헬라어 문장 검색 - Διοδορ́Λιβραρψ́9́16́

(디오도로스 시켈로스, Library, book xvi, chapter 18)

μετὰ δὲ ταῦτα Διονύσιοσ μὲν στρατηγὸν ἀπέστειλεν εἰσ τὰσ Συρακούσσασ Νύψιον τὸν Νεαπολίτην, ἀνδρείᾳ καὶ συνέσει στρατηγικῇ διαφέροντα· συνεξέπεμψε δ’ αὐτῷ καὶ φορτηγὰ πλοῖα σίτου καὶ τῆσ ἄλλησ ἀγορᾶσ γέμοντα. οὗτοσ μὲν οὖν ἐκ Λοκρῶν ἀναχθεὶσ ἐτέλει τὸν εἰσ Συρακούσσασ πλοῦν. οἱ δὲ κατὰ τὴν ἀκρόπολιν μισθοφόροι τοῦ τυράννου, κατὰ τοῦτον τὸν καιρὸν ἐπιλιπόντοσ τοῦ σίτου, καὶ τῇ σπάνει τῶν ἀναγκαίων δεινῶσ πιεζούμενοι μέχρι μέν τινοσ ὑπέμενον εὐψύχωσ τὴν ἔνδειαν, τῆσ δὲ φύσεωσ ὑπὸ τῆσ ἀνάγκησ ἡττωμένησ καὶ τῆσ σωτηρίασ ἀπογινωσκομένησ συνδραμόντεσ εἰσ ἐκκλησίαν νυκτὸσ ἐψηφίσαντο παραδοῦναι τὴν ἀκρόπολιν καὶ σφᾶσ αὐτοὺσ τοῖσ Συρακοσίοισ ἅμ’ ἡμέρᾳ.

ἤδη δὲ τῆσ νυκτὸσ ληγούσησ οἱ μὲν μισθοφόροι κήρυκασ ἐξέπεμπον πρὸσ τοὺσ Συρακοσίουσ περὶ τῆσ διαλύσεωσ, ὁ δὲ Νύψιοσ διαφαινούσησ ἤδη τῆσ ἡμέρασ κατέπλευσε μετὰ τοῦ στόλου καὶ καθωρμίσθη περὶ τὴν Ἀρέθουσαν.

διόπερ τῆσ ἐνδείασ παραχρῆμα μεταβαλούσησ εἰσ πολλὴν δαψίλειαν τῶν ἐπιτηδείων ὁ μὲν στρατηγὸσ Νύψιοσ ἐκβιβάσασ τοὺσ στρατιώτασ, κοινὴν ἐκκλησίαν συναγαγὼν καὶ διαλεχθεὶσ οἰκείωσ τοῖσ παροῦσι καιροῖσ, προθύμουσ κατεσκεύασε πρὸσ τοὺσ μέλλοντασ κινδύνουσ. ἡ μὲν οὖν ἀκρόπολισ ἤδη παραδιδομένη τοῖσ Συρακοσίοισ τὸν εἰρημένον τρόπον ἀνελπίστωσ διεφυλάχθη, οἱ δὲ Συρακόσιοι πληρώσαντεσ ἁπάσασ τὰσ τριήρεισ ἐπέπλευσαν τοῖσ πολεμίοισ ἔτι περὶ τὴν ἐξαίρεσιν τῆσ ἀγορᾶσ διατρίβουσιν. ἀπροσδοκήτου δὲ τῆσ ἐφόδου γενομένησ καὶ τῶν κατὰ τὴν ἀκρόπολιν μισθοφόρων τεθορυβημένωσ ἀντιταχθέντων ταῖσ πολεμίαισ τριήρεσιν, ἐγένετο ναυμαχία, καθ’ ἣν οἱ Συρακόσιοι προετέρησαν, καὶ τινὰσ μὲν τῶν νεῶν κατέδυσαν, τινῶν δ’ ἐγκρατεῖσ κατέστησαν, τὰσ δὲ λοιπὰσ πρὸσ τὴν γῆν κατεδίωξαν.

μετεωρισθέντεσ δ’ ἐπὶ τῷ προτερήματι τοῖσ μὲν θεοῖσ μεγαλοπρεπῶσ ἔθυσαν ἐπινίκια, αὐτοὶ δ’ εἰσ εὐωχίασ καὶ πότουσ ἐκτραπέντεσ, καταφρονοῦντεσ τῶν ἡττημένων ῥᾳθύμωσ εἶχον τὰ περὶ τὰσ φυλακάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 18

(디오도로스 시켈로스, Library, book xvi, chapter 18)

상위

목록

SEARCH

MENU NAVIGATION