헬라어 문장 검색 - Διοδορ́Λιβραρψ́9́59́

(디오도로스 시켈로스, Library, book xvi, chapter 87)

λέγουσι δέ τινεσ ὅτι καὶ παρὰ τὸν πότον πολὺν ἐμφορησάμενοσ ἄκρατον καὶ μετὰ τῶν φίλων τὸν ἐπινίκιον ἄγων κῶμον διὰ μέσων τῶν αἰχμαλώτων ἐβάδιζεν ὑβρίζων διὰ λόγων τὰσ τῶν ἀκληρούντων δυστυχίασ. Δημάδην δὲ τὸν ῥήτορα κατ’ ἐκεῖνον τὸν καιρὸν ἐν τοῖσ αἰχμαλώτοισ ὄντα χρήσασθαι παρρησίᾳ καὶ λόγον ἀποφθέγξασθαι δυνάμενον ἀναστεῖλαι τὴν τοῦ βασιλέωσ ἀσέλγειαν. φασὶ γὰρ εἰπεῖν αὐτόν, βασιλεῦ, τῆσ τύχησ σοι περιθείσησ πρόσωπον Ἀγαμέμνονοσ αὐτὸσ οὐκ αἰσχύνῃ πράττων ἔργα Θερσίτου;

τὸν δὲ Φίλιππον τῇ τῆσ ἐπιπλήξεωσ εὐστοχίᾳ κινηθέντα τοσοῦτο μεταβαλεῖν τὴν ὅλην διάθεσιν ὥστε τοὺσ μὲν στεφάνουσ ἀπορρῖψαι, τὰ δὲ συνακολουθοῦντα κατὰ τὸν κῶμον σύμβολα τῆσ ὕβρεωσ ἀποτρίψασθαι, τὸν δ’ ἄνδρα τὸν χρησάμενον τῇ παρρησίᾳ θαυμάσαι καὶ τῆσ αἰχμαλωσίασ ἀπολύσαντα πρὸσ ἑαυτὸν ἀναλαβεῖν ἐντίμωσ. τέλοσ δ’ ὑπὸ τοῦ Δημάδου καθομιληθέντα ταῖσ Ἀττικαῖσ χάρισι πάντασ ἀπολῦσαι τοὺσ αἰχμαλώτουσ ἄνευ λύτρων, καθόλου δ’ ἀποθέμενον τὴν ἐκ τῆσ νίκησ ὑπερηφανίαν πρέσβεισ ἀποστεῖλαι πρὸσ τὸν δῆμον τῶν Ἀθηναίων καὶ συνθέσθαι πρὸσ αὐτοὺσ φιλίαν τε καὶ συμμαχίαν, εἰσ δὲ τὰσ Θήβασ φρουρὰν ἐγκαταστήσαντα συγχωρῆσαι τὴν εἰρήνην τοῖσ Βοιωτοῖσ.

οἱ δ’ Ἀθηναῖοι μετὰ τὴν ἧτταν Λυσικλέουσ μὲν τοῦ στρατηγοῦ θάνατον κατέγνωσαν Λυκούργου τοῦ ῥήτοροσ κατηγορήσαντοσ.

οὗτοσ γὰρ τῶν τότε ῥητόρων μέγιστον ἔχων ἀξίωμα καὶ δώδεκα μὲν ἔτη τὰσ προσόδουσ τῆσ πόλεωσ διοικήσασ ἐπαινουμένωσ, βίον δ’ ἐζηκὼσ ἐπ’ ἀρετῇ περιβόητον πικρότατοσ ἦν ἐν τοῖσ λόγοισ κατήγοροσ. γνοίη δ’ ἄν τισ αὐτοῦ τὴν ἐν τοῖσ λόγοισ ἀξίαν καὶ πικρίαν ἐν οἷσ τοῦ Λυσικλέουσ κατηγορῶν λέγει, Ἐστρατήγεισ, ὦ Λύσικλεσ, καὶ χιλίων μὲν πολιτῶν τετελευτηκότων, δισχιλίων δ’ αἰχμαλώτων γεγονότων, τροπαίου δὲ κατὰ τῆσ πόλεωσ ἑστηκότοσ, τῆσ δ’ Ἑλλάδοσ ἁπάσησ δουλευούσησ, καὶ τούτων ἁπάντων γεγενημένων σοῦ ἡγουμένου καὶ στρατηγοῦντοσ τολμᾷσ ζῆν καὶ τὸ τοῦ ἡλίου φῶσ ὁρᾶν καὶ εἰσ τὴν ἀγορὰν ἐμβάλλειν, ὑπόμνημα γεγονὼσ αἰσχύνησ καὶ ὀνείδουσ τῇ πατρίδι.

ἴδιον δέ τι συνέβη γενέσθαι κατὰ τοὺσ ὑποκειμένουσ χρόνουσ.

καθ’ ὃν γὰρ καιρὸν ἡ περὶ τὴν Χαιρώνειαν ἐγένετο μάχη, ἑτέρα παράταξισ συνέστη κατὰ τὴν Ἰταλίαν τῇ αὐτῇ ἡμέρᾳ καὶ ὡρ́ᾳ διαπολεμούντων μὲν Ταραντίνων πρὸσ Λευκανούσ, συναγωνιζομένου δὲ τοῖσ Ταραντίνοισ Ἀρχιδάμου τοῦ Λακεδαιμονίων βασιλέωσ, ὅτε συνέβη καὶ αὐτὸν ἀναιρεθῆναι τὸν Ἀρχίδαμον. οὗτοσ μὲν οὖν ἦρξε τῶν Λακεδαιμονίων ἔτη εἴκοσι τρία, τὴν δὲ βασιλείαν διαδεξάμενοσ ὁ υἱὸσ Ἄγισ ἦρξεν ἔτη ἐννέα.

ἅμα δὲ τούτοισ πραττομένοισ Τιμόθεοσ ὁ τῆσ Ἡρακλείασ τῆσ ἐν τῷ Πόντῳ τύραννοσ ἐτελεύτησε δυναστεύσασ ἔτη πεντεκαίδεκα, τὴν δὲ τυραννίδα διαδεξάμενοσ ὁ ἀδελφὸσ Διονύσιοσ ἦρξεν ἔτη δυσὶ πλείω τῶν τριάκοντα.

ἐπ’ ἄρχοντοσ δ’ Ἀθήνησι Φρυνίχου Ῥωμαῖοι κατέστησαν ὑπάτουσ Τῖτον Μάλλιον Τορκουᾶτον καὶ Πόπλιον Δέκιον.

ἐπὶ δὲ τούτων Φίλιπποσ ὁ βασιλεὺσ πεφρονηματισμένοσ τῇ περὶ Χαιρώνειαν νίκῃ καὶ τὰσ ἐπιφανεστάτασ πόλεισ καταπεπληγμένοσ ἐφιλοτιμεῖτο γενέσθαι πάσησ τῆσ Ἑλλάδοσ ἡγεμών. διαδοὺσ δὲ λόγον ὅτι βούλεται πρὸσ Πέρσασ ὑπὲρ τῶν Ἑλλήνων πόλεμον ἄρασθαι καὶ λαβεῖν παρ’ αὐτῶν δίκασ ὑπὲρ τῆσ εἰσ τὰ ἱερὰ γενομένησ παρανομίασ ἰδίουσ τοὺσ Ἕλληνασ ταῖσ εὐνοίαισ ἐποιήσατο.

φιλοφρονούμενοσ δὲ πρὸσ ἅπαντασ καὶ ἰδίᾳ καὶ κοινῇ ταῖσ πόλεσιν ἀπεφαίνετο βούλεσθαι διαλεχθῆναι περὶ τῶν συμφερόντων. διόπερ ἐν Κορίνθῳ τοῦ κοινοῦ συνεδρίου συναχθέντοσ διαλεχθεὶσ περὶ τοῦ πρὸσ Πέρσασ πολέμου καὶ μεγάλασ ἐλπίδασ ὑποθεὶσ προετρέψατο τοὺσ συνέδρουσ εἰσ πόλεμον.

τέλοσ δὲ τῶν Ἑλλήνων ἑλομένων αὐτὸν στρατηγὸν αὐτοκράτορα τῆσ Ἑλλάδοσ μεγάλασ παρασκευὰσ ἐποιεῖτο πρὸσ τὴν ἐπὶ τοὺσ Πέρσασ στρατείαν. διατάξασ δ’ ἑκάστῃ πόλει τὸ πλῆθοσ τῶν εἰσ συμμαχίαν στρατιωτῶν ἐπανῆλθεν εἰσ τὴν Μακεδονίαν. καὶ τὰ μὲν περὶ Φίλιππον ἐν τούτοισ ἦν. κατὰ δὲ τὴν Σικελίαν Τιμολέων ὁ Κορίνθιοσ ἅπαντα τοῖσ Συρακοσίοισ καὶ τοῖσ Σικελιώταισ κατωρθωκὼσ ἐτελεύτησε, στρατηγήσασ ἔτη ὀκτώ.

οἱ δὲ Συρακόσιοι μεγάλωσ ἀποδεδεγμένοι τὸν ἄνδρα διά τε τὴν ἀρετὴν καὶ τὸ μέγεθοσ τῶν εὐεργεσιῶν μεγαλοπρεπῶσ ἔθαψαν αὐτὸν καὶ κατὰ τὴν ἐκφορὰν ἀθροισθέντοσ τοῦ πλήθουσ τόδε τὸ ψήφισμα ἀνηγόρευσεν ὁ Δημήτριοσ ὃσ ἦν μεγαλοφωνότατοσ τῶν τότε κηρύκων· ἐψήφισται ὁ δᾶμοσ τῶν Συρακοσίων Τιμολέοντα Τιμαινέτου Κορίνθιον τόνδε θάπτειν μὲν ἀπὸ διακοσιᾶν μνᾶν, τιμᾶσθαι δὲ εἰσ τὸν ἅπαντα χρόνον ἀγώνεσσι μουσικοῖσ καὶ ἱππικοῖσ καὶ γυμνικοῖσ, ὅτι τοὺσ τυράννουσ καταλύσασ καὶ τοὺσ βαρβάρουσ καταπολεμήσασ καὶ τὰσ μεγίστασ τῶν Ἑλληνίδων πόλεων ἀνοικίσασ αἴτιοσ ἐγενήθη τᾶσ ἐλευθερίασ τοῖσ Σικελιώταισ. περὶ δὲ τοὺσ αὐτοὺσ καιροὺσ Ἀριοβαρζάνησ μὲν ἐτελεύτησεν βασιλεύσασ ἔτη εἴκοσι καὶ ἕξ, τὴν δὲ βασιλείαν διαδεξάμενοσ Μιθριδάτησ ἦρξεν ἔτη πέντε πρὸσ τοῖσ τριάκοντα.

Ῥωμαῖοι δὲ πρὸσ Λατίνουσ καὶ Καμπανοὺσ παραταξάμενοι περὶ πόλιν Σούεσσαν ἐνίκησαν καὶ τῶν ἡττηθέντων μέροσ τῆσ χώρασ ἀφείλοντο. ὁ δὲ κατωρθωκὼσ τὴν μάχην Μάλλιοσ ὁ ὕπατοσ ἐθριάμβευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 87

(디오도로스 시켈로스, Library, book xvi, chapter 87)

상위

목록

SEARCH

MENU NAVIGATION