헬라어 문장 검색 - Διοδορ́Λιβραρψ́9́08́

(디오도로스 시켈로스, Library, book xvi, chapter 9)

ἐπ’ ἄρχοντοσ γὰρ Ἀθήνησιν Ἀγαθοκλέουσ Ῥωμαῖοι κατέστησαν ὑπάτουσ Μάρκον Φάβιον καὶ Γάιον Πόπλιον. ἐπὶ δὲ τούτων Δίων ὁ Ἱππαρίνου κατέπλευσεν εἰσ τὴν Σικελίαν καταλύσων τὴν Διονυσίου τυραννίδα, ἐλαχίσταισ δὲ τῶν πρὸ αὐτοῦ πάντων χρησάμενοσ ἀφορμαῖσ μεγίστην δυναστείαν τῶν κατὰ τὴν Εὐρώπην κατέλυσεν ἀνελπίστωσ. τίσ γὰρ ἂν πιστεύσειεν ὅτι δυσὶ φορτηγοῖσ ναυσὶ καταπλεύσασ περιεγένετο δυνάστου ναῦσ μὲν μακρὰσ ἔχοντοσ τετρακοσίασ, στρατιώτασ δὲ πεζοὺσ μὲν εἰσ δέκα μυριάδασ, ἱππεῖσ δὲ μυρίουσ, ὅπλων δὲ καὶ σίτου καὶ χρημάτων τοσαύτην παρασκευὴν ὅσην εἰκόσ ἐστι κεκτῆσθαι τὸν μέλλοντα χορηγήσειν δαψιλῶσ ταῖσ προειρημέναισ δυνάμεσι, χωρὶσ δὲ τῶν εἰρημένων πόλιν μὲν ἔχοντα μεγίστην τῶν Ἑλληνίδων, λιμένασ δὲ καὶ νεώρια καὶ κατεσκευασμένασ ἀκροπόλεισ ἀναλώτουσ, ἔτι δὲ συμμάχων δυνατῶν ἔχοντα πλῆθοσ;

αἰτία δ’ ὑπῆρχε τῷ Δίωνι τῶν προτερημάτων μάλιστα μὲν ἡ ἰδία λαμπρότησ τῆσ ψυχῆσ καὶ ἀνδρεία καὶ ἡ τῶν ἐλευθεροῦσθαι μελλόντων εὔνοια, τὸ δὲ τούτων ἁπάντων μεῖζον ἥ τε ἀνανδρία τοῦ τυράννου καὶ τὸ τῶν ἀρχομένων πρὸσ αὐτὸν μῖσοσ·

πάντα γὰρ ταῦτα πρὸσ ἕνα καιρὸν συνδραμόντα παραδόξωσ τὰσ ἀπιστουμένασ πράξεισ πρὸσ τέλοσ ἤγαγεν. ἡμεῖσ δ’ ἀφέμενοι τούτων τῶν λόγων ἐπὶ τὴν ἀναγραφὴν τῶν κατὰ μέροσ πεπραγμένων τρεψόμεθα.

Δίων γὰρ ἐκ Ζακύνθου τῆσ πρὸσ Κεφαλληνίαν δυσὶ φορτίσι ναυσὶν ἀναχθεὶσ κατέπλευσε τῆσ Ἀκραγαντίνησ εἰσ τὴν ὀνομαζομένην Μίνῳαν. αὕτη δὲ τὸ μὲν παλαιὸν ὑπὸ Μίνωοσ ἐκτίσθη τοῦ βασιλέωσ Κρητῶν, καθ’ ὃν καιρὸν ζητῶν Δαίδαλον ἐπεξενώθη Κωκάλῳ τῷ βασιλεῖ τῶν Σικανῶν· κατὰ δὲ τοὺσ ὑποκειμένουσ καιροὺσ ἡ μὲν πόλισ αὕτη τοῖσ Καρχηδονίοισ ὑπήκουεν, ὁ δ’ ἐπιστάτησ αὐτῆσ, ὄνομα Πάραλοσ, φίλοσ ὢν Δίωνοσ προθύμωσ ὑπεδέξατ’ αὐτόν. ὁ δὲ Δίων ἐξελόμενοσ ἐκ τῶν φορτηγῶν πανοπλίασ πεντακισχιλίασ τῷ Παράλῳ παρέδωκεν καὶ παρεκάλεσεν αὐτὸν ἁμάξαισ παρακομίσαι πρὸσ τὰσ Συρακούσσασ·

αὐτὸσ δὲ τοὺσ μισθοφόρουσ παραλαβών, ὄντασ χιλίουσ, προῆγεν ἐπὶ τὰσ Συρακούσσασ. ἐν παρόδῳ δὲ τούσ τε Ἀκραγαντίνουσ καὶ Γελῴουσ καί τινασ τῶν τὴν μεσόγειον οἰκούντων Σικανῶν τε καὶ Σικελῶν, ἔτι δὲ Καμαριναίουσ πείσασ συνελευθερῶσαι τοὺσ Συρακοσίουσ προῆγεν ἐπὶ τὴν κατάλυσιν τοῦ τυράννου. πολλῶν δὲ πάντοθεν συρρυέντων μετὰ τῶν ὅπλων ταχὺ πλείουσ τῶν δισμυρίων στρατιωτῶν ἠθροίσθησαν.

οὐδὲν δ’ ἧττον καὶ πολλοὶ τῶν ἐκ τῆσ Ἰταλίασ Ἑλλήνων καὶ Μεσσηνίων μετεπέμφθησαν καὶ πάντεσ σὺν πολλῇ προθυμίᾳ κατὰ σπουδὴν ἧκον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 9

(디오도로스 시켈로스, Library, book xvi, chapter 9)

상위

목록

SEARCH

MENU NAVIGATION