헬라어 문장 검색 - Διοδορ́Λιβραρψ́9́05́

(디오도로스 시켈로스, Library, book xvi, chapter 6)

ἐπ’ ἄρχοντοσ γὰρ Ἀθήνησι Κηφισοδότου Ῥωμαῖοι κατέστησαν ὑπάτουσ Γάιον Λικίνιον καὶ Γάιον Σουλπίκιον. ἐπὶ δὲ τούτων Δίων ὁ Ἱππαρίνου, Συρακοσίων ὑπάρχων ἐπιφανέστατοσ, ἔφυγεν ἐκ τῆσ Σικελίασ καὶ διὰ τὴν λαμπρότητα τῆσ ψυχῆσ ἠλευθέρωσε Συρακοσίουσ καὶ τοὺσ ἄλλουσ Σικελιώτασ διὰ τοιαύτασ τινὰσ αἰτίασ. ὁ πρεσβύτεροσ Διονύσιοσ ἐκ δυεῖν γυναικῶν ἦν πεπαιδοποιημένοσ, ἐκ μὲν τῆσ πρώτησ Λοκρίδοσ οὔσησ τὸ γένοσ Διονύσιον τὸν διαδεξάμενον τὴν τυραννίδα, ἐκ δὲ τῆσ δευτέρασ Ἱππαρίνου θυγατρὸσ οὔσησ, εὐδοκιμωτάτου Συρακοσίων, δύο παῖδασ, Ἱππαρῖνον καὶ Νυσαῖον.

ἐτύγχανε δὲ τῆσ δευτέρασ γυναικὸσ ἀδελφὸσ ὢν Δίων, ἀνὴρ ἐν φιλοσοφίᾳ μεγάλην ἔχων προκοπὴν καὶ κατ’ ἀνδρείαν καὶ στρατηγίαν πολὺ προέχων τῶν κατ’ αὐτὸν Συρακοσίων.

οὗτοσ δὲ διὰ τὴν εὐγένειαν καὶ τὴν λαμπρότητα τῆσ ψυχῆσ εἰσ ὑποψίαν ἦλθε τῷ τυράννῳ, δόξασ ἀξιόχρεωσ εἶναι καταλῦσαι τὴν τυραννίδα.

φοβούμενοσ οὖν αὐτὸν ὁ Διονύσιοσ ἔκρινεν ἐκποδὼν ποιήσασθαι τὸν ἄνδρα, συλλαβὼν ἐπὶ θανάτῳ. ὁ δὲ Δίων αἰσθόμενοσ τὸ μὲν πρῶτον ἐκρύφθη παρά τισιν τῶν φίλων, μετὰ δὲ ταῦτα ἔφυγεν ἐκ τῆσ Σικελίασ εἰσ Πελοπόννησον, ἔχων μεθ’ ἑαυτοῦ τὸν ἀδελφὸν Μεγακλῆν καὶ Ἡρακλείδην τὸν ἐπὶ τῶν στρατιωτῶν τεταγμένον ὑπὸ τοῦ τυράννου. καταπλεύσασ δ’ εἰσ τὴν Κόρινθον τοὺσ μὲν Κορινθίουσ ἠξίου συνεπιλαβέσθαι τῆσ ἐλευθερώσεωσ τῶν Συρακοσίων, αὐτὸσ δὲ μισθοφόρουσ συνῆγε καὶ πανοπλίασ συνήθροιζε.

ταχὺ δὲ πολλῶν ὑπακουόντων πανοπλίασ τε παρεσκευάζετο καὶ μισθοφόρουσ συχνούσ, καὶ φορτηγοὺσ δύο ναῦσ μισθωσάμενοσ τά τε ὅπλα καὶ τοὺσ μισθοφόρουσ ἐνθέμενοσ αὐτὸσ μὲν ταύτασ τὰσ φορτίδασ ἔχων ἐξέπλευσεν ἐκ Ζακύνθου τῆσ πρὸσ Κεφαλληνίαν εἰσ τὴν Σικελίαν, Ἡρακλείδην δὲ ἀπέλιπεν τριήρεισ τινὰσ καὶ ἑτέρασ φορτηγοὺσ ἄξοντα κατόπιν εἰσ τὰσ Συρακούσσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 6

(디오도로스 시켈로스, Library, book xvi, chapter 6)

상위

목록

SEARCH

MENU NAVIGATION