헬라어 문장 검색 - Διοδορ́Λιβραρψ́9́52́

(디오도로스 시켈로스, Library, book xvi, chapter 67)

Καρχηδόνιοι δὲ βραχὺ πρὸ τούτων τῶν καιρῶν πυθόμενοι τὸ μέγεθοσ τοῦ κατὰ Σικελίαν ἐσομένου πολέμου ταῖσ μὲν κατὰ Σικελίαν συμμαχίσι πόλεσι φιλανθρώπωσ προσεφέροντο καὶ πρὸσ τοὺσ κατὰ τὴν νῆσον τυράννουσ τὴν διαφορὰν καταλύσαντεσ φιλίαν συνέθεντο, μάλιστα δὲ πρὸσ Ἱκέταν τὸν τῶν Συρακοσίων δυναστεύοντα διὰ τὸ τοῦτον πλεῖον ἰσχύειν, αὐτοὶ δὲ πολλὴν δύναμιν ναυτικήν τε καὶ πεζικὴν παρασκευασάμενοι διεβίβασαν εἰσ Σικελίαν, Ἄννωναστρατηγὸν ἐπιστήσαντεσ. εἶχον δὲ μακρὰσ ναῦσ ἑκατὸν καὶ πεντήκοντα, στρατιώτασ δὲ πεζοὺσ μὲν πεντακισμυρίουσ, ἁρ́ματα δὲ τριακόσια, συνωρίδασ δὲ ὑπὲρ τὰσ δισχιλίασ, χωρὶσ δὲ τούτων ὅπλα καὶ βέλη παντοδαπὰ καὶ μηχανὰσ πολιορκητικὰσ παμπληθεῖσ καὶ σίτου καὶ τῶν ἄλλων ἐπιτηδείων πλῆθοσ ἀνυπέρβλητον.

ἐπὶ πρώτην δὲ τὴν τῶν Ἐντελλίνων πόλιν ἐλθόντεσ τήν τε χώραν ἐδῄωσαν καὶ τοὺσ ἐγχωρίουσ εἰσ πολιορκίαν συνέκλεισαν.

οἱ δὲ τὴν πόλιν κατοικοῦντεσ Καμπανοὶ καταπλαγέντεσ τὸ μέγεθοσ τῆσ δυνάμεωσ ἐξέπεμψαν εἰσ τὰσ ἄλλασ πόλεισ τὰσ ἀλλοτρίωσ διακειμένασ πρὸσ Καρχηδονίουσ περὶ βοηθείασ. τῶν μὲν οὖν ἄλλων οὐδεὶσ ὑπήκουσεν, οἱ δὲ τὴν Γαλερίαν πόλιν οἰκοῦντεσ ἐξέπεμψαν αὐτοῖσ στρατιώτασ ὁπλίτασ χιλίουσ. τούτοισ δ’ ὑπαντήσαντεσ οἱ Φοίνικεσ καὶ περιχυθέντεσ τῷ πλήθει πάντασ κατέκοψαν. οἱ δὲ τὴν Αἴτνην κατοικοῦντεσ Καμπανοὶ τὸ μὲν πρῶτον παρεσκευάζοντο συμμαχίαν ἐκπέμπειν εἰσ τὴν Ἔντελλαν διὰ τὴν συγγένειαν, μετὰ δὲ ταῦτα τὴν τῶν Γαλερίνων συμφορὰν ἀκούσαντεσ ἔκριναν ἡσυχίαν ἄγειν.

τοῦ δὲ Διονυσίου κυριεύοντοσ τῶν Συρακουσσῶν Ἱκέτασ ἔχων περὶ ἑαυτὸν ἀξιόλογον δύναμιν ἐστράτευσεν ἐπὶ τὰσ Συρακούσσασ καὶ τὸ μὲν πρῶτον χάρακα βαλόμενοσ περὶ τὸ Ὀλυμπιεῖον διεπολέμει τῷ κρατοῦντι τῆσ πόλεωσ τυράννῳ, χρονιζούσησ δὲ τῆσ πολιορκίασ καὶ τῶν ἐπιτηδείων ἐκλιπόντων ὁ μὲν Ἱκέτασ ἀνέζευξεν εἰσ Λεοντίνουσ ἐκ ταύτησ γὰρ ὡρμᾶτο τῆσ πόλεωσ·

ὁ δὲ Διονύσιοσ ἐπακολουθήσασ αὐτοῖσ καὶ καταλαβὼν τὴν οὐραγίαν συνεστήσατο μάχην.

ὁ δ’ Ἱκέτασ ἐπιστρέψασ ἐπὶ τὸν Διονύσιον συνῆψε μάχην καὶ πλείουσ τῶν τρισχιλίων μισθοφόρων ἀνελὼν τοὺσ λοιποὺσ φυγεῖν ἠνάγκασεν.

ὀξεῖ δὲ τῷ διωγμῷ χρησάμενοσ καὶ συνεισπεσὼν τοῖσ φεύγουσιν εἰσ τὴν πόλιν ἐκράτησε τῶν Συρακουσσῶν πλὴν τῆσ Νήσου. καὶ τὰ μὲν περὶ τὸν Ἱκέταν καὶ Διονύσιον ἐν τούτοισ ἦν. Τιμολέων δὲ μετὰ τὴν κατάληψιν τῶν Συρακουσσῶν τρισὶν ἡμέραισ ὕστερον κατέπλευσεν εἰσ τὸ Ῥήγιον καὶ καθωρμίσθη πλησίον τῆσ πόλεωσ.

ἐπικαταπλευσάντων δὲ καὶ τῶν Καρχηδονίων εἴκοσι τριήρεσι καὶ τῶν Ῥηγίνων συνεργούντων τῷ Τιμολέοντι καὶ κοινὴν ἐκκλησίαν ἐν τῇ πόλει συναγαγόντων καὶ περὶ συλλύσεωσ δημηγορούντων οἱ μὲν Καρχηδόνιοι διαλαβόντεσ τὸν Τιμολέοντα πεισθήσεσθαι τὸν εἰσ Κόρινθον ἀπόπλουν ποιήσασθαι ῥᾳθύμωσ εἶχον τὰ κατὰ τὰσ φυλακάσ, ὁ δὲ Τιμολέων οὐδεμίαν ἔμφασιν διδοὺσ τοῦ δρασμοῦ αὐτὸσ μὲν πλησίον τοῦ βήματοσ ἔμεινε, λάθρᾳ δὲ παρήγγειλε τὰσ ἐννέα ναῦσ ἀποπλεῦσαι τὴν ταχίστην.

περισπωμένων δὲ τῶν Καρχηδονίων ταῖσ ψυχαῖσ περὶ τοὺσ ἐγκαθέτωσ δημηγοροῦντασ μακρῶσ τῶν Ῥηγίνων ἔλαθεν ὁ Τιμολέων διαδρὰσ ἐπὶ τὴν ὑπολελειμμένην ναῦν καὶ ταχέωσ ἐξέπλευσεν.

οἱ δὲ Καρχηδόνιοι καταστρατηγηθέντεσ ἐπεβάλοντο διώκειν τοὺσ περὶ τὸν Τιμολέοντα. ἐκείνων δὲ προειληφότων ἱκανὸν διάστημα καὶ τῆσ νυκτὸσ ἐπιλαβούσησ ἔφθασαν οἱ περὶ τὸν Τιμολέοντα ἀποπλεύσαντεσ εἰσ τὸ Ταυρομένιον.

ὁ δὲ τῆσ πόλεωσ ταύτησ ἡγούμενοσ, διὰ παντὸσ πεφρονηκὼσ τὰ τῶν Συρακοσίων, Ἀνδρόμαχοσ, φιλοφρόνωσ ὑπεδέξατο τοὺσ διωκομένουσ καὶ πολλὰ συνεβάλετο πρὸσ τὴν σωτηρίαν αὐτῶν.

μετὰ δὲ ταῦτα ὁ μὲν Ἱκέτασ ἀναλαβὼν τῶν στρατιωτῶν τοὺσ ἀρίστουσ πεντακισχιλίουσ ἐστράτευσεν ἐπὶ τοὺσ Ἀδρανίτασ ἀντιπράττοντασ αὐτῷ καὶ πλησίον τῆσ πόλεωσ κατεστρατοπέδευσεν·

ὁ δὲ Τιμολέων προσλαβόμενοσ παρὰ τῶν Ταυρομενίων στρατιώτασ ἀνέζευξεν ἐκ τοῦ Ταυρομενίου, τοὺσ ἅπαντασ ἔχων οὐ πλείουσ τῶν χιλίων. ἀρχομένησ δὲ τῆσ νυκτὸσ ἀφορμήσασ καὶ διανύσασ ἐπὶ τὸ Ἄδρανον δευτεραῖοσ ἀνελπίστωσ ἐπέθετο τοῖσ περὶ τὸν Ἱκέταν δειπνοποιουμένοισ·

παρεισπεσὼν δ’ εἰσ τὴν παρεμβολὴν καὶ φονεύσασ πλείουσ τῶν τριακοσίων, ζωγρήσασ δὲ περὶ ἑξακοσίουσ τῆσ παρεμβολῆσ ἐκράτησε. τούτῳ δὲ τῷ στρατηγήματι ἕτερον ἐπεισάγων παραχρῆμα ἐπὶ τὰσ Συρακούσσασ ἀφώρμησε καὶ δρομαῖοσ τὴν ὁδὸν διανύσασ ἀπροσδοκήτωσ προσέπεσε ταῖσ Συρακούσσαισ, καταταχήσασ τοὺσ ἀπὸ τῆσ τροπῆσ φεύγοντασ.

ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησι Λυκίσκου Ῥωμαῖοι κατέστησαν ὑπάτουσ Μάρκον Οὐαλέριον καὶ Μάρκον Ποπίλιον, Ὀλυμπιὰσ δ’ ἤχθη ἑκατοστὴ καὶ ἐνάτη, καθ’ ἣν ἐνίκα στάδιον Ἀριστόλοχοσ Ἀθηναῖοσ.

ἐπὶ δὲ τούτων Ῥωμαίοισ μὲν πρὸσ Καρχηδονίουσ πρῶτον συνθῆκαι ἐγένοντο. κατὰ δὲ τὴν Καρίαν Ἰδριεὺσ ὁ δυνάστησ τῶν Καρῶν ἐτελεύτησεν ἄρξασ ἔτη ἑπτά, τὴν δὲ ἀρχὴν διαδεξαμένη Ἄδα ἡ ἀδελφὴ καὶ γυνὴ ἐδυνάστευσεν ἔτη τέσσαρα.

κατὰ δὲ τὴν Σικελίαν Τιμολέων μὲν Ἀδρανίτασ καὶ Τυνδαρίτασ εἰσ συμμαχίαν προσλαβόμενοσ στρατιώτασ οὐκ ὀλίγουσ παρ’ αὐτῶν παρέλαβεν, ἐν δὲ ταῖσ Συρακούσσαισ πολλὴ ταραχὴ κατεῖχε τὴν πόλιν Διονυσίου μὲν τὴν Νῆσον ἔχοντοσ, Ἱκέτα δὲ τῆσ Ἀχραδινῆσ καὶ Νέασ πόλεωσ κυριεύοντοσ, Τιμολέοντοσ δὲ τὰ λοιπὰ τῆσ πόλεωσ παρειληφότοσ, καὶ Καρχηδονίων τριήρεσι μὲν ἑκατὸν καὶ πεντήκοντα καταπεπλευκότων εἰσ τὸν μέγαν λιμένα, πεζοῖσ δὲ στρατιώταισ πεντακισμυρίοισ κατεστρατοπεδευκότων.

διόπερ τῶν περὶ τὸν Τιμολέοντα καταπεπληγμένων τὸ πλῆθοσ τῶν πολεμίων ἄλογόσ τισ καὶ παράδοξοσ ἐγένετο μεταβολή· πρῶτον μὲν γὰρ Μάρκοσ ὁ τῶν Καταναίων τύραννοσ δύναμιν ἀξιόλογον ἔχων προσέθετο τῷ Τιμολέοντι, ἔπειτα πολλὰ τῶν φρουρίων ὀρεγόμενα τῆσ ἐλευθερίασ ἀπέκλινε πρὸσ αὐτόν, τὸ δὲ τελευταῖον Κορίνθιοι δέκα ναῦσ πληρώσαντεσ χρήματά τε πορίσαντεσ ἐξαπέστειλαν εἰσ τὰσ Συρακούσσασ.

ὧν πραχθέντων Τιμολέων μὲν ἐθάρρησεν, οἱ δὲ Καρχηδόνιοι φοβηθέντεσ ἀπέπλευσαν ἐκ τοῦ λιμένοσ ἀλόγωσ καὶ μετὰ πάσησ τῆσ δυνάμεωσ εἰσ τὴν ἰδίαν ἐπικράτειαν ἀπηλλάγησαν.

μονωθέντοσ δὲ τοῦ Ἱκέτα Τιμολέων περιγενόμενοσ τῶν πολεμίων ἐκράτησε τῶν Συρακουσσῶν.

εὐθὺσ δὲ καὶ τὴν Μεσσήνην μετατεθειμένην πρὸσ Καρχηδονίουσ ἀνεκτήσατο. καὶ τὰ μὲν κατὰ Σικελίαν ἐν τούτοισ ἦν.

κατὰ δὲ τὴν Μακεδονίαν Φίλιπποσ πατρικὴν ἔχθραν διαδεδεγμένοσ πρὸσ Ἰλλυριοὺσ καὶ τὴν διαφορὰν ἀμετάθετον ἔχων ἐνέβαλεν εἰσ τὴν Ἰλλυρίδα μετὰ πολλῆσ δυνάμεωσ. πορθήσασ δὲ τὴν χώραν καὶ πολλὰ τῶν πολισμάτων χειρωσάμενοσ μετὰ πολλῶν λαφύρων ἐπανῆλθεν εἰσ τὴν Μακεδονίαν. μετὰ δὲ ταῦτα παρελθὼν εἰσ τὴν Θετταλίαν καὶ τοὺσ τυράννουσ ἐκ τῶν πόλεων ἐκβαλὼν ἰδίουσ ταῖσ εὐνοίαισ ἐποιήσατο τοὺσ Θετταλούσ·

ἤλπιζε γὰρ τούτουσ ἔχων συμμάχουσ καὶ τοὺσ Ἕλληνασ ῥᾳδίωσ εἰσ εὔνοιαν προτρέψασθαι· ὅπερ καὶ συνέβη γενέσθαι. εὐθὺσ γὰρ οἱ πλησιόχωροι τῶν Ἑλλήνων συνενεχθέντεσ τῇ τῶν Θετταλῶν κρίσει συμμαχίαν προθύμωσ πρὸσ αὐτὸν ἐποιήσαντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 67

(디오도로스 시켈로스, Library, book xvi, chapter 67)

상위

목록

SEARCH

MENU NAVIGATION