Diodorus Siculus, Library, book xvi, chapter 77

(디오도로스 시켈로스, Library, book xvi, chapter 77)

ἐπ’ ἄρχοντοσ δ’ Ἀθήνησι Θεοφράστου Ῥωμαῖοι μὲν ὑπάτουσ κατέστησαν Μάρκον Οὐαλέριον καὶ Αὖλον Κορνήλιον, Ὀλυμπιὰσ δ’ ἤχθη δεκάτη πρὸσ ταῖσ ἑκατόν, καθ’ ἣν ἐνίκα στάδιον Ἀντικλῆσ Ἀθηναῖοσ. ἐπὶ δὲ τούτων Φιλίππου Βυζάντιον πολιορκοῦντοσ Ἀθηναῖοι μὲν ἔκριναν τὸν Φίλιππον λελυκέναι τὴν πρὸσ αὐτοὺσ συντεθεῖσαν εἰρήνην·

εὐθὺσ δὲ καὶ δύναμιν ναυτικὴν ἀξιόλογον ἐξέπεμψαν βοηθήσουσαν τοῖσ Βυζαντίοισ. ὁμοίωσ δὲ τούτοισ Χῖοι καὶ Κῷοι καὶ Ῥόδιοι καί τινεσ ἕτεροι τῶν Ἑλλήνων συμμαχίαν ἐξέπεμψαν τοῖσ Βυζαντίοισ. διόπερ ὁ Φίλιπποσ καταπλαγεὶσ τῇ συνδρομῇ τῶν Ἑλλήνων τήν τε πολιορκίαν τῶν πόλεων ἔλυσε καὶ πρὸσ Ἀθηναίουσ καὶ τοὺσ ἄλλουσ Ἕλληνασ τοὺσ ἐναντιουμένουσ συνέθετο τὴν εἰρήνην.

κατὰ δὲ τὴν Σικελίαν Καρχηδόνιοι μὲν μεγάλασ παρασκευὰσ εἰσ τὸν πόλεμον πεποιημένοι διεβίβασαν τὰσ δυνάμεισ εἰσ τὴν Σικελίαν.

εἶχον δὲ τοὺσ πάντασ σὺν τοῖσ προϋπάρχουσιν ἐν τῇ νήσῳ πεζοὺσ μὲν πλείουσ τῶν ἑπτακισμυρίων, ἱππεῖσ δὲ καὶ ἁρ́ματα καὶ συνωρίδασ οὐκ ἐλάττουσ τῶν μυρίων, ναῦσ δὲ μακρὰσ μὲν διακοσίασ, φορτηγοὺσ δὲ τὰσ τοὺσ ἵππουσ τε καὶ βέλη καὶ σῖτον καὶ τἄλλα κομιζούσασ πλείουσ τῶν χιλίων. Τιμολέων δὲ πυθόμενοσ τὸ μέγεθοσ τῆσ τῶν πολεμίων δυνάμεωσ οὐ κατεπλάγη τοὺσ βαρβάρουσ, καίπερ εἰσ ὀλίγουσ στρατιώτασ συνεσταλμένοσ.

ἔχων δὲ πόλεμον πρὸσ Ἱκέταν διελύσατο πρὸσ αὐτὸν καὶ προσλαβόμενοσ τοὺσ μετὰ τούτου στρατιώτασ οὐ μετρίωσ ηὔξησε τὴν ἰδίαν δύναμιν. ἔδοξε δ’ αὐτῷ τὸν πρὸσ τοὺσ Φοίνικασ ἀγῶνα συστήσασθαι κατὰ τὴν τῶν Καρχηδονίων ἐπικράτειαν, ὅπωσ τὴν μὲν τῶν συμμάχων χώραν ἀσινῆ διαφυλάξῃ, τὴν δ’ ὑπὸ τοὺσ βαρβάρουσ οὖσαν καταφθείρῃ.

εὐθὺσ οὖν τούσ τε μισθοφόρουσ καὶ Συρακοσίουσ καὶ τοὺσ ἄλλουσ συμμάχουσ ἀθροίσασ καὶ κοινὴν ἐκκλησίαν συναγαγὼν παρώρμησε τοῖσ οἰκείοισ λόγοισ τὰ πλήθη πρὸσ τὸν ὑπὲρ τῶν ὅλων ἀγῶνα·

πάντων δ’ ἀποδεξαμένων τοὺσ λόγουσ καὶ βοώντων ἄγειν τὴν ταχίστην ἐπὶ τοὺσ βαρβάρουσ προῆγεν ἔχων τοὺσ σύμπαντασ οὐ πλείουσ τῶν μυρίων καὶ δισχιλίων. ἤδη δ’ αὐτοῦ κατὰ τὴν Ἀκραγαντίνην ὄντοσ παραδόξωσ ἐνέπεσε τῇ στρατιᾷ ταραχὴ καὶ στάσισ.

τῶν γὰρ μισθοφόρων τισ ὄνομα Θρασίοσ, σεσυληκὼσ τὸ ἐν Δελφοῖσ ἱερὸν μετὰ τῶν Φωκέων, ἀπονοίᾳ δὲ καὶ θράσει διαφέρων, ἀκόλουθον τοῖσ πρότερον τετολμημένοισ πρᾶξιν ἐπετελέσατο. τῶν γὰρ ἄλλων σχεδὸν ἁπάντων τῶν μετασχόντων τῆσ εἰσ τὸ μαντεῖον παρανομίασ τετευχότων ὑπὸ τοῦ δαιμονίου τῆσ προσηκούσησ τιμωρίασ, καθάπερ μικρῷ πρότερον ἀνεγράψαμεν, μόνοσ οὗτοσ διαλεληθὼσ τὸ θεῖον ἐπεχείρησε τοὺσ μισθοφόρουσ παρορμᾶν πρὸσ ἀπόστασιν.

ἔφη γὰρ τὸν Τιμολέοντα παραφρονοῦντα πρὸσ ὁμολογουμένην ἀπώλειαν ἄγειν τοὺσ στρατιώτασ·

ἑξαπλασίουσ γὰρ ὄντασ τοὺσ Καρχηδονίουσ καὶ πάσαισ ταῖσ παρασκευαῖσ ἀνυπερβλήτουσ ὑπάρχοντασ ἐπαγγέλλεται νικήσειν, ἐναποκυβεύων ταῖσ τῶν μισθοφόρων ψυχαῖσ, οὐδὲ τοὺσ ὀφειλομένουσ μισθοὺσ πολλοῦ χρόνου διὰ τὴν ἀπορίαν ἀποδεδωκώσ. συνεβούλευεν οὖν ἀνακάμπτειν εἰσ τὰσ Συρακούσσασ καὶ τοὺσ μισθοὺσ ἀπαιτεῖν, ἐπὶ δὲ στρατείαν ἀπεγνωσμένην μὴ συνακολουθεῖν.

τῶν δὲ μισθοφόρων ἀσμένωσ τοὺσ λόγουσ δεχομένων καὶ νεωτερίζειν ἐπιχειρούντων μόγισ πολλὰ δεηθεὶσ αὐτῶν ὁ Τιμολέων καὶ δωρεὰσ ἐπαγγελλόμενοσ κατέπαυσε τὴν ταραχήν.

ὅμωσ δὲ τῷ Θρασίῳ χιλίων συνακολουθησάντων τὴν μὲν τούτων κόλασιν εἰσ ἕτερον ἀνεβάλετο καιρόν, γράψασ δὲ πρὸσ τοὺσ ἐν Συρακούσσαισ φίλουσ προσδέξασθαι αὐτοὺσ φιλοφρόνωσ καὶ τοὺσ μισθοὺσ ἀποδοῦναι τὴν μὲν ταραχὴν πᾶσαν εἰσ τέλοσ κατέσβεσε, τῶν δ’ ἀπειθησάντων ἀφείλατο τὴν ἐκ τῆσ νίκησ εὐδοξίαν. αὐτὸσ δὲ τοὺσ ἄλλουσ ταῖσ φιλανθρώποισ ἐντεύξεσιν εἰσ τὴν προϋπάρχουσαν εὔνοιαν ἀποκαταστήσασ προῆγεν ἐπὶ τοὺσ πολεμίουσ οὐ μακρὰν στρατοπεδεύοντασ.

συναγαγὼν δ’ εἰσ τὴν ἐκκλησίαν τοὺσ στρατιώτασ καὶ διὰ τῶν λόγων θάρσοσ παραστήσασ τοῖσ πλήθεσι διῆλθε μὲν τὴν τῶν Φοινίκων ἀνανδρίαν, ὑπέμνησε δὲ τῆσ Γέλωνοσ εὐημερίασ. πάντων δὲ καθάπερ τινὶ μιᾷ φωνῇ βοώντων ἐπιθέσθαι τοῖσ βαρβάροισ καὶ κατάρχεσθαι τῆσ μάχησ, κατὰ τύχην ὑποζυγίων σέλινα κομιζόντων εἰσ τὰσ στιβάδασ ὁ Τιμολέων ἔφη δέχεσθαι τὸν οἰωνὸν τῆσ νίκησ·

τὸν γὰρ Ἰσθμιακὸν στέφανον ἐκ σελίνου συνίστασθαι. οἱ δὲ στρατιῶται παραγγείλαντοσ τοῦ Τιμολέοντοσ ἐκ τῶν σελίνων πλέξαντεσ στεφάνουσ καὶ ταῖσ κεφαλαῖσ περιθέντεσ προῆγον μετὰ χαρᾶσ, ὡσ τῶν θεῶν προσημαινόντων αὐτοῖσ τὴν νίκην·

ὅπερ καὶ συνέβη γενέσθαι· περιεγένοντο γὰρ ἀνελπίστωσ τῶν πολεμίων οὐ μόνον διὰ τὰσ ἰδίασ ἀνδραγαθίασ, ἀλλὰ καὶ διὰ τὴν τῶν θεῶν συνεργίαν.

ὁ μὲν γὰρ Τιμολέων ἐκτάξασ τὴν δύναμιν κατέβαινεν ἀπό τινων λόφων ἐπὶ τὸν Κρίμισον ποταμὸν καὶ μυρίων ἤδη διαβεβηκότων ἐξ ἐφόδου τούτοισ ἐπέρραξε, τεταγμένοσ αὐτὸσ ἐπὶ μέσησ τῆσ φάλαγγοσ. γενομένησ δὲ μάχησ καρτερᾶσ καὶ τῶν Ἑλλήνων ὑπερεχόντων ταῖσ τε ἀρεταῖσ καὶ ταῖσ εὐχειρίαισ πολὺσ ἐγίνετο φόνοσ τῶν βαρβάρων.

ἤδη δὲ φευγόντων τῶν διαβεβηκότων ἡ πᾶσα δύναμισ τῶν Καρχηδονίων περαιωθεῖσα τὸ ῥεῖθρον διωρθώσατο τὴν τῶν ἰδίων ἧτταν.

일치하는 문장이 없습니다.

SEARCH

MENU NAVIGATION