Diodorus Siculus, Library, book xvi, chapter 35

(디오도로스 시켈로스, Library, book xvi, chapter 35)

μετὰ δὲ ταῦθ’ ὁ Φίλιπποσ ὑπὸ Θετταλῶν μετακληθεὶσ ἧκεν εἰσ Θετταλίαν μετὰ τῆσ δυνάμεωσ, καὶ τὸ μὲν πρῶτον πρὸσ Λυκόφρονα τὸν Φερῶν τύραννον διεπολέμει βοηθῶν τοῖσ Θετταλοῖσ· μετὰ δὲ ταῦτα τοῦ Λυκόφρονοσ μεταπεμψαμένου παρὰ τῶν Φωκέων συμμαχίαν ἀπεστάλη Φάυλλοσ ὁ ἀδελφὸσ Ὀνομάρχου μετὰ στρατιωτῶν ἑπτακισχιλίων. ὁ δὲ Φίλιπποσ τοὺσ Φωκεῖσ νικήσασ ἐξέβαλεν ἐκ τῆσ Θετταλίασ. Ὀνόμαρχοσ δ’ ἀναλαβὼν πᾶσαν τὴν δύναμιν καὶ νομίζων ὅλησ τῆσ Θετταλίασ κυριεύσειν ἧκεν ἐν τάχει βοηθήσων τοῖσ περὶ τὸν Λυκόφρονα.

τοῦ δὲ Φιλίππου μετὰ τῶν Θετταλῶν ἀντιπαραταξαμένου τοῖσ Φωκεῦσιν Ὀνόμαρχοσ ὑπερέχων τοῖσ πλήθεσι δυσὶ μάχαισ ἐνίκησε καὶ πολλοὺσ τῶν Μακεδόνων ἀνεῖλεν. Φίλιπποσ δ’ εἰσ τοὺσ ἐσχάτουσ κινδύνουσ περικλεισθεὶσ καὶ τῶν στρατιωτῶν διὰ τὴν ἀθυμίαν καταλιπόντων αὐτὸν παραθαρσύνασ τὸ πλῆθοσ μόγισ ἐποίησεν αὐτοὺσ εὐπειθεῖσ. μετὰ δὲ ταῦτα ὁ Φίλιπποσ μὲν ἀνεχώρησεν εἰσ Μακεδονίαν, Ὀνόμαρχοσ δὲ στρατεύσασ εἰσ Βοιωτίαν ἐνίκησε μάχῃ τοὺσ Βοιωτοὺσ καὶ πόλιν εἷλε Κορώνειαν.

κατὰ δὲ τὴν Θετταλίαν Φίλιπποσ μὲν ἐκ τῆσ Μακεδονίασ μετὰ τῆσ δυνάμεωσ ἄρτι κατηντηκὼσ ἐστράτευσεν ἐπὶ Λυκόφρονα τὸν Φερῶν τύραννον. οὗτοσ δ’ οὐκ ὢν ἀξιόμαχοσ μετεπέμψατο συμμαχίαν παρὰ Φωκέων, ἐπαγγελλόμενοσ συγκατασκευάσειν αὐτοῖσ τὰ κατὰ τὴν Θετταλίαν.

διόπερ Ὀνομάρχου σπουδῇ βοηθήσαντοσ μετὰ πεζῶν δισμυρίων καὶ πεντακοσίων ἱππέων ὁ μὲν Φίλιπποσ πείσασ τοὺσ Θετταλοὺσ κοινῇ τὸν πόλεμον ἄρασθαι συνήγαγε τοὺσ πάντασ πεζοὺσ μὲν ὑπὲρ τοὺσ δισμυρίουσ, ἱππεῖσ δὲ τρισχιλίουσ. γενομένησ δὲ παρατάξεωσ ἰσχυρᾶσ καὶ τῶν Θετταλῶν ἱππέων τῷ πλήθει καὶ ταῖσ ἀρεταῖσ διαφερόντων ἐνίκησεν ὁ Φίλιπποσ.

τῶν δὲ περὶ τὸν Ὀνόμαρχον καταφυγόντων εἰσ τὴν θάλατταν καὶ τυχικῶσ παραπλέοντοσ τοῦ Ἀθηναίου Χάρητοσ μετὰ πολλῶν τριήρων πολὺσ ἐγένετο φόνοσ τῶν Φωκέων· οἱ γὰρ φεύγοντεσ ῥίψαντεσ τὰσ πανοπλίασ διενήχοντο πρὸσ τὰσ τριήρεισ, ἐν οἷσ ἦν καὶ αὐτὸσ Ὀνόμαρχοσ. τέλοσ δὲ τῶν Φωκέων καὶ μισθοφόρων ἀνῃρέθησαν μὲν ὑπὲρ τοὺσ ἑξακισχιλίουσ, ἐν οἷσ ἦν καὶ αὐτὸσ ὁ στρατηγόσ, ἥλωσαν δὲ οὐκ ἐλάττουσ τῶν τρισχιλίων.

ὁ δὲ Φίλιπποσ τὸν μὲν Ὀνόμαρχον ἐκρέμασε, τοὺσ δ’ ἄλλουσ ὡσ ἱεροσύλουσ κατεπόντισεν.

일치하는 문장이 없습니다.

SEARCH

MENU NAVIGATION