Diodorus Siculus, Library, book xvi, chapter 64

(디오도로스 시켈로스, Library, book xvi, chapter 64)

οἱ μὲν οὖν τῆσ ἱεροσυλίασ μετασχόντεσ τοῦτον τὸν τρόπον ὑπὸ τοῦ δαιμονίου τιμωρίασ ἠξιώθησαν. αἱ δ’ ἐπισημόταται πόλεισ κοινωνήσασαι τῆσ παρανομίασ ὕστερον ὑπ’ Ἀντιπάτρου καταπολεμηθεῖσαι τὴν ἡγεμονίαν ἅμα καὶ τὴν ἐλευθερίαν ἀπέβαλον. αἱ δὲ τῶν ἐν Φωκεῦσιν ἡγεμόνων γυναῖκεσ περιθέμεναι τοὺσ χρυσοῦσ ἐκ Δελφῶν ὁρ́μουσ οἰκείασ τῆσ ἀσεβείασ τιμωρίασ ἔτυχον·

ἡ μὲν γὰρ τὸν τῆσ Ἑλένησ γεγενημένον φορέσασα εἰσ ἑταιρικὴν αἰσχύνην ἐνέπεσε καὶ τὸ κάλλοσ προέβαλε τοῖσ ἐξυβρίζειν προαιρουμένοισ, ἡ δὲ τὸν τῆσ Ἐριφύλησ περιθεμένη τῆσ οἰκίασ ὑπὸ τοῦ πρεσβυτάτου τῶν υἱῶν ὑπὸ μανίασ ἐμπυρισθείσησ μετὰ ταύτησ ζῶσα κατεφλέχθη. οἱ μὲν οὖν τοῦ δαιμονίου καταφρονεῖν τολμήσαντεσ τὸν εἰρημένον τρόπον ὑπὸ τῶν θεῶν τιμωρίασ ἠξιώθησαν, ὁ δὲ τῷ μαντείῳ βοηθήσασ Φίλιπποσ ἀπὸ τούτων τῶν χρόνων ἀεὶ μᾶλλον αὐξόμενοσ τὸ τελευταῖον διὰ τὴν εἰσ τὸ θεῖον εὐσέβειαν ἡγεμὼν ἀπεδείχθη τῆσ Ἑλλάδοσ πάσησ καὶ μεγίστην βασιλείαν τῶν κατὰ τὴν Εὐρώπην περιεποιήσατο. ἡμεῖσ δὲ ἀρκούντωσ διεληλυθότεσ τὸν ἱερὸν πόλεμον ἐπάνιμεν ἐπὶ τὰσ ἑτερογενεῖσ πράξεισ.

일치하는 문장이 없습니다.

SEARCH

MENU NAVIGATION