헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 52)

ταῦτ’ εἰπόντοσ Αἰμιλίου δεύτεροσ κληθεὶσ Ἄππιοσ Κλαύδιοσ, ὁ τῷ πρόσθεν ὑπατεύσασ ἔτει, τὴν ἐναντίαν γνώμην ἀπεφήνατο διδάσκων, ὡσ οὔθ’ ἡ βουλὴ διανεῖμαι τὰ δημόσια προαίρεσιν ἔσχε· πάλαι γὰρ ἂν εἰληφέναι τὰ δόξαντ’ αὐτῇ τέλοσ· ἀλλ’ εἰσ χρόνον καὶ διάγνωσιν ἑτέραν ἀνεβάλετο, παῦσαι προθυμουμένη τὴν τότε κατασχοῦσαν στάσιν, ἣν εἰσῆγεν ὁ τῇ τυραννίδι ἐπιχειρῶν ὕπατοσ καὶ μετὰ ταῦτα δίκασ δοὺσ καλάσ· οὔθ’ οἱ μετὰ τὸ προβούλευμα λαχόντεσ ὕπατοι τέλοσ τοῖσ ἐψηφισμένοισ ἐπέθεσαν ὁρῶντεσ, ὅσων εἰσελεύσεται κακῶν εἰσ τὴν πόλιν ἀρχὴ συνεθισθέντων τὰ κοινὰ τῶν πενήτων διαλαγχάνειν·

αἵ τε μετ’ ἐκείνουσ πεντεκαίδεκα ὑπατεῖαι πολλῶν αὐταῖσ ἐπαχθέντων ὑπὸ τοῦ δήμου κινδύνων οὐδὲν ὑπέμειναν, ὃ μὴ συνέφερε τῷ κοινῷ πράττειν, διὰ τὸ μηδ’ ἐξεῖναι σφίσι κατὰ τὸ προβούλευμα τοὺσ γεωμόρουσ ἀποδεικνύειν, ἀλλὰ τοῖσ πρώτοισ ἐκείνοισ ὑπάτοισ.

ὥστ’ οὐδ’ ὑμῖν, ἔφησεν, ὦ Οὐαλέριε, καὶ σὺ Αἰμίλιε, γῆσ ἀναδασμοὺσ εἰσφέρειν, οὓσ οὐκ ἐπέταξεν ὑμῖν τὸ συνέδριον, οὔτε καλῶσ ἔχει, προγόνων οὖσιν ἀγαθῶν, οὔτ’ ἀσφαλῶσ.

ταῦθ’ ἱκανά.

περὶ δὲ τοῦ βιασαμένουσ τινὰσ ἢ λαθόντασ σφετερίσασθαι τὰ δημόσια βραχὺσ ἀπαρκεῖ μοι λόγοσ. εἰ γάρ τισ οἶδε καρπούμενόν τινα, ὧν οὐκ ἔχει κτῆσιν ἀποδεῖξαι νόμῳ, μήνυσιν ἀπενεγκάτω πρὸσ τοὺσ ὑπάτουσ καὶ κρινάτω κατὰ τοὺσ νόμουσ, οὓσ οὐ νεωστὶ δεήσει γράφειν·

πάλαι γὰρ ἐγράφησαν, καὶ οὐδεὶσ αὐτοὺσ ἠφάνικε χρόνοσ. ἐπεὶ δὲ καὶ περὶ τοῦ συμφέροντοσ ἐποιεῖτο λόγουσ Αἰμίλιοσ, ὡσ ἐπὶ τῷ πάντων ἀγαθῷ τῆσ κληρουχίασ ἐσομένησ, οὐδὲ τοῦτο τὸ μέροσ ἀνέλεγκτον ἐᾶσαι βούλομαι.

ἐμοὶ γὰρ δοκεῖ τὸ αὐτόθι μόνον οὗτόσ γ’ ὁρᾶν, τὸ δὲ μέλλον οὐ προσκοπεῖν, ὅτι μικρὸν εἶναι δοκοῦν ἐπὶ τῶν δημοσίων τοῖσ ἀργοῖσ καὶ ἀπόροισ πολλῶν ἔσται καὶ μεγάλων κακῶν αἴτιον. τὸ γὰρ ἔθοσ τὸ συνεισπορευόμενον ἅμα τούτῳ καὶ διαμένον ἐν τῇ πόλει καὶ μέχρι παντὸσ ὀλέθριον ἔσται καὶ δεινόν·

οὐ γὰρ ἐξαιρεῖ τὰσ πονηρὰσ ἐπιθυμίασ ἐκ τῆσ ψυχῆσ τὸ τυγχάνειν αὐτῶν, ἀλλ’ αὔξει καὶ πονηροτέρασ ποιεῖ. τεκμήρια δ’ ὑμῖν γενέσθω τούτων τὰ ἔργα· τί γὰρ δεῖ τοῖσ λόγοισ ὑμᾶσ τοῖσ ἐμοῖσ ἢ τοῖσ Αἰμιλίου προσέχειν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 52

(디오니시오스, Antiquitates Romanae, Books VII-IX, book 9, chapter 52)

상위

목록

SEARCH

MENU NAVIGATION