ἐπέθεντο τοῖσ πολεμίοισ ἐσκεδασμένοισ ἀνὰ τὰ πεδία καὶ πρὸσ ἁρπαγὴν τετραμμένοισ τῆσ λείασ.

ἔχοντεσ δὲ πολλὴν καὶ συντεταγμένην δύναμιν ἐμβάλλουσιν εἰσ αὐτούσ, καὶ τήν τε λείαν ἀφαιροῦνται, καὶ τοὺσ ὁμόσε χωροῦντασ, οὓσ μὲν ἀποκτείνουσιν, οὓσ δ’ εἰσ φυγὴν τρέπουσι·

καὶ εἰ μὴ Τῖτοσ Σίκκιοσ πρεσβευτὴσ τότ’ ὢν στίφει συντεταγμένῳ πεζῶν τε καὶ ἱππέων παραβοηθήσασ ἐπέσχεν αὐτούσ, οὐδὲν ἂν τὸ κωλῦσον ἦν ἅπασαν ἀπολέσθαι τὴν στρατιάν. ἐκείνου δ’ ἐμποδὼν γενομένου συνελθεῖν ἔφθασαν οἱ λοιποὶ οἱ καθ’ ἕνα διεσκεδασμένοι· πάντεσ δ’ ἐν ταὐτῷ γενόμενοι λόφον τινὰ καταλαμβάνονται περὶ δείλην ὀψίαν, καὶ τὴν ἐπιοῦσαν νύκτα ἐν τούτῳ ἔμειναν. ἐπαρθέντεσ δὲ Οὐιεντανοὶ τῷ κατορθώματι πλησίον τοῦ λόφου τίθενται τὰ ὅπλα, καὶ τοὺσ ἐκ τῆσ πόλεωσ ἐκάλουν ὡσ κατακεκλεικότεσ τοὺσ Ῥωμαίουσ εἰσ χωρίον, ἔνθα οὐδὲν τῶν ἐπιτηδείων ἔμελλον ἕξειν, καὶ προσαναγκάσοντεσ οὐκ εἰσ μακρὰν παραδοῦναι σφίσι τὰ ὅπλα.

γίνεταί τ’ αὐτῶν συχνοῦ ἐλθόντοσ ὄχλου δύο στρατεύματα περὶ τὰσ ἐπιμάχουσ λαγόνασ τοῦ λόφου, πολλά τ’ ἄλλα φρούρια βραχύτερα κατὰ τοὺσ ἧττον ἐπικαίρουσ τόπουσ·

καὶ πάντα ἦν μεστὰ ὅπλων. ὁ δ’ ἕτεροσ τῶν ὑπάτων Φάβιοσ γραμμάτων παρὰ τοῦ συνάρχοντοσ ἀφικομένων ἐπιγνούσ, ὅτι ἐν ἐσχάτοισ εἰσὶν οἱ κατακλεισθέντεσ ἐν τῷ λόφῳ, καὶ κινδυνεύσουσιν, εἰ μή τισ αὐτοῖσ βοηθήσει, λιμῷ ἁλῶναι, ἀναστήσασ τὸν στρατὸν ἦγεν ἐπὶ τοὺσ Οὐιεντανοὺσ σὺν τάχει·

καὶ εἰ μιᾷ βραδύτερον ἡμέρᾳ διήνυσε τὴν ὁδόν, οὐδὲν ἂν ὤνησεν, ἀλλὰ διεφθαρμένην τὴν ἐκεῖ στρατιὰν κατέλαβε. πιεζόμενοι γὰρ τῇ σπάνει τῶν ἀναγκαίων οἱ κατέχοντεσ τὸν λόφον ἐξῆλθον ὡσ τὸν εὐπρεπέστατον αἱρησόμενοι τῶν θανάτων, καὶ συμβαλόντεσ τοῖσ πολεμίοισ ἐμάχοντο κεκμηκότεσ οἱ πλείουσ τὰ σώματα λιμῷ τε καὶ δίψῃ καὶ ἀγρυπνίᾳ καὶ τῇ ἄλλῃ κακώσει. μετ’ οὐ πολὺ δ’ ὡσ τὸ τοῦ Φαβίου στράτευμα προσιὸν ὤφθη πολύ τε καὶ συντεταγμένον, θάρσοσ μὲν ἔφερε τοῖσ σφετέροισ, δέοσ δὲ τοῖσ πολεμίοισ·

καὶ οἱ Τυρρηνοὶ οὐκέτι ἀξιόμαχοι εἶναι νομίσαντεσ πρὸσ ἀγαθήν τε καὶ ἀκμῆτα δύναμιν εἰσ ἀγῶνα χωρεῖν, ᾤχοντο ἐκλιπόντεσ τοὺσ χάρακασ.

ὡσ δ’ εἰσ ταὐτὸ συνῆλθον αἱ τῶν Ῥωμαίων δυνάμεισ ἀμφότεραι, στρατόπεδόν τε ποιοῦνται μέγα πλησίον τῆσ πόλεωσ ἐν ἐχυρῷ, καὶ πολλὰσ ἡμέρασ αὐτόθι διατρίψαντεσ καὶ τὴν ἀρίστην τῶν Οὐιεντανῶν χώραν λεηλατήσαντεσ ἀπῆγον ἐπ’ οἴκου τὴν στρατιάν. ὡσ δ’ ἔγνωσαν οἱ Οὐιεντανοὶ τὰσ δυνάμεισ τῶν Ῥωμαίων ἀφειμένασ ἀπὸ τῶν σημαιῶν, τὴν εὔζωνον ἀναλαβόντεσ νεότητα, ἥν τ’ αὐτοὶ συντεταγμένην εἶχον καὶ τὴν παρὰ τῶν πλησιοχώρων παροῦσαν, ἐμβάλλουσιν εἰσ τὰ προσκείμενα τῇ σφετέρᾳ χώρᾳ πεδία, καὶ διαρπάζουσι καρπῶν τε καὶ βοσκημάτων καὶ ἀνθρώπων ὄντα μεστά.

σφετέρᾳ στρατιᾷ προκαθημένῃ καὶ οὐ φθάσαντεσ ἀπελθούσησ ἀνασκευάσασθαι πάλιν, οὐκ ἐλπίσαντεσ τοσαῦτα κεκακωμένουσ τοὺσ Οὐιεντανοὺσ ταχεῖαν οὕτωσ ἀντεπιχείρησιν κατὰ τοῦ ἀντιπάλου ποιήσεσθαι.

αὕτη χρόνου μὲν μήκει βραχεῖα ἐγένετο ἡ τῶν Οὐιεντανῶν εἰσ τὴν Ῥωμαίων γῆν ἐμβολή, πλήθει δὲ χώρασ, ἣν ἐπῆλθον, ἐν τοῖσ πάνυ μεγάλη, καὶ ἀχθηδόνα σὺν αἰσχύνῃ Ῥωμαίοισ ἀήθη παρέσχεν ἄχρι Τιβέριόσ τε ποταμοῦ καὶ ὄρουσ Ιἀνίκλου στάδια τῆσ Ῥώμησ οὐδ’ εἴκοσιν ἀφεστῶτοσ ἀφικομένη.

κωλύσουσα γὰρ δύναμισ ἐπὶ πλεῖον χωρεῖν τὰ πολέμια οὐκ ἦν ὑπὸ σημαίαισ. πρὶν ἢ συνελθεῖν τε καὶ λοχισθῆναι τοὺσ Ῥωμαίουσ ἀπελθόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 14

(디오니시오스, Antiquitates Romanae, Books VII-IX, book 9, chapter 14)

상위

목록

SEARCH

MENU NAVIGATION