헬라어 문장 검색 - Διοδορ́Λιβραρψ́9́20́

(디오도로스 시켈로스, Library, book xvi, chapter 25)

οἱ δὲ Βοιωτοὶ συνελθόντεσ εἰσ ἐκκλησίαν ἐψηφίσαντο βοηθεῖν τῷ μαντείῳ καὶ παραχρῆμα στρατιώτασ ἐξέπεμψαν. τούτων δὲ πραττομένων ὁ Φιλόμηλοσ τεῖχόσ τε περιεβάλετο τῷ ἱερῷ καὶ μισθοφόρουσ ἤθροιζε πολλούσ, ἀναβιβάσασ τοὺσ μισθοὺσ καὶ ποιήσασ ἡμιολίουσ, καὶ τῶν Φωκέων ἐπιλέγων τοὺσ ἀρίστουσ κατέγραφε καὶ ταχὺ δύναμιν ἀξιόλογον ἤθροισεν· οὐκ ἐλάττουσ γὰρ τῶν πεντακισχιλίων στρατιωτῶν ἔχων προεκάθητο τῶν Δελφῶν, φοβερὸσ ὢν ἤδη τοῖσ πολεμεῖν πρὸσ αὐτὸν βουλομένοισ. μετὰ δὲ ταῦτα στρατεύσασ εἰσ τὴν τῶν Λοκρῶν χώραν καὶ πολλὴν τῆσ πολεμίασ γῆσ δῃώσασ κατεστρατοπεδεύσατο πλησίον ποταμοῦ τινοσ ῥέοντοσ παρὰ φρούριον ὀχυρόν.

τούτῳ δὲ προσβολὰσ ποιησάμενοσ καὶ μὴ δυνάμενοσ ἑλεῖν τῆσ μὲν πολιορκίασ ἀπέστη, πρὸσ δὲ τοὺσ Λοκροὺσ συνάψασ μάχην ἀπέβαλε τῶν στρατιωτῶν εἴκοσι καὶ τῶν νεκρῶν οὐ δυνηθεὶσ κρατῆσαι τὴν ἀναίρεσιν αὐτῶν διὰ κήρυκοσ ᾐτήσατο. οἱ δὲ Λοκροὶ τὴν ἀναίρεσιν οὐ συγχωροῦντεσ ἀπόκρισιν ἔδωκαν ὅτι παρὰ πᾶσι τοῖσ Ἕλλησι κοινὸσ νόμοσ ἐστὶν ἀτάφουσ ῥίπτεσθαι τοὺσ ἱεροσύλουσ. ὁ δὲ Φιλόμηλοσ χαλεπῶσ φέρων τὸ συμβεβηκὸσ συνῆψε μάχην τοῖσ Λοκροῖσ καὶ πᾶσαν εἰσενεγκάμενοσ φιλοτιμίαν ἀνεῖλέ τινασ τῶν πολεμίων καὶ τῶν σωμάτων κυριεύσασ ἠνάγκασε τοὺσ Λοκροὺσ ἀλλαγὴν ποιήσασθαι τῶν νεκρῶν.

κρατῶν δὲ τῶν ὑπαίθρων καὶ πολλὴν πορθήσασ τῆσ Λοκρίδοσ ἐπανῆλθεν εἰσ Δελφοὺσ ἐμπεπληκὼσ ὠφελείασ τοὺσ στρατιώτασ. μετὰ δὲ ταῦτα περὶ τοῦ πολέμου βουλόμενοσ χρήσασθαι τῷ μαντείῳ τὴν Πυθίαν ἠνάγκασεν ἀναβᾶσαν ἐπὶ τὸν τρίποδα δοῦναι τὸν χρησμόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 25

(디오도로스 시켈로스, Library, book xvi, chapter 25)

상위

목록

SEARCH

MENU NAVIGATION