Diodorus Siculus, Library, book xvi, chapter 44

(디오도로스 시켈로스, Library, book xvi, chapter 44)

ὁ δὲ βασιλεὺσ ἐν μεγάλῳ τιθέμενοσ τὸ κρατῆσαι τῆσ Αἰγύπτου διὰ τὸ πρότερον ἐλάττωμα πρεσβευτὰσ ἀπέστειλε πρὸσ τὰσ μεγίστασ τῶν κατὰ τὴν Ἑλλάδα πόλεων, ἀξιῶν συστρατεῦσαι τοῖσ Πέρσαισ ἐπ’ Αἰγυπτίουσ. Ἀθηναῖοι μὲν οὖν καὶ Λακεδαιμόνιοι τὴν φιλίαν ἔφασαν τὴν πρὸσ Πέρσασ τηρεῖν, συμμαχίαν δὲ ἀποστέλλειν ἀντεῖπαν. Θηβαῖοι δὲ στρατηγὸν ἑλόμενοι Λακράτην ἐξαπέστειλαν μετὰ χιλίων ὁπλιτῶν.

Ἀργεῖοι δὲ τρισχιλίουσ στρατιώτασ ἐξέπεμψαν, στρατηγὸν δὲ αὐτοὶ μὲν οὐχ εἵλαντο, τοῦ δὲ βασιλέωσ κατ’ ὄνομα τὸν Νικόστρατον στρατηγὸν αἰτησαμένου συνεχώρησαν. ἦν γὰρ ὁ ἀνὴρ οὗτοσ ἀγαθὸσ καὶ πρᾶξαι καὶ βουλεύσασθαι, μεμιγμένην δ’ ἔχων τῇ φρονήσει μανίαν·

τῇ γὰρ τοῦ σώματοσ ῥώμῃ διαφέρων ἐμιμεῖτο τὸν Ἡρακλέα κατὰ τὰσ στρατείασ καὶ λεοντῆν ἐφόρει καὶ ῥόπαλον ἐν ταῖσ μάχαισ. ὁμοίωσ δὲ τούτοισ οἱ τὴν παραθαλάττιον τῆσ Ἀσίασ οἰκοῦντεσ Ἕλληνεσ ἀπέστειλαν στρατιώτασ ἑξακισχιλίουσ, ὥστε τοὺσ πάντασ Ἕλληνασ γενέσθαι συμμάχουσ μυρίουσ.

πρὸ δὲ τῆσ τούτων παρουσίασ ὁ μὲν βασιλεὺσ διεληλυθὼσ τὴν Συρίαν καὶ παραγενόμενοσ εἰσ τὴν Φοινίκην ἐστρατοπέδευσεν οὐ μακρὰν τῆσ Σιδῶνοσ. οἱ δὲ Σιδώνιοι κεχρονικότοσ τοῦ βασιλέωσ περὶ τὰσ παρασκευὰσ σίτου τε καὶ ὅπλων καὶ βελῶν πολλὴν ἐπιμέλειαν ἐποιήσαντο.

ὁμοίωσ οὖν τὴν πόλιν τάφροισ τριπλαῖσ μεγάλαισ καὶ τειχῶν ὑψηλῶν κατασκευαῖσ περιειλήφεισαν. εἶχον δὲ καὶ στρατιωτῶν ἱκανὸν πλῆθοσ πολιτικῶν ἐν γυμνασίαισ καὶ πόνοισ ἐνηθληκὸσ καὶ ταῖσ τῶν σωμάτων εὐεξίαισ καὶ ῥώμαισ διαφέρον.

πλούτῳ δὲ καὶ ταῖσ ἄλλαισ χορηγίαισ ἡ πόλισ πολὺ προεῖχε τῶν κατὰ τὴν Φοινίκην πόλεων, τὸ δὲ μέγιστον τριήρεισ καὶ πεντήρεισ εἶχε πλείουσ τῶν ἑκατόν.

일치하는 문장이 없습니다.

SEARCH

MENU NAVIGATION