헬라어 문장 검색 - Διοδορ́Λιβραρψ́9́62́

(디오도로스 시켈로스, Library, book xvi, chapter 93)

τοῦ δὲ θεάτρου πληρωθέντοσ αὐτὸσ ὁ Φίλιπποσ ᾔει λευκὸν ἔχων ἱμάτιον καὶ προστεταχὼσ τοὺσ δορυφόρουσ μακρὰν ἀφεστῶτασ ἀφ’ ἑαυτοῦ συνακολουθεῖν· ἐνεδείκνυτο γὰρ πᾶσιν ὅτι τηρούμενοσ τῇ κοινῇ τῶν Ἑλλήνων εὐνοίᾳ τῆσ τῶν δορυφόρων φυλακῆσ οὐκ ἔχει χρείαν. τηλικαύτησ δ’ οὔσησ περὶ αὐτὸν ὑπεροχῆσ καὶ πάντων ἐπαινούντων ἅμα καὶ μακαριζόντων τὸν ἄνδρα παράδοξοσ καὶ παντελῶσ ἀνέλπιστοσ ἐφάνη κατὰ τοῦ βασιλέωσ ἐπιβουλὴ καὶ θάνατοσ.

ἵνα δὲ σαφὴσ ὁ περὶ τούτων γένηται λόγοσ, προεκθησόμεθα τὰσ αἰτίασ τῆσ ἐπιβουλῆσ.

Παυσανίασ ἦν τὸ μὲν γένοσ Μακεδὼν ἐκ τῆσ Ὀρεστίδοσ καλουμένησ, τοῦ δὲ βασιλέωσ σωματοφύλαξ καὶ διὰ τὸ κάλλοσ φίλοσ γεγονὼσ τοῦ Φιλίππου. οὗτοσ ὁρῶν ὑπὸ τοῦ βασιλέωσ ἀγαπώμενον ἕτερον Παυσανίαν ὁμώνυμον ἑαυτῷ ὀνειδιστικοῖσ πρὸσ αὐτὸν ἐχρήσατο λόγοισ, φήσασ ἀνδρόγυνον εἶναι καὶ τοὺσ τῶν βουλομένων ἔρωτασ ἑτοίμωσ προσδέχεσθαι.

ὁ δὲ τὴν ἐκ τῆσ λοιδορίασ ὕβριν οὐκ ἐνέγκασ τὸ μὲν παρὸν κατεσιώπησεν, Ἀττάλῳ δέ τινι τῶν φίλων ἐπικοινωσάμενοσ περὶ τῶν μελλόντων πράττεσθαι ἑκουσίωσ καὶ παραδόξωσ ἑαυτὸν ἐκ τοῦ ζῆν μετέστησεν.

μετ’ ὀλίγασ γὰρ ἡμέρασ τοῦ Φιλίππου πρὸσ Πλευρίαν τὸν τῶν Ἰλλυριῶν βασιλέα διαγωνιζομένου πρὸ τοῦ βασιλέωσ στὰσ ἁπάσασ τὰσ φερομένασ ἐπ’ αὐτὸν πληγὰσ ἀνεδέξατο τῷ ἰδίῳ σώματι καὶ μετήλλαξεν.

διαβοηθείσησ δὲ τῆσ πράξεωσ ὁ μὲν Ἄτταλοσ, εἷσ ὢν τῶν ἐξ αὐλῆσ καὶ πολὺ δυναμένων παρὰ τῷ βασιλεῖ, ἐκάλεσεν ἐπὶ δεῖπνον τὸν Παυσανίαν καὶ πολὺν ἐμφορήσασ ἄκρατον παρέδωκεν αὐτοῦ τὸ σῶμα τοῖσ ὀρεωκόμοισ εἰσ ὕβριν καὶ παροινίαν ἑταιρικήν.

ὁ δὲ ἀνανήψασ ἐκ τῆσ μέθησ καὶ τῇ τοῦ σώματοσ ὕβρει περιαλγὴσ γενόμενοσ τοῦ Ἀττάλου κατηγόρησεν ἐπὶ τοῦ βασιλέωσ.

ὁ δὲ Φίλιπποσ παρωξύνθη μὲν ἐπὶ τῇ παρανομίᾳ τῆσ πράξεωσ, διὰ δὲ τὴν πρὸσ Ἄτταλον οἰκειότητα καὶ τὴν εἰσ τὸ παρὸν αὐτοῦ χρείαν οὐκ ἐβούλετο μισοπονηρεῖν· ἦν γὰρ ὁ Ἄτταλοσ τῆσ μὲν ἐπιγαμηθείσησ γυναικὸσ ὑπὸ τοῦ βασιλέωσ Κλεοπάτρασ ἀδελφιδοῦσ, ἐπὶ δὲ τῆσ προαπεσταλμένησ δυνάμεωσ εἰσ τὴν Ἀσίαν στρατηγὸσ προκεχειρισμένοσ, ἐν δὲ τοῖσ πολεμικοῖσ ἀγῶσιν ἀνδρεῖοσ.

διόπερ ὁ βασιλεὺσ πραῦ̈ναι βουλόμενοσ τοῦ Παυσανίου τὴν ἐπὶ τῷ πάθει γεγενημένην δικαίαν ὀργὴν δωρεὰσ ἀξιολόγουσ ἀπένειμεν αὐτῷ καὶ κατὰ τὴν σωματοφυλακίαν προῆγεν αὐτὸν ἐντίμωσ. ὁ δὲ Παυσανίασ ἀμετάθετον φυλάττων τὴν ὀργὴν ἔσπευδε μὴ μόνον παρὰ τοῦ πράξαντοσ λαβεῖν τιμωρίαν, ἀλλὰ καὶ παρὰ τοῦ μὴ τιμωροῦντοσ αὐτῷ.

συνεπελάβετο δὲ ταύτησ τῆσ προαιρέσεωσ μάλιστα ὁ σοφιστὴσ Ἑρμοκράτησ. τοῦ γὰρ Παυσανίου σχολάζοντοσ αὐτῷ καὶ κατὰ τὴν διατριβὴν πυθομένου πῶσ ἄν τισ γένοιτο ἐπιφανέστατοσ, ὁ σοφιστὴσ ἀπεκρίθη εἰ τὸν τὰ μέγιστα πράξαντα ἀνέλοι· τῇ γὰρ περὶ τούτου μνήμῃ συμπεριληφθήσεσθαι καὶ τὸν τὴν ἀναίρεσιν αὐτοῦ ποιησάμενον. ἀνενέγκασ δὲ πρὸσ τὴν ἰδίαν ὀργὴν τὸν λόγον καὶ διὰ τὸν θυμὸν οὐδεμίαν τῆσ γνώμησ ὑπέρθεσιν ποιησάμενοσ ἐν αὐτοῖσ τοῖσ ὑποκειμένοισ ἀγῶσι τὴν ἐπιβουλὴν συνεστήσατο τοιῷδέ τινι τρόπῳ.

ἵππουσ παραστησάμενοσ ταῖσ πύλαισ παρῆλθε πρὸσ τὰσ εἰσ τὸ θέατρον εἰσόδουσ ἔχων κεκρυμμένην Κελτικὴν μάχαιραν.

τοῦ δὲ Φιλίππου τοὺσ παρακολουθοῦντασ φίλουσ κελεύσαντοσ προεισελθεῖν εἰσ τὸ θέατρον καὶ τῶν δορυφόρων διεστώτων, ὁρῶν τὸν βασιλέα μεμονωμένον προσέδραμε καὶ διὰ τῶν πλευρῶν διανταίαν ἐνέγκασ πληγὴν τὸν μὲν βασιλέα νεκρὸν ἐξέτεινεν, αὐτὸσ δ’ ἐπὶ τὰσ πύλασ καὶ τοὺσ ἡτοιμασμένουσ πρὸσ τὴν φυγὴν ἔθεεν ἵππουσ. εὐθὺσ δὲ τῶν σωματοφυλάκων οἱ μὲν πρὸσ τὸ σῶμα τοῦ βασιλέωσ ὡρ́μησαν, οἱ δ’ ἐπὶ τὸν τοῦ σφαγέωσ διωγμὸν ἐξεχύθησαν, ἐν οἷσ ὑπῆρχον καὶ Λεόννατοσ καὶ Περδίκκασ καὶ Ἄτταλοσ.

ὁ δὲ Παυσανίασ προλαβὼν τῆσ διώξεωσ ἔφθασεν ἂν ἐπὶ τὸν ἵππον ἀναπηδήσασ, εἰ μὴ τῆσ ὑποδέσεωσ περὶ ἄμπελόν τινα περιπλακείσησ ἔπεσεν. διόπερ οἱ περὶ τὸν Περδίκκαν καταλαβόντεσ αὐτὸν ἐκ τῆσ γῆσ ἀνιστάμενον καὶ συγκεντήσαντεσ ἀνεῖλον. Φίλιπποσ μὲν οὖν μέγιστοσ γενόμενοσ τῶν καθ’ ἑαυτὸν ἐπὶ τῆσ Εὐρώπησ βασιλέων καὶ διὰ τὸ μέγεθοσ τῆσ ἀρχῆσ ἑαυτὸν τοῖσ δώδεκα θεοῖσ σύνθρονον καταριθμήσασ τοιαύτησ ἔτυχε τῆσ τοῦ βίου καταστροφῆσ, ἄρξασ ἔτη τέσσαρα πρὸσ τοῖσ εἴκοσι.

δοκεῖ δ’ οὗτοσ ὁ βασιλεὺσ ἐλαχίστασ μὲν εἰσ τὴν μοναρχίαν ἀφορμὰσ παρειληφέναι, μεγίστην δὲ τῶν παρ’ Ἕλλησι μοναρχιῶν κατακτήσασθαι, ηὐξηκέναι δὲ τὴν ἡγεμονίαν οὐχ οὕτω διὰ τῆσ ἐν τοῖσ ὅπλοισ ἀνδραγαθίασ ὡσ διὰ τῆσ ἐν τοῖσ λόγοισ ὁμιλίασ καὶ φιλοφροσύνησ.

φασὶ δὲ καὶ αὐτὸν τὸν Φίλιππον σεμνύνεσθαι μᾶλλον ἐπὶ τῇ στρατηγικῇ συνέσει καὶ τοῖσ διὰ τῆσ ὁμιλίασ ἐπιτεύγμασιν ἤπερ ἐπὶ τῇ κατὰ τὰσ μάχασ ἀνδρείᾳ·

τῶν μὲν γὰρ κατὰ τοὺσ ἀγῶνασ κατορθωμάτων μετέχειν ἅπαντασ τοὺσ στρατευομένουσ, τῶν δὲ διὰ τῆσ ὁμιλίασ γινομένων ἐπιτευγμάτων αὐτὸν μόνον λαμβάνειν τὴν ἐπιγραφήν.

ἡμεῖσ δ’ ἐπειδὴ πάρεσμεν ἐπὶ τὴν Φιλίππου τελευτήν, ταύτην μὲν τὴν βίβλον αὐτοῦ περιγράψομεν κατὰ τὴν ἐν ἀρχῇ πρόθεσιν, τῆσ δ’ ἐχομένησ ἀρχὴν τὴν Ἀλεξάνδρου παράληψιν τῆσ βασιλείασ ποιησάμενοι πειρασόμεθα περιλαβεῖν ἁπάσασ αὐτοῦ τὰσ πράξεισ ἐν μιᾷ βίβλῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 93

(디오도로스 시켈로스, Library, book xvi, chapter 93)

상위

목록

SEARCH

MENU NAVIGATION