Diodorus Siculus, Library, book xvi, chapter 53

(디오도로스 시켈로스, Library, book xvi, chapter 53)

τοῦ δ’ ἔτουσ τούτου διελθόντοσ Ἀθήνησι μὲν ἦρχε Θεόφιλοσ, ἐν Ῥώμῃ δὲ κατεστάθησαν ὕπατοι Γάιοσ Σουλπίκιοσ καὶ Γάιοσ Κοί̈ντιοσ, Ὀλυμπιὰσ δ’ ἤχθη ὀγδόη πρὸσ ταῖσ ἑκατόν, καθ’ ἣν ἐνίκα στάδιον Πολυκλῆσ Κυρηναῖοσ. ἐπὶ δὲ τούτων Φίλιπποσ μὲν σπεύδων τὰσ ἐφ’ Ἑλλησπόντῳ πόλεισ χειρώσασθαι Μηκύβερναν μὲν καὶ Τορώνην χωρὶσ κινδύνων διὰ προδοσίασ παρέλαβεν, ἐπὶ δὲ τὴν μεγίστην τῶν περὶ τοὺσ τόπουσ τούτουσ πόλεων Ὄλυνθον στρατεύσασ μετὰ πολλῆσ δυνάμεωσ τὸ μὲν πρῶτον νικήσασ τοὺσ Ὀλυνθίουσ δυσὶ μάχαισ συνέκλεισεν εἰσ πολιορκίαν, προσβολὰσ δὲ συνεχεῖσ ποιούμενοσ πολλοὺσ τῶν στρατιωτῶν ἀπέβαλεν ἐν ταῖσ τειχομαχίαισ·

τὸ δὲ τελευταῖον φθείρασ χρήμασι τοὺσ προεστηκότασ τῶν Ὀλυνθίων, Εὐθυκράτην τε καὶ Λασθένην, διὰ τούτων προδοθεῖσαν τὴν Ὄλυνθον εἷλεν. διαρπάσασ δ’ αὐτὴν καὶ τοὺσ ἐνοικοῦντασ ἐξανδραποδισάμενοσ ἐλαφυροπώλησε.

τοῦτο δὲ πράξασ χρημάτων τε πολλῶν εἰσ τὸν πόλεμον εὐπόρησε καὶ τὰσ ἄλλασ πόλεισ τὰσ ἐναντιουμένασ κατεπλήξατο. τοὺσ δὲ ἀνδραγαθήσαντασ τῶν στρατιωτῶν κατὰ τὴν μάχην ἀξίαισ δωρεαῖσ τιμήσασ καὶ χρημάτων πλῆθοσ διαδοὺσ τοῖσ ἐν ταῖσ πόλεσιν ἰσχύουσι πολλοὺσ ἔσχε προδότασ τῶν πατρίδων. καὶ αὐτὸσ δὲ ἀπεφαίνετο διὰ χρυσίου πολὺ μᾶλλον ἢ διὰ τῶν ὅπλων ηὐξηκέναι τὴν ἰδίαν βασιλείαν.

일치하는 문장이 없습니다.

SEARCH

MENU NAVIGATION