Diodorus Siculus, Library, book xvi, chapter 52

(디오도로스 시켈로스, Library, book xvi, chapter 52)

ἐπ’ ἄρχοντοσ δ’ Ἀθήνησι Καλλιμάχου Ῥωμαῖοι κατέστησαν ὑπάτουσ Μάρκιον Γάιον καὶ ΠόπλιονΟὐαλέριον. ἐπὶ δὲ τούτων Ἀρταξέρξησ ὁρῶν μεγάλασ ἑαυτῷ παρεσχημένον χρείασ ἐν τῷ πρὸσ Αἰγυπτίουσ πολέμῳ Μέντορα τὸν στρατηγὸν προῆγεν αὐτὸν μάλιστα τῶν φίλων. τιμήσασ δ’ ἀριστείοισ τὸν ἄνδρα ἐδωρήσατο αὐτῷ ἀργυρίου μὲν ἑκατὸν τάλαντα, τῆσ δ’ ἄλλησ πολυτελοῦσ κατασκευῆσ τὴν κρατίστην·

ἀπέδειξε δὲ σατράπην τῆσ κατὰ τὴν Ἀσίαν παραλίασ καὶ τὸν πρὸσ τοὺσ ἀφεστηκότασ πόλεμον ἐπέτρεψεν, αὐτοκράτορα στρατηγὸν ἀποδείξασ. ὁ δὲ Μέντωρ ἔχων οἰκειότητα πρὸσ Ἀρτάβαζον καὶ Μέμνονα τοὺσ διαπεπολεμηκότασ μὲν πρὸσ Πέρσασ ἐν τοῖσ ἐπάνω χρόνοισ, τότε δὲ πεφευγότασ ἐκ τῆσ Ἀσίασ καὶ διατρίβοντασ παρὰ Φιλίππῳ, δεηθεὶσ τοῦ βασιλέωσ ἔπεισεν αὐτὸν ἀπολῦσαι τοὺσ ἄνδρασ τῶν ἐγκλημάτων.

εὐθὺσ δὲ καὶ μετεπέμψατο πρὸσ ἑαυτὸν ἀμφοτέρουσ μεθ’ ὅλησ τῆσ συγγενείασ· ἦσαν γὰρ Ἀρταβάζῳ γεγονότεσ ἐκ τῆσ Μέντοροσ καὶ Μέμνονοσ ἀδελφῆσ υἱοὶ μὲν ἕνδεκα, θυγατέρεσ δὲ δέκα.

ψυχαγωγούμενοσ δ’ ἐπὶ τῷ πλήθει τῶν τέκνων ὁ Μέντωρ προῆγε τοὺσ παῖδασ, παραδιδοὺσ αὐτοῖσ τὰσ ἐπιφανεστάτασ ἐν τοῖσ στρατιωτικοῖσ ἡγεμονίασ. ἐστρατεύσατο δ’ ἐπὶ πρῶτον Ἑρμίαν τὸν Ἀταρνέωσ τύραννον, ἀφεστηκότα τοῦ βασιλέωσ καὶ πολλῶν ὀχυρωμάτων καὶ πόλεων κυριεύοντα.

ἐπαγγειλάμενοσ δ’ αὐτῷ πείσειν τὸν βασιλέα καὶ τῶν ἐγκλημάτων ἀπολῦσαι συνῆλθεν εἰσ λόγουσ καὶ παρακρουσάμενοσ αὐτὸν συνέλαβε.

κυριεύσασ δὲ τοῦ δακτυλίου καὶ γράψασ εἰσ τὰσ πόλεισ ὅτι διήλλακται τῷ βασιλεῖ διὰ Μέντοροσ καὶ σφραγισάμενοσ τὰσ ἐπιστολὰσ τῷ τοῦ Ἑρμείου δακτυλίῳ συνεξέπεμψε τοὺσ παραληψομένουσ τὰ χωρία. οἱ δ’ ἐν ταῖσ πόλεσι πιστεύσαντεσ τοῖσ γεγραμμένοισ καὶ τὴν εἰρήνην ἀγαπητῶσ προσδεξάμενοι παρέδωκαν πάντεσ τὰ φρούρια καὶ τὰσ πόλεισ.

Μέντωρ μὲν οὖν δι’ ἀπάτησ ταχὺ παραλαβὼν ἀκινδύνωσ τὰ τῶν ἀποστατῶν πολίσματα μεγάλησ ἀποδοχῆσ ἔτυχε παρὰ τῷ βασιλεῖ, δόξασ δύνασθαι στρατηγεῖν πραγματικῶσ. ὁμοίωσ δὲ καὶ τοὺσ ἄλλουσ ἡγεμόνασ τοὺσ ἀλλοτρίωσ διακειμένουσ τοῖσ Πέρσαισ τοὺσ μὲν βιασάμενοσ, τοὺσ δὲ καταστρατηγήσασ ἅπαντασ ταχέωσ κατεπολέμησεν.

καὶ τὰ μὲν κατὰ τὴν Ἀσίαν ἐν τούτοισ ἦν. κατὰ δὲ τὴν Εὐρώπην Φίλιπποσ μὲν ὁ Μακεδόνων βασιλεὺσ στρατεύσασ ἐπὶ τὰσ Χαλκιδικὰσ πόλεισ Ζερεία μὲν φρούριον ἐκπολιορκήσασ κατέσκαψε, τῶν δ’ ἄλλων πολισμάτων ἔνια καταπληξάμενοσ ἠνάγκασεν ὑποτάττεσθαι·

ἐπὶ δὲ τὰσ Φερὰσ τῆσ Θετταλίασ παρελθὼν Πειθόλαον δυναστεύοντα τῆσ πόλεωσ ἐξέβαλεν. ἅμα δὲ τούτοισ πραττομένοισ ἐν τῷ Πόντῳ Σπάρτακοσ ὁ τοῦ Πόντου βασιλεὺσ ἐτελεύτησεν ἄρξασ ἔτη πέντε, τὴν δ’ ἡγεμονίαν διαδεξάμενοσ ὁ ἀδελφὸσ Παιρισάδησ ἐβασίλευσεν ἔτη τριάκοντα ὀκτώ.

일치하는 문장이 없습니다.

SEARCH

MENU NAVIGATION