헬라어 문장 검색 - Διονψσ́ΔεΔεμοσ́05́

(디오니시오스, De Demosthene, chapter 5)

ἡ δὲ δὴ Πλατωνικὴ διάλεκτοσ βούλεται μὲν εἶναι καὶ αὐτὴ μῖγμα ἑκατέρων τῶν χαρακτήρων, τοῦ τε ὑψηλοῦ καὶ ἰσχνοῦ, καθάπερ εἴρηταί μοι πρότερον, πέφυκε δ’ οὐχ ὁμοίωσ πρὸσ ἀμφοτέρουσ τοὺσ χαρακτῆρασ εὐτυχήσ. ὅταν μὲν οὖν τὴν ἰσχνὴν καὶ ἀφελῆ καὶ ἀποίητον ἐπιτηδεύῃ φράσιν, ἐκτόπωσ ἡδεῖά ἐστι καὶ φιλάνθρωποσ. καθαρὰ γὰρ ἀποχρώντωσ γίνεται καὶ διαυγήσ, ὥσπερ τὰ διαφανέστατα τῶν ναμάτων, ἀκριβήσ τε καὶ λεπτὴ παρ’ ἡντινοῦν ἑτέραν τῶν τὴν αὐτὴν διάλεκτον εἰργασμένων. τήν τε κοινότητα διώκει τῶν ὀνομάτων καὶ τὴν σαφήνειαν ἀσκεῖ, πάσησ ὑπεριδοῦσα κατασκευῆσ ἐπιθέτου. ὅ τε πίνοσ αὐτῇ ὁ τῆσ ἀρχαιότητοσ ἠρέμα καὶ λεληθότωσ ἐπιτρέχει χλοερόν τέ τι καὶ τεθηλὸσ καὶ μεστὸν ὡρ́ασ ἄνθοσ ἀναδίδωσι. καὶ ὥσπερ ἀπὸ τῶν εὐωδεστάτων λειμώνων αὖρά τισ ἡδεῖα ἐξ αὐτῆσ φέρεται. καὶ οὔτε τὸ λιγυρὸν ἐοίκεν ἐμφαίνειν λάλον οὔτε τὸ κομψὸν θεατρικόν. ὅταν δὲ εἰσ τὴν περιττολογίαν καὶ τὸ καλλιεπεῖν, ὅ πολλάκισ εἰώθε ποιεῖν, ἄμετρον ὁρμὴν λάβῃ, πολλῷ χείρων ἑαυτῆσ γίνεται· καὶ γὰρ ἀηδεστέρα καὶ κάκιον ἑλληνίζουσα καὶ παχυτέρα φαίνεται μελαίνει τε τὸ σαφὲσ καὶ ζόφῳ ποιεῖ παραπλήσιον ἕλκει τε μακρὸν ἀποτείνασα τὸν νοῦν, συστρέψαι δέον ἐν ὀνόμασιν ὀλίγοισ.

ἐκχεῖται δ’ εἰσ ἀπειροκάλουσ περιφράσεισ πλοῦτον ὀνομάτων ἐπιδεικνυμένη κενόν, ὑπεριδοῦσά τε τῶν κυρίων καὶ ἐν τῇ κοινῇ χρήσει κειμένων τὰ πεποιημένα ζητεῖ καὶ ξένα καὶ ἀρχαιοπρεπῆ. μάλιστα δὲ χειμάζεται περὶ τὴν τροπικὴν φράσιν, πολλὴ μὲν ἐν τοῖσ ἐπιθέτοισ, ἄκαιροσ δ’ ἐν ταῖσ μετωνυμίαισ, σκληρὰ δὲ καὶ οὐ σῴζουσα τὴν ἀναλογίαν ἐν ταῖσ μεταφοραῖσ. ἀλληγορίασ τε περιβάλλεται πολλὰσ καὶ μακράσ, οὔτε μέτρον ἐχούσασ οὔτε καιρόν. σχήμασί τε ποιητικοῖσ ἐσχάτην προσβάλλουσιν ἀηδίαν καὶ μάλιστα τοῖσ Γοργιείοισ ἀκαίρωσ καὶ μειρακιωδῶσ ἐναβρύνεται. καὶ πολὺσ ὁ τελέτησ ἐν τοῖσ τοιούτοισ παρ’ αὐτῷ, ὡσ καὶ Δημήτριοσ ὁ Φαληρεὺσ εἴρηκέ που καὶ ἄλλοι συχνοὶ πρότερον.

οὐ γὰρ ἐμὸσ ὁ μῦθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, De Demosthene, chapter 5

(디오니시오스, De Demosthene, chapter 5)

상위

목록

SEARCH

MENU NAVIGATION