헬라어 문장 검색 - Διοδορ́Λιβραρψ́9́10́

(디오도로스 시켈로스, Library, book xvi, chapter 11)

τῆσ δὲ πόλεωσ πάσησ μετημφιεσμένησ ἀντὶ τῆσ δουλείασ τὴν ἐλευθερίαν καὶ τὸ σκυθρωπὸν τῆσ τυραννίδοσ εἰσ πανηγυρικὴν ἱλαρότητα τῆσ τύχησ ἀγούσησ πᾶσα οἰκία θυσιῶν καὶ χαρᾶσ ἔγεμε, τῶν ἰδιωτῶν ἐπὶ ταῖσ ἰδίαισ ἑστίαισ θυμιώντων καὶ περὶ μὲν τῶν παρόντων ἀγαθῶν εὐχαριστούντων τοῖσ θεοῖσ, περὶ δὲ τῶν μελλόντων εὐχὰσ ἀγαθὰσ ποιουμένων. ἐγένετο δὲ καὶ τῶν γυναικῶν ἐπὶ ταῖσ ἀνελπίστοισ εὐημερίαισ ὀλολυγμὸσ πολὺσ καὶ καθ’ ἅπασαν τὴν πόλιν συνδρομαί. οὐδεὶσ δ’ ἦν ἐλεύθεροσ, οὐ δοῦλοσ, οὐ ξένοσ, ὃσ οὐκ ἔσπευδεν ἰδεῖν τὸν Δίωνα καὶ τὴν ἀρετὴν τοῦ ἀνδρὸσ πάντεσ ἀπεδέχοντο μειζόνωσ ἢ κατ’ ἄνθρωπον.

καὶ τοῦτ’ εὐλόγωσ ἔπασχον διὰ τὸ μέγεθοσ καὶ παράδοξον τῆσ μεταβολῆσ· πεντηκονταετοῦσ γὰρ δουλείασ πεπειραμένοι καὶ τῆσ ἐλευθερίασ διὰ τὸν χρόνον ἐπιλελησμένοι δι’ ἑνὸσ ἀνδρὸσ ἀρετὴν ἀπελύθησαν τῆσ συμφορᾶσ. Διονύσιοσ δὲ κατὰ τούτουσ τοὺσ καιροὺσ αὐτὸσ μὲν ἔτυχε διατρίβων περὶ Καυλωνίαν τῆσ Ἰταλίασ, Φίλιστον δὲ τὸν στρατηγὸν περὶ τὸν Ἀδρίαν ὄντα μετεπέμψατο μετὰ τῆσ ναυτικῆσ δυνάμεωσ καὶ προσέταξε πλεῖν εἰσ τὰσ Συρακούσσασ.

ἀμφοτέρων δ’ εἰσ τὸν αὐτὸν τόπον ἐλθεῖν σπευδόντων ὁ μὲν Διονύσιοσ ἧκεν εἰσ τὰσ Συρακούσσασ ἡμέραισ ὕστερον ἑπτὰ τῆσ Δίωνοσ καθόδου. εὐθὺσ οὖν καταστρατηγῆσαι βουλόμενοσ τοὺσ Συρακοσίουσ περὶ διαλύσεωσ ἐπρεσβεύετο καὶ πολλὰσ ἐμφάσεισ ἐδίδου παραδώσειν τὴν τυραννίδα τῷ δήμῳ καὶ τῆσ δημοκρατίασ ἀλλάξεσθαι τιμὰσ ἀξιολόγουσ·

ἠξίου τε πρέσβεισ ἀποστεῖλαι πρὸσ αὐτόν, μεθ’ ὧν συνεδρεύσασ καταλύσηται τὸν πόλεμον. οἱ μὲν οὖν Συρακόσιοι μετεωρισθέντεσ ταῖσ ἐλπίσιν ἐξαπέστειλαν πρέσβεισ τοὺσ ἀξιολογωτάτουσ τῶν ἀνδρῶν·

ὁ δὲ Διονύσιοσ τούτοισ μὲν φυλακὴν περιστήσασ ἀνεβάλετο τὴν ἔντευξιν, αὐτὸσ δ’ ὁρῶν τοὺσ Συρακοσίουσ διὰ τὴν ἐλπίδα τῆσ εἰρήνησ τά τε περὶ τὰσ φυλακὰσ ῥᾳθύμωσ ἔχοντασ καὶ τὰ πρὸσ μάχην ἀπαρασκεύουσ ἄφνω τὰσ πύλασ τῆσ κατὰ τὴν Νῆσον ἀκροπόλεωσ ἀνοίξασ ἐξεχύθη συντεταγμένῃ τῇ δυνάμει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 11

(디오도로스 시켈로스, Library, book xvi, chapter 11)

상위

목록

SEARCH

MENU NAVIGATION