헬라어 문장 검색 - Διονψσ́ΔεΔεμοσ́44́

(디오니시오스, De Demosthene, chapter 45)

ἐκ δὲ τῶν ἐναγωνίων αὐτοῦ λόγων, ὁπόσοι πρὸσ δικαστήρια γεγόνασιν ἢ πρὸσ ἐκκλησίασ, τεκμαίρομαι, ὅτι ταύτην τὴν γνώμην ὁ ἀνὴρ εἶχεν. ὁρῶ γὰρ αὐτόν, εἴ ποτε λάβοι πράγματα χαριεστέρασ δεόμενα κατασκευῆσ, πανηγυρικὴν αὐτοῖσ ἀποδιδόντα τῆσ λέξεωσ ἁρμονίαν, ὡσ ἐν τῷ κατὰ Ἀριστοκράτουσ πεποίηκε λόγῳ πολλαχῇ μὲν καὶ ἄλλῃ, μάλιστα δ’ ἐν οἶσ τὸν περὶ τῶν νόμων ἀποδίδωσι λόγον καὶ τὸν περὶ τῶν φονικῶν δικαστηρίων, ἐφ’ ἧσ χρείασ ἕκαστον αὐτῶν τέτακται· κἀν τῷ κατὰ Λεπτίνου περὶ τῆσ ἀτελείασ κατὰ πολλὰ μέρη, μάλιστα δ’ ἐν τοῖσ ἐγκωμίοισ τῶν εὐεργετῶν τῆσ πόλεωσ Χαβρίου τε καὶ Κόνωνοσ καί τινων ἑτέρων, κἀν τῷ περὶ τοῦ στεφάνου καὶ ἐν ἄλλοισ συχνοῖσ. τοῦτο δὲ δή μοι πρῶτον ἐνθυμηθεὶσ δοκεῖ συμμεθαρμόζεσθαι ταῖσ ὑποθέσεσι τὸν χαρακτῆρα τῆσ συνθέσεωσ καὶ ἔτι μετὰ τοῦτο τὰσ ἰδέασ τοῦ λόγου καταμαθών, ὅτι οὐχ ἅπασαι τὸν αὐτὸν ἀπαιτοῦσιν οὔτε ἐκλογῆσ ὀνομάτων κόσμον οὔτε συνθέσεωσ, ἀλλ’ αἳ μὲν τὸν γλαφυρώτερον αἳ δὲ τὸν αὐστηρότερον, καὶ τῇ τούτων ἀκολουθήσασ χρείᾳ τὰ μὲν προοίμια καὶ τὰσ διηγήσεισ ποιεῖν πλεῖον ἐχούσασ τοῦ σεμνοῦ τὸ ἡδύ, τὰσ δὲ πίστεισ καὶ τοὺσ ἐπιλόγουσ τῆσ μὲν ἡδείασ συνθέσεωσ ἐλάττω μοῖραν ἐχούσασ, τῆσ δὲ αὐστηρᾶσ καὶ πεπινωμένησ πλείω. ἐν αἷσ μὲν γὰρ δεῖ κολακευθῆναι τὸν ἀκροατὴν καὶ παρακολουθῆσαι τοῖσ πράγμασι κακῶν ἀλλοτρίων διηγήσεισ αὐχμηρὰσ ἐνίοτε καὶ ἀηδεῖσ ἀκούοντα, ἔνθα εἰ μὴ τὸ παρηδῦνον ἡ σύνθεσισ ἐπενέγκοι ἢ παραμυθήσαιτο τὸν τῆσ διανοίασ κόπον, οὐχ ἕξουσιν αἱ πίστεισ βάσιν ἀσφαλῆ· ἐν οἷσ δὲ τὰ πρὸσ τὴν ἀλήθειαν καὶ τὸ συμφέρον συντείνοντα λέγεσθαι·

ταῦτα δὲ ἁπλοϊκῶσ πωσ καὶ γενναίωσ καὶ μετὰ σεμνότητοσ αὐστηρᾶσ ἀπαιτοῦσιν οἱ πολλοὶ μανθάνειν, τὸ δὲ κωτίλον ἐν τούτοισ καὶ ἀπατηλὸν ὡρ́αν οὐκ ἔχει ἐπὶ τῶν ἐναγωνίων λόγων. οὐ τὴν αὐτὴν οὖν ἐπιστάμενοσ ἁπάντων φύσιν οὐδὲ τοὺσ αὐτοὺσ ᾤετο δεῖν πᾶσι προσήκειν κόσμουσ, ἀλλὰ τοῖσ μὲν δημηγορικοῖσ τὸ ἀξίωμα καὶ τὴν μεγαληγορίαν μᾶλλον ἁρμόττειν, τοῖσ δὲ δικανικοῖσ, ἔνθα τῶν ἀλλοτρίων ἀκουστὴσ γίνεται κακῶν ὁ δικαστήσ, ψυχῆσ τε καὶ τῶν ἄλλων, ὅσα τιμιώτατά ἐστιν ἀνθρώποισ, ἀγών, τὴν χάριν καὶ τὴν ἡδονὴν καὶ τὴν ἀπάτην καὶ τὰ παραπλήσια τούτοισ. διὰ τοῦτο ἐν μὲν ταῖσ συμβουλαῖσ καὶ μάλιστα ταῖσ κατὰ Φιλίππου κατακορεστέραισ κέχρηται ταῖσ αὐστηραῖσ ἁρμονίαισ, ἐν δὲ τοῖσ πρὸσ τὰ δικαστήρια συνταχθεῖσι ταῖσ γλαφυραῖσ.

καὶ αὐτῶν δὲ τῶν δικανικῶν πάλιν ἐν μὲν τοῖσ δημοσίοισ, ἔνθα τὸ ἀξίωμα ἔδει τῆσ πόλεωσ φυλάξαι, ταῖσ μεγαλοπρεπεστέραισ πλείοσιν, ἐν δὲ τοῖσ ἰδιωτικοῖσ ἐλάττοσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 45

(디오니시오스, De Demosthene, chapter 45)

상위

목록

SEARCH

MENU NAVIGATION