헬라어 문장 검색 - Διοδορ́Λιβραρψ́9́06́

(디오도로스 시켈로스, Library, book xvi, chapter 7)

ἅμα δὲ τούτοισ πραττομένοισ Ἀνδρόμαχοσ ὁ Ταυρομενίτησ, Τιμαίου μὲν τοῦ τὰσ ἱστορίασ συγγράψαντοσ πατὴρ ὤν, πλούτῳ δὲ καὶ ψυχῆσ λαμπρότητι διαφέρων ἤθροισε τοὺσ ἐκ τῆσ Νάξου τῆσ κατασκαφείσησ ὑπὸ Διονυσίου περιλειφθέντασ. οἰκίσασ δὲ τὸν ὑπὲρ τῆσ Νάξου λόφον τὸν ὀνομαζόμενον Ταῦρον καὶ μείνασ κατ’ αὐτὸν πλείω χρόνον ἀπὸ τῆσ ἐπὶ τοῦ Ταύρου μονῆσ ὠνόμασε Ταυρομένιον. ταχὺ δὲ τῆσ πόλεωσ ἐπίδοσιν λαμβανούσησ οἱ μὲν οἰκήτορεσ μεγάλουσ περιεποιήσαντο πλούτουσ, ἡ δὲ πόλισ ἀξιόλογον ἀξίωμα περιποιησαμένη τὸ τελευταῖον ἐν τῷ καθ’ ἡμᾶσ βίῳ Καίσαροσ ἀναστήσαντοσ τοὺσ Ταυρομενίτασ ἐκ τῆσ πατρίδοσ τῶν Ῥωμαίων ἀποικίαν ἐδέξατο. ἅμα δὲ τούτοισ πραττομένοισ οἱ τὴν Εὔβοιαν κατοικοῦντεσ ἐστασίασαν πρὸσ ἀλλήλουσ καὶ τῶν μὲν τοὺσ Βοιωτούσ, τῶν δὲ τοὺσ Ἀθηναίουσ ἐπικαλεσαμένων συνέστη πόλεμοσ κατὰ τὴν Εὔβοιαν.

γενομένων δὲ πλειόνων συμπλοκῶν καὶ ἀκροβολισμῶν ὁτὲ μὲν οἱ Θηβαῖοι προετέρουν, ὁτὲ δ’ οἱ Ἀθηναῖοι τὴν νίκην ἀπεφέροντο. μεγάλη μὲν οὖν παράταξισ οὐδεμία συνετελέσθη· τῆσ δὲ νήσου διὰ τὸν ἐμφύλιον πόλεμον καταφθαρείσησ καὶ πολλῶν ἀνθρώπων παρ’ ἀμφοτέρων διαφθαρέντων μόγισ ταῖσ συμφοραῖσ νουθετηθέντεσ εἰσ ὁμόνοιαν ἦλθον καὶ τὴν εἰρήνην συνέθεντο πρὸσ ἀλλήλουσ. οἱ μὲν οὖν Βοιωτοὶ τὴν εἰσ οἶκον ἐπάνοδον ποιησάμενοι τὴν ἡσυχίαν ἦγον.

οἱ δ’ Ἀθηναῖοι Χίων καὶ Ῥοδίων καὶ Κῴων, ἔτι δὲ Βυζαντίων ἀποστάντων ἐνέπεσον εἰσ πόλεμον τὸν ὀνομασθέντα συμμαχικόν, ὃσ διέμεινεν ἔτη τρία.

ἑλόμενοι δὲ στρατηγοὺσ Χάρητα καὶ Χαβρίαν ἀπέστειλαν μετὰ δυνάμεωσ. οὗτοι δὲ πλεύσαντεσ ἐπὶ τὴν Χίον κατέλαβον παραγεγονότασ συμμάχουσ τοῖσ Χίοισ παρὰ Βυζαντίων καὶ Ῥοδίων καὶ Κῴων, ἔτι δὲ Μαυσώλου τοῦ Καρῶν δυνάστου. ἐκτάξαντεσ δὲ τὴν δύναμιν ἐπολιόρκουν τὴν πόλιν κατὰ γῆν ἅμα καὶ κατὰ θάλατταν. ὁ μὲν οὖν Χάρησ τοῦ πεζοῦ στρατεύματοσ ἡγούμενοσ κατὰ γῆν προσῄει τοῖσ τείχεσι καὶ πρὸσ τοὺσ ἐκ τῆσ πόλεωσ ἐκχυθέντασ ἐπ’ αὐτὸν διηγωνίζετο· ὁ δὲ Χαβρίασ προσπλεύσασ τῷ λιμένι ναυμαχίαν καρτερὰν συνεστήσατο καὶ τῆσ νεὼσ τοῖσ ἐμβόλοισ ἀναρραγείσησ κατεπονεῖτο. οἱ μὲν οὖν ἐπὶ τῶν ἄλλων νεῶν εἴξαντεσ τῷ καιρῷ διεσώθησαν, ὁ δ’ ἀντὶ τῆσ ἥττησ ἀλλαξάμενοσ τὸν εὐκλεᾶ θάνατον ἀγωνιζόμενοσ ὑπὲρ τῆσ νεὼσ καὶ τρωθεὶσ ἐτελεύτησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 7

(디오도로스 시켈로스, Library, book xvi, chapter 7)

상위

목록

SEARCH

MENU NAVIGATION