Diodorus Siculus, Library, book xvi, chapter 19

(디오도로스 시켈로스, Library, book xvi, chapter 19)

Νύψιοσ δ’ ὁ τῶν μισθοφόρων στρατηγὸσ ἀναλαβεῖν καὶ ἀναμαχέσασθαι βουλόμενοσ τὴν ἧτταν νυκτὸσ ἐκτεταγμένῃ τῇ δυνάμει παραδόξωσ προσέπεσε τῷ κατεσκευασμένῳ τείχει. εὑρὼν δὲ τοὺσ φύλακασ διὰ τὴν καταφρόνησιν καὶ μέθην εἰσ ὕπνον τετραμμένουσ προσέθηκε τὰσ παρεσκευασμένασ κλίμακασ πρὸσ τὴν χρείαν. διὰ δὲ τούτων οἱ κράτιστοι τῶν μισθοφόρων ἀνέβησαν ἐπὶ τὸ τεῖχοσ καὶ τοὺσ φύλακασ φονεύσαντεσ ἀνέῳξαν τὰσ πύλασ.

εἰσπεσόντων δὲ τῶν στρατιωτῶν εἰσ τὴν πόλιν οἱ μὲν στρατηγοὶ τῶν Συρακοσίων ἐκ τῆσ μέθησ ἀνανήφοντεσ ἐπειρῶντο βοηθεῖν, ἐμποδιζόμενοι δὲ τὰσ ὁρμὰσ διὰ τὸν οἶνον οἱ μὲν ἀνῃρέθησαν, οἱ δ’ ἔφυγον. κατειλημμένησ δὲ τῆσ πόλεωσ καὶ τῶν ἐκ τῆσ ἀκροπόλεωσ στρατιωτῶν σχεδὸν ἁπάντων εἰσπεσόντων ἐντὸσ τοῦ περιτειχίσματοσ, τῶν δὲ Συρακοσίων διὰ τὸ παράδοξον καὶ τὴν ἀταξίαν ἐκπεπληγμένων πολὺσ ἐγίνετο φόνοσ. τῶν δὲ τοῦ τυράννου στρατιωτῶν πλειόνων ἢ μυρίων ὄντων καὶ συντεταγμένων καλῶσ οὐδεὶσ τὸ βάροσ αὐτῶν ὑπομεῖναι δυνατὸσ ἦν, ἅτε τοῦ θορύβου καὶ τῆσ ταραχῆσ, ἔτι δὲ ἀναρχίασ τοὺσ ἐλαττουμένουσ ἐμποδιζούσησ.

κρατηθείσησ δὲ τῆσ ἀγορᾶσ ὑπὸ τῶν πολεμίων, εὐθὺσ ἐπὶ τὰσ οἰκίασ οἱ νενικηκότεσ ὡρ́μησαν·

καὶ πολλὰ μὲν χρήματα διεφορεῖτο, οὐκ ὀλίγα δὲ σώματα γυναικῶν καὶ παίδων, ἔτι δ’ οἰκετῶν ἐξηνδραποδίζετο. κατὰ δὲ τοὺσ στενωποὺσ καὶ τὰσ ἄλλασ ὁδοὺσ ἀντιταττομένων Συρακοσίων ἐγίνοντο συνεχεῖσ συμπλοκαὶ καὶ πολλοὶ μὲν ἀπέθνησκον, οὐκ ὀλίγοι δὲ τραύμασι περιέπιπτον. τὴν μὲν οὖν νύκτα διετέλεσαν ἀλλήλουσ ἀναιροῦντεσ ὡσ ἔτυχε διὰ τὸ σκότοσ καὶ πᾶσ τόποσ νεκρῶν ἔγεμεν.

일치하는 문장이 없습니다.

SEARCH

MENU NAVIGATION