헬라어 문장 검색 - Διοδορ́Λιβραρψ́9́30́

(디오도로스 시켈로스, Library, book xvi, chapter 39)

ἅμα δὲ τούτοισ πραττομένοισ καὶ κατὰ τὴν Πελοπόννησον ἐγένοντο ταραχαὶ καὶ κινήσεισ διὰ τοιαύτασ τινὰσ αἰτίασ. Λακεδαιμόνιοι πρὸσ Μεγαλοπολίτασ διαφερόμενοι τὴν χώραν αὐτῶν κατέδραμον Ἀρχιδάμου τὴν ἡγεμονίαν ἔχοντοσ· οἱ δὲ Μεγαλοπολῖται παροξυνθέντεσ ἐπὶ τοῖσ πραχθεῖσι καὶ καθ’ ἑαυτοὺσ οὐκ ὄντεσ ἀξιόμαχοι παρὰ τῶν συμμάχων μετεπέμψαντο βοήθειαν. Ἀργεῖοι μὲν οὖν καὶ Σικυώνιοι καὶ Μεσσήνιοι πανδημεὶ κατὰ τάχοσ ἐβοήθησαν, Θηβαῖοι δ’ ἀπέστειλαν πεζοὺσ μὲν τετρακισχιλίουσ, ἱππεῖσ δὲ πεντακοσίουσ, στρατηγὸν ἐπιστήσαντεσ Κηφισίωνα.

Μεγαλοπολῖται μὲν οὖν μετὰ τῶν συμμάχων ἐκστρατεύσαντεσ κατεστρατοπέδευσαν περὶ τὰσ πηγὰσ τοῦ Ἀλφειοῦ ποταμοῦ·

οἱ δὲ Λακεδαιμόνιοι τρισχιλίουσ μὲν πεζοὺσ παρὰ Φωκέων προσελάβοντο, ἱππεῖσ δὲ ἑκατὸν καὶ πεντήκοντα παρὰ Λυκόφρονοσ καὶ Πειθολάου τῶν ἐκπεπτωκότων ἐκ τῆσ ἐν Φεραῖσ τυραννίδοσ· συστησάμενοι δὲ δύναμιν ἀξιόμαχον κατεστρατοπέδευσαν περὶ Μαντίνειαν. μετὰ δὲ ταῦτα ἐπὶ πόλιν Ὀρνεὰσ τῆσ Ἀργείασ καταντήσαντεσ ἔφθασαν αὐτὴν ἐκπολιορκήσαντεσ πρὸ τῆσ τῶν πολεμίων παρουσίασ,οὖσαν σύμμαχον τῶν Μεγαλοπολιτῶν.

ἐπεξελθόντων δὲ τῶν Ἀργείων συνάψαντεσ μάχην ἐνίκησαν καὶ πλείουσ τῶν διακοσίων ἀπέκτειναν. τῶν δὲ Θηβαίων ἐπιφανέντων καὶ τῷ μὲν πλήθει διπλασίων ὄντων, ταῖσ δ’ εὐταξίαισ λειπομένων συνέστη μάχη καρτερά·

καὶ τῆσ νίκησ ἀμφιδόξου γενομένησ οἱ μὲν Ἀργεῖοι καὶ οἱ σύμμαχοι τὴν εἰσ τὰσ οἰκείασ πόλεισ ἐπάνοδον ἐποιήσαντο, Λακεδαιμόνιοι δ’ εἰσ τὴν Ἀρκαδίαν ἐμβαλόντεσ καὶ πόλιν Ἑλισσοῦντα κατὰ κράτοσ ἑλόντεσ καὶ διαρπάσαντεσ ἐπανῆλθον εἰσ τὴν Σπάρτην. μετὰ δέ τινα χρόνον οἱ Θηβαῖοι μετὰ τῶν συμμάχων ἐνίκησαν τοὺσ πολεμίουσ περὶ Τέλφουσαν καὶ συχνοὺσ ἀνελόντεσ ἐζώγρησαν Ἀνάξανδρόν τε τὸν ἡγούμενον καὶ τῶν ἄλλων πλείουσ τῶν ἑξήκοντα.

μετ’ ὀλίγον δὲ χρόνον ἄλλαισ δυσὶ μάχαισ προετέρησαν καὶ τῶν ἐναντίων οὐκ ὀλίγουσ κατέβαλον. τὸ δὲ τελευταῖον τῶν Λακεδαιμονίων ἀξιολόγῳ μάχῃ νικησάντων, αἱ δυνάμεισ ἀμφοτέρων εἰσ τὰσ οἰκείασ πόλεισ ἐπανῆλθον.

ἔπειτα τῶν Λακεδαιμονίων ποιησαμένων ἀνοχὰσ πρὸσ τοὺσ Μεγαλοπολίτασ ἐπανῆλθον εἰσ τὴν Βοιωτίαν οἱ Θηβαῖοι. Φάλαικοσ δὲ περὶ τὴν Βοιωτίαν διατρίβων Χαιρώνειαν εἷλε καὶ τῶν Θηβαίων ἐπιβοηθησάντων ἐξέπεσεν ἐκ τῆσ πόλεωσ.

ἔπειθ’ οἱ μὲν Βοιωτοὶ πολλῇ δυνάμει στρατεύσαντεσ εἰσ τὴν Φωκίδα τὴν πλείστην αὐτῆσ ἐπόρθησαν καὶ τὰσ κατὰ τὴν χώραν κτήσεισ ἐδῄωσαν· ἔνια δὲ καὶ τῶν μικρῶν πολισμάτων ἑλόντεσ καὶ λαφύρων πλῆθοσ ἀθροίσαντεσ ἐπανῆλθον εἰσ τὴν Βοιωτίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 39

(디오도로스 시켈로스, Library, book xvi, chapter 39)

상위

목록

SEARCH

MENU NAVIGATION