헬라어 문장 검색 - Διοδορ́Λιβραρψ́9́47́

(디오도로스 시켈로스, Library, book xvi, chapter 59)

ἐπ’ ἄρχοντοσ δ’ Ἀθήνησιν Ἀρχίου Ῥωμαῖοι κατέστησαν ὑπάτουσ Μάρκον Αἰμίλιον καὶ Τίτον Κοί̈νκτιον. ἐπὶ δὲ τούτων ὁ Φωκικὸσ πόλεμοσ, διαμείνασ ἔτη δέκα, κατελύθη τόνδε τὸν τρόπον. Βοιωτῶν καὶ Φωκέων τεταπεινωμένων διὰ τὸ μῆκοσ τοῦ πολέμου Φωκεῖσ μὲν πρέσβεισ ἐξαπέστειλαν εἰσ Λακεδαίμονα περὶ βοηθείασ, Σπαρτιᾶται δὲ χιλίουσ ὁπλίτασ ἐξέπεμψαν στρατηγὸν ἐπιστήσαντεσ Ἀρχίδαμον τὸν βασιλέα. Βοιωτῶν δὲ παραπλησίωσ τούτοισ διαπρεσβευσαμένων πρὸσ Φίλιππον περὶ συμμαχίασ ὁ Φίλιπποσ παραλαβὼν τοὺσ Θετταλοὺσ ἧκεν εἰσ τὴν Λοκρίδα μετὰ πολλῆσ δυνάμεωσ.

καταλαβὼν δὲ Φάλαικον πάλιν τῆσ στρατηγίασ ἠξιωμένον καὶ τὸ τῶν μισθοφόρων ἔχοντα πλῆθοσ παρεσκευάζετο παρατάξει κρῖναι τὸν πόλεμον· ὁ δὲ Φάλαικοσ ἐν τῇ Νικαίᾳ διατρίβων καὶ θεωρῶν αὑτὸν οὐκ ἀξιόμαχον ὄντα διεπρεσβεύσατο πρὸσ τὸν βασιλέα περὶ διαλύσεων. γενομένησ δ’ ὁμολογίασ ὥστε τὸν Φάλαικον μετὰ τῶν στρατιωτῶν ἀπελθεῖν ὅποι βούλοιτο, οὗτοσ μὲν ὑπόσπονδοσ εἰσ τὴν Πελοπόννησον ἀπεχώρησε μετὰ τῶν μισθοφόρων, ὄντων ὀκτακισχιλίων, οἱ δὲ Φωκεῖσ συντριβέντεσ ταῖσ ἐλπίσι παρέδωκαν ἑαυτοὺσ τῷ Φιλίππῳ.

ὁ δὲ βασιλεὺσ ἄνευ μάχησ ἀνελπίστωσ καταλύσασ τὸν ἱερὸν πόλεμον συνήδρευε μετὰ Βοιωτῶν καὶ Θετταλῶν.

ἔκρινεν οὖν συναγαγεῖν τὸ τῶν Ἀμφικτυόνων συνέδριον καὶ τούτῳ τὴν περὶ τῶν ὅλων διάγνωσιν ἐπιτρέψαι. ἔδοξεν οὖν τοῖσ συνέδροισ μεταδοῦναι τῷ Φιλίππῳ καὶ τοῖσ ἀπογόνοισ αὐτοῦ τῆσ Ἀμφικτυονίασ καὶ δύο ψήφουσ ἔχειν, ἃσ πρότερον οἱ καταπολεμηθέντεσ Φωκεῖσ εἶχον·

τῶν δ’ ἐπὶ Φωκεῦσι τριῶν πόλεων περιελεῖν τὰ τείχη καὶ μηδεμίαν κοινωνίαν εἶναι τοῖσ Φωκεῦσι τοῦ ἱεροῦ μηδὲ τοῦ Ἀμφικτυονικοῦ συνεδρίου· μὴ ἐξεῖναι δὲ αὐτοῖσ μήτε ἵππουσ μήτε ὅπλα κτήσασθαι, μέχρισ ἂν οὗ τὰ χρήματα ἐκτίσωσι τῷ θεῷ τὰ σεσυλημένα· τοὺσ δὲ πεφευγότασ τῶν Φωκέων καὶ τῶν ἄλλων τῶν μετεσχηκότων τῆσ ἱεροσυλίασ ἐναγεῖσ εἶναι καὶ ἀγωγίμουσ πάντοθεν· τὰσ δὲ πόλεισ ἁπάσασ τῶν Φωκέων κατασκάψαι καὶ μετοικίσαι εἰσ κώμασ, ὧν ἑκάστην μὴ πλεῖον ἔχειν οἰκιῶν πεντήκοντα, μηδ’ ἔλαττον διεστάναι σταδίου τὰσ κώμασ ἀπ’ ἀλλήλων·

ἔχειν δὲ Φωκεῖσ τὴν χώραν καὶ φέρειν κατ’ ἐνιαυτὸν τῷ θεῷ φόρον τάλαντα ἑξήκοντα, μέχρισ ἂν ἐκτίσωσι τὰ ἀπογραφέντα χρήματα κατὰ τὴν ἱεροσυλίαν· τιθέναι δὲ καὶ τὸν ἀγῶνα τῶν Πυθίων Φίλιππον μετὰ Βοιωτῶν καὶ Θετταλῶν διὰ τὸ Κορινθίουσ μετεσχηκέναι τοῖσ Φωκεῦσι τῆσ εἰσ τὸ θεῖον παρανομίασ· τοὺσ δὲ Ἀμφικτύονασ καὶ τὸν Φίλιππον τὰ ὅπλα τῶν Φωκέων καὶ τῶν μισθοφόρων καταπετροκοπῆσαι καὶ τὰ λείψανα αὐτῶν κατακαῦσαι καὶ τοὺσ ἵππουσ ἀποδόσθαι.

ἀκολούθωσ δὲ τούτοισ διέταξαν οἱ Ἀμφικτύονεσ τὰ περὶ τὴν ἐπιμέλειαν τοῦ μαντείου καὶ τἄλλα πάντα τὰ πρὸσ εὐσέβειαν καὶ κοινὴν εἰρήνην καὶ ὁμόνοιαν τοῖσ Ἕλλησιν ἀνήκοντα. μετὰ δὲ ταῦτα Φίλιπποσ μὲν τὰ δεδογμένα τοῖσ Ἀμφικτύοσι συγκαταστήσασ καὶ πρὸσ πάντασ φιλοφρονηθεὶσ ἐπανῆλθεν εἰσ Μακεδονίαν, οὐ μόνον δόξαν εὐσεβείασ καὶ ἀρετῆσ στρατηγικῆσ περιπεποιημένοσ, ἀλλὰ καὶ πρὸσ τὴν μέλλουσαν αὔξησιν αὐτῷ γίνεσθαι μεγάλα προκατεσκευασμένοσ.

ἐπεθύμει γὰρ τῆσ Ἑλλάδοσ ἀποδειχθῆναι στρατηγὸσ αὐτοκράτωρ καὶ τὸν πρὸσ Πέρσασ ἐξενεγκεῖν πόλεμον·

ὅπερ καὶ συνέβη γενέσθαι. ἀλλὰ περὶ μὲν τούτων ἐν τοῖσ οἰκείοισ χρόνοισ τὰ κατὰ μέροσ ἀναγράψομεν, νῦν δ’ ἐπὶ τὸ συνεχὲσ τῆσ ἱστορίασ τρεψόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 59

(디오도로스 시켈로스, Library, book xvi, chapter 59)

상위

목록

SEARCH

MENU NAVIGATION