헬라어 문장 검색 - Διοδορ́Λιβραρψ́9́61́

(디오도로스 시켈로스, Library, book xvi, chapter 92)

τέλοσ δὲ πολλῶν πανταχόθεν πρὸσ τὴν πανήγυριν συρρεόντων καὶ τῶν ἀγώνων καὶ γάμων συντελουμένων ἐν Αἰγέαισ τῆσ Μακεδονίασ οὐ μόνον κατ’ ἄνδρα τῶν ἐπιφανῶν ἐστεφάνωσαν αὐτὸν χρυσοῖσ στεφάνοισ, ἀλλὰ καὶ τῶν ἀξιολόγων πόλεων αἱ πλείουσ, ἐν αἷσ ἦν καὶ ἡ τῶν Ἀθηναίων. ἀναγορευομένου δὲ τοῦ στεφάνου τούτου διὰ τοῦ κήρυκοσ τὸ τελευταῖον εἶπεν, ἄν τισ ἐπιβουλεύσασ Φιλίππῳ τῷ βασιλεῖ καταφύγῃ πρὸσ Ἀθηναίουσ, παραδόσιμον εἶναι τοῦτον.

διὰ δὲ τῆσ αὐτοματιζούσησ φήμησ ὥσπερ θείᾳ τινὶ προνοίᾳ διεσήμαινε τὸ δαιμόνιον τὴν ἐσομένην ἐπιβουλὴν εὐθὺσ τῷ Φιλίππῳ. ἀκολούθωσ δὲ τούτοισ καὶ ἕτεραί τινεσ ὥσπερ ἐνθεάζουσαι ἐγένοντο φωναί, προδηλοῦσαι τὴν τοῦ βασιλέωσ καταστροφήν.

ἐν γὰρ τῷ βασιλικῷ πότῳ Νεοπτόλεμοσ ὁ τραγῳδόσ, πρωτεύων τῇ μεγαλοφωνίᾳ καὶ τῇ δόξῃ, προστάξαντοσ αὐτῷ τοῦ Φιλίππου προενέγκασθαι τῶν ἐπιτετευγμένων ποιημάτων καὶ μάλιστα τῶν ἀνηκόντων πρὸσ τὴν κατὰ τῶν Περσῶν στρατείαν, ὁ μὲν τεχνίτησ κρίνασ οἰκεῖον ὑποληφθήσεσθαι τὸ ποίημα τῇ διαβάσει τοῦ Φιλίππου καὶ τὴν εὐδαιμονίαν ἐπιπλῆξαι βουλόμενοσ τοῦ Περσῶν βασιλέωσ, καίπερ οὖσαν μεγάλην καὶ περιβόητον, ὅπωσ μεταπέσοι ποτ’ ἂν εἰσ τοὐναντίον ὑπὸ τῆσ τύχησ ἤρξατο λέγειν τόδε τὸ ποίημα· φρονεῖτε νῦν αἰθέροσ ὑψηλότερον καὶ μεγάλων πεδίων ἀρούρασ, φρονεῖθ’ ὑπερβαλλόμενοι δόμων δόμουσ, ἀφροσύνᾳ πρόσω βιοτὰν τεκμαιρόμενοι. ὁ δ’ ἀμφιβάλλει ταχύπουν κέλευθον ἑρ́πων σκοτίαν, ἄφνω δ’ ἄφαντοσ προσέβα μακρὰσ ἀφαιρούμενοσ ἐλπίδασ θνατῶν πολύμοχθοσ Αἵδασ καὶ τὰ τούτων ἐφεξῆσ προσσυνεῖρε, πάντα πρὸσ τὴν ὁμοίαν φερόμενα διάνοιαν. ὁ δὲ Φίλιπποσ ἡσθεὶσ ἐπὶ τοῖσ ἀπηγγελμένοισ ὅλωσ ἦν καὶ τελείωσ φερόμενοσ τῇ διανοίᾳ πρὸσ τὴν τοῦ Περσῶν βασιλέωσ καταστροφήν, ἅμα δὲ καὶ τὸν πυθόχρηστον χρησμὸν ἀνελογίζετο, παραπλησίαν ἔχοντα διάνοιαν τοῖσ ὑπὸ τοῦ τραγῳδοῦ ῥηθεῖσι.

τέλοσ δὲ τοῦ πότου διαλυθέντοσ καὶ τῶν ἀγώνων κατὰ τὴν ὑστεραίαν τὴν ἀρχὴν λαμβανόντων τὸ μὲν πλῆθοσ ἔτι νυκτὸσ οὔσησ συνέτρεχεν εἰσ τὸ θέατρον, ἅμα δ’ ἡμέρᾳ τῆσ πομπῆσ γινομένησ σὺν ταῖσ ἄλλαισ ταῖσ μεγαλοπρεπέσι κατασκευαῖσ εἴδωλα τῶν δώδεκα θεῶν ἐπόμπευε ταῖσ τε δημιουργίαισ περιττῶσ εἰργασμένα καὶ τῇ λαμπρότητι τοῦ πλούτου θαυμαστῶσ κεκοσμημένα·

σὺν δὲ τούτοισ αὐτοῦ τοῦ Φιλίππου τρισκαιδέκατον ἐπόμπευε θεοπρεπὲσ εἴδωλον, σύνθρονον ἑαυτὸν ἀποδεικνύντοσ τοῦ βασιλέωσ τοῖσ δώδεκα θεοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 92

(디오도로스 시켈로스, Library, book xvi, chapter 92)

상위

목록

SEARCH

MENU NAVIGATION