헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 13)

ὁ δ’ ὕπατοσ ἐπειδὴ τὸ δεινὸν ἀπεώσατο, παρεβοήθει πάλιν τοῖσ ἐν τῷ πεδίῳ. αὕτη μεγίστη λέγεται τῶν πρὸ αὐτῆσ γενέσθαι Ῥωμαίοισ μάχη, πλήθει τ’ ἀνθρώπων καὶ μήκει χρόνου καὶ τῷ ἀγχιστρόφῳ τῆσ τύχησ. ἡ κρατίστη τε καὶ ἐπίλεκτοσ ἀκμὴ δισμυρίων μάλιστα πεζῶν ἐγένετο, καὶ τῶν συντεταγμένων τοῖσ τέτταρσι τάγμασιν ἱππέων ὁμοῦ τι χιλίων καὶ διακοσίων, ἀποίκων δὲ καὶ συμμάχων ἑτέρα τοσαύτη.

χρόνοσ δ’ ἐμηκύνθη τοῦ ἀγῶνοσ ὀλίγῳ πρότερον τῆσ μεσημβρίασ ἀρξάμενοσ μέχρι δύσεωσ ἡλίου.

τὰ δὲ τῆσ τύχησ μέχρι πολλοῦ τῇδε καὶ τῇδε νίκαισ τε καὶ ἥτταισ ταλαντευόμενα διέμεινεν· ὑπάτου δὲ θάνατοσ ἐγένετο καὶ πρεσβευτοῦ δὶσ ὑπατεύσαντοσ καὶ ἄλλων πολλῶν ἡγεμόνων καὶ ταξιάρχων καὶ λοχαγῶν, ὅσων οὐδέπω πρότερον. τὸ μέντοι κράτοσ τοῦ ἀγῶνοσ ἐδόκει περὶ τοὺσ Ῥωμαίουσ γεγονέναι κατ’ ἄλλο μὲν οὐδέν, ὅτι δὲ τῇ ἐπιούσῃ νυκτὶ καταλιπόντεσ τὸν χάρακα οἱ Τυρρηνοὶ ἀνέζευξαν. τῇ δ’ ἑξῆσ ἡμέρᾳ πρὸσ ἁρπαγὰσ τῆσ ἐκλειφθείσησ ὑπὸ τῶν Τυρρηνῶν παρεμβολῆσ οἱ Ῥωμαῖοι τραπόμενοι καὶ ταφὰσ ποιησάμενοι τῶν σφετέρων νεκρῶν ἀπῆλθον εἰσ τὸν ἑαυτῶν χάρακα.

ἐκεῖ δ’ ἐκκλησίαν ποιησάμενοι τοῖσ ἀγωνισαμένοισ λαμπρῶσ τὰσ ἀριστείουσ ἀπέδοσαν τιμάσ, πρώτῳ μὲν Καίσωνι Φαβίῳ τῷ τοῦ ὑπάτου ἀδελφῷ μεγάλα καὶ θαυμαστὰ ἔργα ἀποδειξαμένῳ, δευτέρῳ δὲ τῷ Σικκίῳ, τῷ διαπραξαμένῳ τὸν χάρακα ἀνασώσασθαι, τρίτῳ δὲ Μάρκῳ Φλαβοληίῳ τῷ ἡγεμόνι τοῦ τάγματοσ, τοῦ θ’ ὁρ́κου χάριν καὶ τῆσ παρὰ τὰ δεινὰ ῥώμησ.

διαπραξάμενοι δὲ ταῦτα καὶ μείναντεσ ἡμέρασ ὀλίγασ ἐπὶ τοῦ χάρακοσ, ὡσ οὐδεὶσ ἀντεπεξῄει τῶν πολεμίων μαχησόμενοσ, ἀπῄεσαν ἐπ’ οἴκου.

πάντων δὲ τῶν κατὰ τὴν πόλιν, ὡσ ἐπὶ μεγίστῳ ἀγῶνι κάλλιστον τέλοσ εἰληφότι, τὴν ἐπινίκιον τιμὴν τοῦ θριάμβου τῷ περιόντι ὑπάτῳ προσθεῖναι βουλομένων, ἠρνήσατο τὴν χάριν αὐτῶν ὁ ὕπατοσ, οὔτε ὅσιον εἶναι λέγων οὔτε θεμιτὸν ἐπ’ ἀδελφοῦ θανάτῳ καὶ συνάρχοντοσ ἀποβολῇ πομπεύειν καὶ στεφανηφορεῖν· ἀποθεὶσ δὲ τὰσ σημαίασ καὶ τοὺσ στρατιώτασ ἀπολύσασ ἐπὶ τὰ οἰκεῖα τὴν ὑπατείαν ἀπωμόσατο, δυεῖν ἔτι μηνῶν εἰσ τὸν ἐνιαύσιον χρόνον λειπομένων, ἀδύνατοσ, ὢν τὰ τῆσ ἀρχῆσ ἔτι πράττειν. ἐταλαιπώρει γὰρ ὑπὸ τραύματοσ ἐξαισίου καὶ ἦν κλινοπετήσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 13

(디오니시오스, Antiquitates Romanae, Books VII-IX, book 9, chapter 13)

상위

목록

SEARCH

MENU NAVIGATION