Diodorus Siculus, Library, book xvi, chapter 48

(디오도로스 시켈로스, Library, book xvi, chapter 48)

αἰτία δ’ ἐγένετο τῆσ ἥττησ μάλισθ’ ἡ τοῦ στρατηγεῖν ἀπειρία καὶ τὸ προνενικῆσθαι τοὺσ Πέρσασ ὑπ’ αὐτοῦ κατὰ τὴν πρὸ ταύτησ γεγενημένην στρατείαν. ἐσχηκὼσ γὰρ τοὺσ τότε στρατηγοὺσ ἐπιφανεῖσ ἄνδρασ καὶ διαφέροντασ ἀρετῇ τε καὶ ἀγχινοίᾳ στρατηγικῇ, Διόφαντον τὸν Ἀθηναῖον καὶ Λάμιον τὸν Σπαρτιάτην, διὰ τούτων ἅπαντα κατώρθωσε·

τότε δ’ ὑπολαμβάνων ἑαυτὸν ἱκανὸν εἶναι στρατηγὸν οὐδενὶ τῆσ ἡγεμονίασ μετεδίδου καὶ διὰ τὴν ἀπειρίαν οὐδὲν ἠδύνατο πράττειν τῶν ἐν τῷ πολέμῳ χρησίμων. τὰ μὲν οὖν πολίσματα φρουραῖσ ἀξιολόγοισ διαλαβὼν παρεφύλαττεν, αὐτὸσ δὲ τῶν Αἰγυπτίων ἔχων τρισμυρίουσ, τῶν δ’ Ἑλλήνων πεντακισχιλίουσ, τῶν δὲ Λιβύων τοὺσ ἡμίσεισ ταῖσ εὐκαιροτάταισ τῶν εἰσβολῶν ἐφήδρευεν.

τοιαύτησ δὲ παρ’ ἀμφοτέροισ οὔσησ τῆσ διατάξεωσ Νικόστρατοσ μὲν ὁ τῶν Ἀργείων στρατηγὸσ ἔχων ἡγεμόνασ Αἰγυπτίουσ, ὧν ἦσαν ὅμηροι παῖδεσ παρὰ τοῖσ Πέρσαισ καὶ γυναῖκεσ, παρέπλευσε μετὰ τοῦ στόλου διά τινοσ διώρυγοσ εἰσ τόπον κεκρυμμένον, ἐκβιβάσασ δὲ τοὺσ στρατιώτασ καὶ παρεμβολὴν ὀχυρωσάμενοσ κατεστρατοπέδευσεν. οἱ δὲ τὸν πλησίον τόπον παραφυλάττοντεσ μισθοφόροι τῶν Αἰγυπτίων ὡσ ᾔσθοντο τὴν τῶν πολεμίων παρουσίαν εὐθὺσ ἐξεβοήθουν, ὄντεσ οὐκ ἐλάττουσ τῶν ἑπτακισχιλίων.

ἔχων δ’ αὐτῶν τὴν ἡγεμονίαν Κλείνιοσ ὁ Κῷοσ συνέταξε τὴν δύναμιν εἰσ μάχην.

ἀντιταχθέντων δὲ τῶν καταπεπλευκότων ἐγένετο καρτερὰ μάχη, καθ’ ἣν οἱ μετὰ τῶν Περσῶν Ἕλληνεσ ἀγωνισάμενοι λαμπρῶσ τόν τε στρατηγὸν Κλείνιον ἐφόνευσαν καὶ τῶν ἄλλων στρατιωτῶν κατέκοψαν πλείουσ τῶν πεντακισχιλίων. Νεκτανεβὼσ δ’ ὁ τῶν Αἰγυπτίων βασιλεὺσ ἀκούσασ τὴν τῶν ἰδίων ἀπώλειαν κατεπλάγη, νομίσασ καὶ τὴν λοιπὴν τῶν Περσῶν δύναμιν ῥᾳδίωσ διαβήσεσθαι τὸν ποταμόν.

ὑπολαβὼν δὲ τοὺσ πολεμίουσ μετὰ πάσησ τῆσ δυνάμεωσ ἐπ’ αὐτὴν ἥξειν τὴν Μέμφιν ἔκρινε ταύτησ μάλιστα προνοήσασθαι.

οὗτοσ μὲν οὖν μετὰ τῆσ περὶ αὐτὸν στρατιᾶσ ἐπανελθὼν εἰσ Μέμφιν τὰ πρὸσ τὴν πολιορκίαν παρεσκευάζετο.

일치하는 문장이 없습니다.

SEARCH

MENU NAVIGATION