헬라어 문장 검색 - Πλυταρ́Δεξομμύ27́

(플루타르코스, De communibus notitiis adversus Stoicos, section 27)

ἐπεὶ δ’ ἐνταῦθα λόγου γεγόναμεν, τί ἂν φαίησ μᾶλλον εἶναι παρὰ τὴν ἔννοιαν ἢ τὸ μὴ λαβόντασ ἔννοιαν ἀγαθοῦ μηδὲ σχόντασ, ἐφίεσθαι τἀγαθοῦ καὶ διώκειν; ὁρᾷσ γὰρ ὅτι καὶ Χρύσιπποσ εἰσ ταύτην μᾶλλον συνελαύνει τὸν Ἀρίστωνα τὴν ἀπορίαν, ὡσ τῶν πραγμάτων οὐ διδόντων τὴν πρὸσ τὸ μήτ’ ἀγαθὸν μήτε κακὸν ἀδιαφορίαν ἐπινοῆσαι τἀγαθοῦ καὶ τοῦ κακοῦ μὴ προεπινοηθέντων·

οὕτω γὰρ αὑτῆσ φανεῖσθαι τὴν ἀδιαφορίαν προϋφισταμένην, εἰ νόησιν μὲν αὐτῆσ οὐκ ἔστι λαβεῖν, μὴ πρότερον τἀγαθοῦ νοηθέντοσ, ἄλλο δ’ οὐδὲν ἀλλ’ αὐτὴ μόνον τάγαθόν ἐστιν.

ἴθι δὲ καὶ σκόπει τὴν ἐκ τῆσ Στοᾶσ ταύτην ἀρνουμένην ἀδιαφορίαν καλουμένην δ’ ὁμολογίαν, ὅπωσ δὴ καὶ ὁπόθεν παρέσχεν αὑτὴν ἀγαθὸν νοηθῆναι.

εἰ γὰρ τἀγαθοῦ χωρὶσ οὐκ ἔστι νοῆσαι τὴν πρὸσ τὸ μὴ ἀγαθὸν ἀδιαφορίαν, ἔτι μᾶλλον ἡ τῶν ἀγαθῶν φρόνησισ ἐπίνοιαν αὑτῆσ οὐ δίδωσι τοῖσ ἀγαθὸν μὴ προεννοήσασιν.

ἀλλ’ ὥσπερ ὑγιεινῶν καὶ νοσερῶν τέχνησ οὐ γίγνεται νόησισ, οἷσ μὴ πρότερον αὐτῶν ἐκείνων γέγονεν, οὕτωσ ἀγαθῶν καὶ κακῶν ἐπιστήμησ οὐκ ἔστιν ἔννοιαν λαβεῖν μὴ τἀγαθὰ καὶ τὰ κακὰ προεννοήσαντασ.

λαμπρ.

τί οὖν ἀγαθόν ἐστιν; διαδουμ οὐδὲν ἀλλ’ ἢ φρόνησισ. λαμπρ Τί δ’ ἡ φρόνησισ; διαδουμ. οὐδὲν ἀλλ’ ἢ ἀγαθῶν ἐπιστήμη. λαμπρ Πολὺσ οὖν ὁ Διὸσ Κόρινθοσ ἐπὶ τὸν λόγον αὐτῶν ἀφῖκται. τὴν γὰρ ὑπέρου περιτροπήν, ἵνα μὴ σκώπτειν δοκῇσ, ἐάσον· καίτοι τὸν γε λόγον αὐτῶν ὅμοιον ἐκείνῳ πάθοσ κατείληφε. φαίνεται γὰρ εἰσ τὴν τἀγαθοῦ νόησιν αὐτὴν νοῆσαι δεόμενοσ φρόνησιν τὴν δ’ αὖ φρόνησιν ἐν τῇ περὶ τἀγαθὸν ζητῶν νοήσει, καὶ πρὸ τῆσ ἑτέρασ ἀναγκαζόμενοσ ἀεὶ τὴν ἑτέραν διώκειν, ἀπολειπόμενοσ δ’ ἑκατέρασ τῷ τὸ πρὸ αὐτῆσ νοούμενον δεῖσθαι τοῦ χωρὶσ νοηθῆναι μὴ δυναμένου.

διαδουμ.

τὴν οὐκέτι διαστροφὴν ἀλλ’ ἐκστροφὴν αὐτῶν τοῦ λόγου καὶ ἀπαγωγὴν τελέωσ εἰσ τὸ μηδὲν καταμαθεῖν.

οὐσίαν τἀγαθοῦ τίθενται τὴν εὐλόγιστον ἐκλογὴν τῶν κατὰ φύσιν·

ἐκλογὴ δ’ οὐκ ἔστιν εὐλόγιστοσ ἡ μὴ πρόσ τι γενομένη τέλοσ, ὡσ προείρηται. τί οὖν τοῦτ’ ἐστίν; οὐδὲν ἄλλο, φασίν, ἢ τὸ εὐλογιστεῖν ἐν ταῖσ τῶν κατὰ φύσιν ἐκλογαῖσ. πρῶτον μὲν οὖν οἴχεται καὶ διαπέφευγεν ἡ ἔννοια τἀγαθοῦ τὸ γὰρ εὐλογιστεῖν ἐν ταῖσ ἐκλογαῖσ σύμπτωμα δήπουθέν ἐστι, γιγνόμενον ἀπὸ ἕξεωσ τῆσ εὐλογιστίασ·

διὸ ταύτην μὲν ἀπὸ τοῦ τέλουσ, τὸ τέλοσ δ’ οὐκ ἄνευ ταύτησ ἀναγκαζόμενοι νοεῖν, ἀπολειπόμεθα τῆσ ἀμφοῖν νοήσεωσ. ἔπειτα, ὃ μεῖζὸν ἐστι, τῷ μὲν δικαιοτάτῳ λόγῳ τὴν εὐλόγιστον ἐκλογὴν ἀγαθῶν ἔδει καὶ ὠφελίμων καὶ συνεργῶν πρὸσ τὸ τέλοσ ἐκλογὴν εἶναι·

τὸ γὰρ ἐκλέγεσθαι τὰ μήτε συμφέροντα μήτε τίμια μήθ’ ὅλωσ αἱρετὰ πῶσ εὐλόγιστόν ἐστιν; ἔστω γάρ, ὡσ αὐτοὶ λέγουσιν, εὐλόγιστοσ; ἐκλογὴ τῶν ἀξίαν ἐχόντων πρὸσ τὸ εὐδαιμονεῖν ὁρ́α τοίνυν, ὡσ εἰσ πάγκαλόν τι καὶ σεμνὸν αὐτοῖσ ὁ λόγοσ ἐξήκει κεφάλαιον.

ἔστι γάρ, ὡσ ἐοίκε, τέλοσ κατ’ αὐτοὺσ τὸ εὐλογιστεῖν ἐν τῇ ἐκλογῇ τῶν ἀξίαν ἐχόντων πρὸσ τὸ εὐλογιστεῖν. λαμπρ Ἀλλ’ οὑτωσὶ μὲν ἀκούοντι τῶν ὀνομάτων ἀλλόκοτόν τι φαίνεται δεινῶσ, ὦ ἑταῖρε, τὸ φραζόμενον·

ἔτι δὲ δέομαι μαθεῖν πῶσ τοῦτο συμβαίνει. διαδουμ Προσεκτέον οὖν σοι μᾶλλον. οὐ γὰρ τοῦ τυχόντοσ ἐστὶν αἴνιγμα συνιέναι ἄκουε δὴ καὶ ἀποκρίνου. ἆρ’ οὖν τέλοσ ἐστὶ κατ’ αὐτοὺσ τὸ εὐλογιστεῖν ἐν ταῖσ ἐκλογαῖσ τῶν κατὰ φύσιν;

λαμπρ Λέγουσιν οὕτωσ. διαδουμ Τὰ δὲ κατὰ φύσιν πότερον ὡσ ἀγαθὰ ἐκλέγονται ἢ ὡσ ἀξίασ τινὰσ ἔχοντα ἢ προαγωγὰσ τοῦτο πρὸσ τὸ τέλοσ ἢ πρὸσ ἕτερόν τι τῶν ὄντων; λαμπρ Οὐ νομίζω, ἀλλὰ πρὸσ τέλοσ.

διαδουμ. ἤδη τοίνυν ἀποκαλύψασ ὁρ́α τὸ συμβαῖνον αὐτοῖσ, ὅτι τέλοσ ἐστὶ τὸ εὐλογιστεῖν ἐν ταῖσ ἐκλογαῖσ τῶν ἀξίαν ἐχόντων πρὸσ τὸ εὐλογιστεῖν· ἄλλην γὰρ οὐσίαν τἀγαθοῦ καὶ τῆσ εὐδαιμονίασ οὔτ’ ἔχειν φασὶν οὔτε νοεῖν οἱ ἄνδρεσ ἢ τὴν πολυτίμητον εὐλογιστίαν ταύτην περὶ τὰσ ἐκλογὰσ τῶν ἀξίαν ἐχόντων.

ἀλλὰ τοῦτο μὲν εἰσιν οἱ πρὸσ Ἀντίπατρον οἰόμενοι λέγεσθαι μὴ πρὸσ τὴν αἱρ́εσιν·

ἐκεῖνον γὰρ ὑπὸ Καρνεάδου πιεζόμενον εἰσ ταύτασ καταδύεσθαι τὰσ εὑρησιλογίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De communibus notitiis adversus Stoicos, section 27

(플루타르코스, De communibus notitiis adversus Stoicos, section 27)

상위

목록

SEARCH

MENU NAVIGATION