헬라어 텍스트

Herodotus, The Histories, book 5, chapter 56

(헤로도토스, The Histories, book 5, chapter 56)

ἡ μέν νυν ὄψισ τοῦ Ἱππάρχου ἐνυπνίου ἦν ἥδε· ἐν τῇ προτέρῃ νυκτὶ τῶν Παναθηναίων ἐδόκεε ὁ Ἵππαρχοσ ἄνδρα οἱ ἐπιστάντα μέγαν καὶ εὐειδέα αἰνίσσεσθαι τάδε τὰ ἔπεα. τλῆθι λέων ἄτλητα παθὼν τετληότι θυμῷ· οὐδεὶσ ἀνθρώπων ἀδικῶν τίσιν οὐκ ἀποτίσει. ταῦτα δέ, ὡσ ἡμέρη ἐγένετο τάχιστα, φανερὸσ ἦν ὑπερτιθέμενοσ ὀνειροπόλοισι·

μετὰ δὲ ἀπειπάμενοσ τὴν ὄψιν ἔπεμπε τὴν πομπήν, ἐν τῇ δὴ τελευτᾷ.